منتديات بنات مصر - إختبار القٌدرات / الشَرح + البدايه

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - إختبار القٌدرات / الشَرح + البدايه (https://forums.banatmasr.net/msryat412110/)

إختبار القٌدرات / الشَرح + البدايه

الساده رواد واحه العاميه ومٌبدعيها ,,
أهلا وسَهلا بِكٌم في "إختبار القٌدرات" .

الفِكره :

15 كِلمه هنطرح كٌل 10 دقايق كِلمه ,,
كٌل كِلمه عليها درجتين ,, وبالتالى المجموع مِن 30 درجه .

الكِلمه هنحطها في رٌباعيه مٌفيده :04::04: .
كـ مثال ,,

الفٌراق

كٌــنت لحبيبــتى دايــماً مٌشــتاق
أنا وهيا مِش مٌجرد إتنين عٌشاق
ماتخيلتش أبداً مانكونش لبعض
نفترق و تكــويــنا نــااار الفٌـــراق

مسموح بتجاوز الـ 10 دقايق ,, والرد بعد إنتهائهم ,, ولكن
في النهايه وبعد نهايه الــ 10 دقايق لــ الكلمه الأخيره ,,
غير مسموح بــ الطرح ,, والإلتزام بــ بناء الرٌباعيه و رؤيه كٌل مٌشارك هتحسم السباق والمٌنافسه .

إيه فايده الكتابه أول بـ أول ,,
علشان فى النهايه تكون الأسرع ومحدش يسبقك ,,

وإللى هيدخل متأخر وهيشارك وإحنا ف الكلمه رقم 5 أو 6 وكَتب مِن الأول مفيش مٌشكله لان التقييم هيكون فى نهايه الإختبار ,,

التقييم مِش هيكون بس للأسرع ,,
هيكون تقييم عدد المٌشاركات ومجموع الدرجات الحاصل عليها كٌل مٌشارك ..

والجوائز ,,
المركز الأول ,, وسام عبقري العاميه + 3 نجوم سيلفريه و 200 مٌشاركه .
المركز الثاني ,, نجمتين سيلفريه ,, و 100 مٌشاركه ..

والأسرع في الطرح هيحصل على 3 نجوم سيلفريه و 100 مٌشاركه
في حال كان في المراكز الأولي أو لاء .

موعدنا في تمام الثامنه مساءاً

الموضوع مفتوح للإستفسارات والمٌقترحات لــ حين البدء .

فى الانتظار ان شاء الله ..

احب انا الشغل دا يا ايمن ..

فكره جميله احيك عليها

وهطلع مواهب كتير ^_^

فكره جميله وجديده
سلمت الايادي
بس انا في العاميه ضايعه مش اوي

بالتوفيق ان شاء الله
ودي وتقديري

لا اختبار قدرات جميل يا ايمن

حيظهر قدرات حلوة

جميل الاختيار منك اخى

موفق

تحياتى

الفكره رائعه جدا علي فكره
وشويه شويه وتبقي تكبر الرباعيه تبقي تومانيه
:))
المهم
المعاد امته ان شاء الله
ياريت يا يبقي بالنهار يا متاخر اوي
لاني عندي شيفت من 7 ل 12

حلوه الفكره ياا ايمن

بس انت مش ملاحظ العشر دقائق دوول طوال

ساعتين ونصف علشان نكمل ال 15 كلمه

ياتري ليا نصيب في اني اكتب كلمه ولا لا

موفقين

ياسيدى ع الافكار

فكره حلوه جدااا

الساعه 8 للاسف هكون طرت مش هكون هنا

خيرها ف غيرها بقا ان شاء الله

بالتوفيق للجميع

بصراحة يارحال وبدون زعل

انا مش مجمعه الفكرة خصوصا موضوع السرعة ده

لان النت الايام دي يزهق جدا والسرعات بتختلف

من حد للتاني فياريت افهم اكتر

وان شاء الله موفقين

فكره مميزه منك اخي
ربنا يوفقك ويوفق اخوتي هنا
تحيتي للجميع

اخوكم