جـــدي مــــآت يمكن دي اكتر حاجه حسيتها وحبيتها لحد دلوقتي يارب تعجبكـــوآ جدي مات جدي مات وخد معاه كل الحجات خد معاه طعم الكلام وسابلنا مر السكات اصل لما جدي مات مبقاش فيه اي حكايات تنحكي وقت السمر ولا بقي في طعم ل سهر والخير خلاص افتقر وبيتباع ف المحلات هييييه ,,, راحت فين ايام زمان ايام ما كانت البيبان تبات الليل متفتحه والخلق جايه ومرَوَّحه والبيوت نايمه فـ امان ايام لو كان البرد يكتر عن الدفي تلقي القلوب متحدفه احضانها تحوي ف الشتا كل واحد كان بردان فين ايام ماكانت العيال تندهلي علشان انزل العب ولو كنا نعمل الغلط او نحدف حد بالزبط كان عمي الحج يضرب فنلم حاجاتنا ونهرب من سكات فين ايام ماكانت البنات تلاقي لونها ينخطف وتداري كده وتتكسف وتعدي علي طول من سكات ده انا لما جدي مات نسيوه قوام قوام وتاه اسمه ف وسط الكلام والحديت بقي ليه وكام والحروف دخلت مزاد والكلام بقي ب الفلوس والاجسام سابت النفوس والمعاني ف القاموس مبقتش ف قلوب العباد وابقي اسال عنها الولاد فينك يا ايام جدي بس ده البعيد مبقاش يحس والايمان ف القلب خس والخير خلاص اهو مات بالظبط زي ما جدي مات |
كلمات جميله تحمل معنى واضح لافتقادنا لكل الحاجات الجميله لايام زمان تسلم سعد ويدوم الابداع |
طب انا اقول ايه ولا اعلق بأيه بس هفتكره في دعائي ده وعد ومش هقول بتحبه كده ليه لأنك ابدعت يا محمد سعد |
رحمه الله عليه وعلى جدتى وكل أمواتنا ساعات بنحس بفقدان الحياه لما يفارقنا أحدهم كلمات جميله معبره جداا عن حب كبير فى قلبك لجدك تسلم يامحمد دوما مبدع يدوم التواجد الراقي |
مش عارفه أدخل الفيس آلاقى بيقولولى جدى ما !! اغير على السايت آلاقى بيقولوا جدى مآت لا إله إلا الله كلمات جميله ومعبره تسلم إيدك تحياتى |
سعد كلام موزون ورائع ومعبر كثييييييييربجد انت موهوب ياسعد في حجات كثير حبيت الكلامات وكانت موثره كثير |
مش عارفه اعلق ع ايه ولا ايه ربنا يرحمنا جميعا حقا كلمات صعب ان توصف باي كلمه اسمح لي ابدي اعجابي بقلمك وتميزك واسلوبك الراقي وتالقك تقييمي |
الرحيل مش مجرد رحيل شخص الرحيل رحيل زمن بالكامل زمن كان الاحساس فيه له الف معنى ~ وكأن الزمن ده له حرااس جدى وجدك وكل ال فى اعمارهم وكل ما يموت منهم واحد يبدا كل حاجه طعمها يروح جميل جدا كلامك وطريقة العرض والاسلوب رحم الله جميع اموات المسلمين ياارب تحياتى ،، |
كلمات رائعه تسلم ايدك عليها يا محمد |
كل الحاجات الحلوة مش بتموت يمكن تبهت أو تضعف أو تقل لكن أبدا مش بتموت هي حلوة عشان كدا بتفضل واحنا الخير هيفضل فينا وهتفضل كمان ذكريات لينا زمان ترجعنا حنين .. رحمة الله ع كل موتانا .. أبدعت ماشاء الله شاكرة لحضرتك .. دوام التوفيق .. تقييمي .. |
الساعة الآن 05:03 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب