|
مَطْلوب رَئيسْ (1) مَطلوب رئيس إنسان نعيش معاه ف أمـــــان يِعاملنا بكل إحترااام مش زى الخِرفااااان (2) مطلوب ريس عادل ماهوش للحق قااتل زى الفاروق عُــــــمـــــر للعدل كان حـــاامل (3) مَطلوب رئيس صادق يقول كلامه ولا ينافق عشان نكون واضحين للكِدب مانيش طاايق (4) مَطلوب رئيس مَصرى مُنتمى لترابى وأرضــى مِش لأهله وعَشيرتــــه لجل ما فديه برقبتـى (5) مطلوب رئيس راجــــــــــــل مبقاش ف وقت فاضل بـــسرعة يِصحح مًسااره قبل مـا نعتبره راااحــــل وليدة اللحظة : |
سلمت اناملك يا استاذنا كلمات في غاية الروعة ونابعة من القلب تحياتي |
طلبك مرفوض يا سيد خلاص الوقت فات امانيك دى وهم كبير فوق بقى مـ الذكريات عاوز رئيس كما عُمَر ؟ بالذمة دا طلب !!! ومنين نلاقى عُمَر مع شعب فى قيمه اتنهب دا عُمر طويل يا جدع 30 سنة مـ الذل مـ الصعب تلاقى عُمَر أو حتى خليفة حُر إرجع مكان ما جيت وأطلب لقمة وحبة ضل أخى الفاضل راقتنى كلماتك فـ أردت المجاراة بقليل حرفى أرق التحايا لك وباقة بنفسج |
مطلوب رئيس و نداء أخر ورساله لن تصل راقتني حقاً ,, إستمر أيٌها الجَميل ولك تحياتى القلبيه |
حد يفهمنى فين الريس من اللى بيحصل فين المساوه فى الظلم زى ما حكمت على ثلاث محافظات بالحظر والطوارىء احكم على الالتراس ولا دول تبعكم تبع الاهل والعشيره طبعا بعد اجتماعهم بالشاطر خدوا الجنسيه الاخوانيه لك الله يا بلدى وما زلنا نكيل بمكيالينانا باغليانا باغلي |
أنا عندى رئيس تيوانى يقدر على تمنه الغلبانى كلامه نباتى وحيوانى قراراته بكل الألوانى تعجب السلفى والاخوانى وتسعد اللبرالى والعلمانى ومالوش عشيرةومخاصم الخرفانى ولاصاحبه سياسى ولا فكهانى نتخاصم نتظاهر يغنى آه يانى نولعها نحرقها يعزف ألحانى تخرب تعمر يقول سادد ودانى إيه رأيكم يااصحابى ياخلانى مش كده احسن من الطبخة الباذنجانى وكفاية لحسن اتقهرت وفاض بى الغلايانى اهو فشيت قهرى واستريحت ثوانى |
مطلوب رئيس ومطلوب شعب لو حال التاني انصلح يبئا ربنا هيكرمنا بالأول .. طرح قيم شاكرة لحضرتك .. دمت بتوفيق وسعادة .. |
بسم الله الرحمن الرحيم وحتى الفاروق عُمر كان له اعداء وفى صلاة الفجر وهو يُلبي النداء تخطى الصفوف وطعنه طعنه نكراء وفى كل زمان هناك فى القلوب وعاء ينضح بما فيه.. وتكرار الخطأ غباء حقد اسود يا وطنى والله يفعل ما يشاء توحيد الصف هو الحل يا من انتم ابناء بلد رائع هى مصرنا اين يا اخوة الاخاء وتبث عيوبنا فى كل مكان عبر الفضاء ولغة المفلس السباب ونقول كن كما تشاء ارض مصر ثابته وكل من عليها الى فناء قليل من ابنائك يا وطن من يرتدى كساء المكر.. وليل نهار يتلون تلون الحرباء نحن واثقون كل الثقه لن يدوم الا الشرفاء احترامى لحضرتك وتقديرى السفيره |
لن يتم تصحيح المسار إلا بالعودة بالزمن للوراء و هذا محال . يمكن علينا أن نجد مسارا آخر و ليكن صحيحا من البداية .. رائعة كلماتك جدا عبرت عن الشعب المخنوق تقديري و احترامي |
الموضوع قوي كموضوع ولكن الموسيقي منعدمة الا في مواضع قليلة تقبل نقدي وتقبل احترامي جوزيت خيرا |
| الساعة الآن 02:14 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب