|
يا رب يموت دا قارفنى .. بقلم سندريلا الشرق يا رب يموت دا قارفنى أقوله يمين .. يخالفنى أقوله البيت يقولى مفيش مفكرنى من الحرافيش عايش فى زمانه وحدَانى بكمبيالات يسلفنى عيالك يا مدام حوشى خافوا شويه على فلوسى فلوسك يا غراب البين !! مـ عرتهم وعرتنى نقوم نخرج يسهرنا يفرجنا على الأصناف نقوله هات يقول يَـمّا كلامكم ليه مخوفنى ولادى يبصوا فى عنيه كان ليه تخلفينا ليه ؟ وليه راجل بخيل زيه ؟ بيمحيهم ويحذفنى !! فى يوم نتعشى وحدينا أقوله مرة أكّلنى يقول لا حول ولا قوة يبص بعيد ويكرِفنى وآه على صوته لو غنى كأن الدنيا بتصفر أقوله كفاية يا حبيبى يزيد موال !!! بينصفنى جيرانا يخبطوا عـ الباب حرام نايمين يا عالم هُوس بهيمة دى ولا عجل جاموس لا ياختى دا جوزى بيتحفنى يصحينى فى عز البرد يفكرنى بفيلم القرد وآه لو أقوله مش فاكره يجيبلى من سنة خمسين دراما ورعب .. يشتتنى وآدى حكايتى مع الشيطان غرام وهيام بلا حرمان قوموا يلا اتجوزوا بسرعة لكن ما حد .. يحلفنى سندريلا الشرق 26 / 2 / 2013 |
يا ريت يا جماعة اللى تعجبه عاوزة تقييم علطول هههه مش لايك وخلاص !!! |
هههههه مش ممكن فيه كده ياناس ازواج ماقدرتش اجارى قلمك لحسن نعقد الناس من الجواز وقومتى بالواجب وزيادة بجد شخصيه غريبه ووصفتيها بطريقه جميله ساخره بتوصف واقع فعلا لنوعيه معينه تسلمى سندريلا ونورتى الابداعات ودى مع التقييم |
كمصريين احترفنا الضحك برغم قسوة ووجع الآلام فينا ولكننا نحاول علنا نهرب ولو قليلا بما نسطره فوق الاوراق وهنا كانت فكرتك الطيبه الهادفه الخفيفه بتوعات بالغه وعميقه تحمل معاني كثيره وكثيره رائعه يا صاحبة القلم الطيب الودود كوني بكل الخير الدائم تحيتي وتقييمي حفظك الله |
هههههههههههههه جميل وصفك للرجل البخيل وصفتى واقع وشخصية موجودة بخفة دم وقلم ساخر تقيمى وتقديرى لروعة ما نثرتى |
هههههه :)) حلوة ^^ بس ع فكرة مش معاكي في الدعوة دي ^^ عشان مش المفروض ندعي ع حد بالموت :) بس بجد حلوة المقاطع الاخيرة ضحكتني :) موضوعك كتير حلو استمري ي جميل :* وهاتيلنا من العامي دا كمان ^^ ارق تحياتي |
ههههههههههههه حلوه بجد يسلموووو ع كلمات الجمييييييييييله ف انتظار جديدك |
اقتباس:
دمعة حائرة،،، حقاً لم أقابل هذه الشخصية فى طريقى ولا فى أقربائى المتزوجات للأن ولكن بكل تأكيد هى نموذج لشخصية موجودة بالفعل فى مجتمعنا بل والله يوجد الأسوأ منها من خلال سماعى لقصص العديدات خالص تحياتى لكِ ولحضورك وزهور البنفسج |
اقتباس:
الأخ الكريم والمتابع النشيط أدهم "نجم وزهرة ومسافات فراق " ودائماً أنت سباق للمتابعة للجميع فكان مرورك كالإطلالة الغنية بعبق الزهور خالص تحياتى لك وزهور البنفسج |
والله أنا شايف إنك قاسية عليه حبتين صحيح هو مزودها ومخليها زفتتين بس يعنى شوية عليك وعليه يمكن يااختى نظرة عين ماانتى عارفه الناس بتحسد أى أتنين علشان يااختى وانت عارفة بنات عينها فارغة يغمزتين وليك الاجر لو صبرتى وهو هيبقى نور العين تسلمى ساندرلا حكاية جميلة جدا بس دا ياترى حلم ولاعلم ولا أمنية تحياتى وودى رفعت |
| الساعة الآن 12:11 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب