|
إستفتاء هام بخصوص إستكمال دورة الفلاشات ..!! السلام عليكم ورحمة الله وبركاته زى ما واضح من العنوان وسؤال الاستفتاء وهو عايزين نكمل الدوره ولا لاء ؟؟ مبدأيا انا عارف ان كل اللى هيدخل هيقول كمــل الدوره :18: طب عايزكــوا تفهموني كده على اى اساس هنكمل الدوره ومحدش تقريبا بيتابع بإستثناء عضويين فقط متابعين الدوره من البدايه ! انا ومحمود اتكلمنا كتير مع بعض بخصوص الموضوع دا وفكرت كتير اننا خلاص نكتفي باللى اتعرض دا وخلاص نقفل الدوره بتاعتنــا لان التفاعل المطلوب مش موجود .. الواحد بيتعب جاامد علشان يعمل ويظبط درس بيخص الفلاشات وفى الاخر مش يلاقي التفاعل المطلوب يبقى العقل بيقول هنــا اننا نريح دماغنا ونقفل الموضوع دا مش كده ! ..... قبـل ما تصوت دلوقت بنعم أو لاء لازم يكون إختياراكـ بعيد عن المجامله والتصويت هيكون مرئي أو واضح لينا احنا مشرفين القسم علشان نشوف مين اللى بيصوتوا واللى هيصوتوا بنعم لازم يكون عندهم قناعه تامه بإنهم هيتابعوا الدوره وهيطبقوا دروسهــا .. لان لو انتهي الاستفتاء دا بنعم إستكمال الدوره .. هنعمل مسابقه خاصه بدورة الفلاشات هتعتمد على الدروس اللى فاتت والدروس الجايه بعد كده هتبقى برقم سري سيتم إرساله للعضو اللى هيتابع معانا بشرط انه يقوم بتطبيق الـ 7 دروس اللى نزلت فى القسم ! وانا دلوقت هأعمل تنبيه إجباري بإستخدام النجوم الخاصه بيا علشان الناس كلها تشوف التوبيكـ دا .. فى انتظار التفاعل خالص الاحترام والتقديــر ,, |
مينفعش كدا اول اما افكر انى اتعلم السويتش تلغوا الدورة لأ طبعاً وان شاء الله هطبق على الدروس اللى فاتت بجد تحياتى على مجهوداتكم فى الدورات وغيرها ، تحياتى |
اقتباس:
هأبقى انزل نفس الشرح بالسويتش الحديث الى عندكـ واللى هو نفسه عندي وبشتغل عليه وأبدأي من دلوقت طبقي الدروس اللى نزلت واى حاجه قوليلى وانا معاكي فيها وتاابعي بقآ اى جديد ان شاء الله منوره اختــــى :) |
انا ولا هقول ولا نعم ولا لا انا بقوول بدل ما تتعبوا نفسكو دلوقت و مافييش تفاعل و تطبيقات و ده اكييد بسبب ظروف الدراسه و عشان كدا اانا بقول ان الافضل الدورة تتأجل مش تتنتهى خالص تتأجل لحد ما الدراسه دى تخلص للاجازة يعنى و اكييد ساعتها هيبقى فى اهتمام اكتر من المشاركين و هتحسوا بمجهودكم فعـلا لاان الدورة دى فعلا فيها تعب جاامد اوى و دروسها كلها جميله بالتوفييق لينا جميعـا بأذن الله |
انا صوت نعم لانى بجد والله نفسى اتعلمه بجد ولكن ظروف النت معاى يوم يظبط واتنين لا لكن هاعمل كل جهدى للمتابعه وبصراحه انتم عملتو مجهود عالى يارب يكون التفاعل المره دى عالى الله لا يحرمنا منك احمد |
اقتباس:
الدروس اللى بتنزل مش لازم تتطبق فى نفس يوم تنزيلها يعني لو عضو بيدخل يوم واحد بس فى الاسبوع علشان دراسته يقدر يدخل يحمل الدرس ويطبقه ويبقى خلص المطلوب منه تسلمي اختــي للمتابعه وعايزكـ تطبقي الدروس زى ما قولتلك وتتابعي معانا :) |
اقتباس:
واول ما يبقى النت كويس اشتغلي وطبقى الدروس اللى فاتت واى حاجه او اى استفسارات انا معاكــي فيها مودتــــى :) |
شكرا يا احمد على انك ااهتميت بموضوع الاستفتاء وشكرا للناس اللى عارفه ان حقيقى الواحد بيتعب فى الدروس ومش بقولك بيتعب علشان تقدرونى بتقييم او يك او رد لا وعلشان كدة قولت لاحمد ان ينبه على التطبيق كل اللى بطلبه منكم التطبيق والمتابعه فقط شكرا ليكم واتمنى اشوف راى الجميع |
ههههههههههه حلوه رقم سري انا متابعه معاكم من الاول يعني انا مش من المتهمين بالكلام كمل يااعم احنا ما صدقنا نتعلم السويتش علشان ما ندايق حد انه يعمل ينا موفقين |
هو أكيد بيُبذل مجهود كبير فأكيد بردو أ.محمود يستحق كتييييييير شكراً وعن نفسي إن شاالله هستمر متابعة الدورة يعني .. شكرا أ.أحمد .. بالتوفيق .. |
| الساعة الآن 05:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب