خايف أطلعلى بمادة بسم الله الرحمن الرحيم ،، - - كنت مستنى النتيجة من يومين إيدى على قلبى وقاعد مستكين خايف اطلعى بمادة ولا مادتين ولا أشيل التيرم كله زى كريستين صاحبة بنات عمى سارة ونرمين عارف انى ف الجيولجيا كنت طين الرياضة فيها عكيت عك السنين و ف المواد الباقية كلها مخى تخين يمكن الدكتور يغلط وأبقى م الناجحين ولا إن حلى كان صحيح م الجامدين النهاردة ماشى ويا أحمد وإسماعين إتصل وائل علينا ظهرت يا فاشلين كلكوا سقطوا السنة دى سامعيين من زمان قلتلقوا ذاكروا فاكرين اتفقنا من النهاردة هنكون مجتهدين وبدروسنا ومذكرتنا نبقى مهتمين ولا حد تانى هيقول عننا مهملين هنستنى فرحة نجاحنا ونبقى مقدرين زى يوم ما استنى الإخوان المسلمين فرحة فوز مرسى بالرئاسة 4 سنين بقلم : محمود محى |
|
حلوة كـالعاده يا محي .. مع تحفظى على كلمه ( اسماعين ) وتحفظى ايضا على النهايه .. كان ممكن تقفلها قبل البيتين الاخريين بتوع مرسى هههه خلينا يابنى نخرج من جو السياسه دا شويه .. مبدع يا واد .. |
حلوة أوي يا محي برغم اني نادر لما ادخل الادبيات بس العنوان شدني استمر بقى ,, |
تسلم ايدك محمود ودي واحترامي |
جميله جدا ي محــي عجبتني وان شاء الله نكون فالحين ونعدي الترم دا صافيين :09: استمر ي برنس ,, |
موضوع مذاكرة الكليه ده بيستفزني لاني ببزل مجهود وممكن اشيل الماده او اجيب مقبول واخويا في كليه خاصه ولا بيعمل اي حاجه وفي الاخر يجيب تقديرات ربنا ياخد البوابين الي عندنا ويرزقنا بدكاترة بحق ربنا عجبتني جدا بلتوفيق |
جميله مافي كلام بجد تخيلتك وآنت بنتظر النتيجه هههههه آن شاء الله تنجح بآذن الله بتوفيقات محمود >>> |
هههههههههههههههههههه انت فاكر بعد كل ده هاتطلع بماده واحده ههههههههههه يالهوى دانت يابنى بتحلم بس اقولك تصدق ممكن تعدى معاك هى مسأله حظ وانت عارف حظك بقى يارب تنجح ان شاء الله عشان تجيبلى هديه بقى هههههههههههه توبيك رائع ودمه خفيف |
دايما النجاح محتاج اجتهاد ودا شرط أساسي عشان كدا انا شخصيا كـ أسماء مش متفائلة لنفسي =)) جميلة شكرا .. بالتوفيق .. |
الساعة الآن 01:21 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب