أنا العروسة الخشب زي العروسة الخشب بيحركوني يمين او شمال زي ما عيزين بيودوني وعلى كفهم بيأكلوني ويلبسوني وعايزني أنفذ أحلامهم ولمستقبلي بيخططولي وعلى خط زي الالف بيمشوني بس انا عايزة حاجه تانية ليه بيخنقوني عايز اخرج واصاحب والعب ليه مش بيسمعولي ولما أمارس هوايتي دايما بيحبطوني وبحب كتير اتجنن بس بيستهزوؤني اتابع كورة وسياسيه يقولوا انتي بنت ويبعدوني ولما اعيط من ظلمهم اكتر بيظلموني بيقولوا بيخافوا عليا بس منهم خوفوني لدرجة ان انا ما بقيتش بسمع صوتي طب لما الأقي الحنية والآمان مع حد بينادولي والحب والحرية أدامي بيضحكولي ليه ما اروحش اشوفهم بعيوني همه مع انسان قدرني وبيصلحلي عيوبي وبقلة الادب والسفالة بيتهموني خلفت ديني .. ازاي اكلم ولد ؟؟؟.. ويزعقولي وارجع تاني وحيدة وفي أوضتي يحبسوني والمفروض اني احبهم ويحبوني وافضل معاهم لاخر عمر لحد ما يجوزوني وبرده عريس على مزاجهم يخترهولي يعني نفس دماغهم واسلوبهم اللي عيشهولي بمعني تاني بيسلموا حبل العروسة الخشب لجوزي وافضل كده سنين حياتي لحد موتي هو ده الدين اللي عنه بيكلموني :’( انا العروسة الخشب بقلمي ... صفا |
العنوان ملفت للانتباه والمحتوى بيعبر عن مشكله بيعانى منها اغلب البنات لكن لكل مجتمع عادات بتحكمه والى بيحيد عنها بتلاحقه الاتهامات كلمات جميله تسلمى صفا ونورتى الابداعات |
كلماتك جميله ياصفصوفه ومعبره نثرتيها بحروف ذهبيه موزونه قيمه ومؤثره ولكن حبيبتى أفعلى ماتحبين فى حدود المعقول ؟؟؟ حتى لا تُثيرى حواليكى الظنون ؟ فهذا الزمن أصبحت فيه الناس أعجب مايكون مليئون بالعيوب وللآسف ينتقدون من تفعل كذا وكذاوبتحدثون فى حقها بكلام سيىء ومذموم فحافظى على نفسك وأسمعى كلام أهلك فهم أعلم بمصلحتك وحقاً يخافون عليكى حتى من الهواء الذى تتنفسيه أقتربى منهم وقولى لهم ما يُحزنك ومايسرك أجعليهم أصدقائك أحباائك حتى يتفهموا حاجتك وتفكيرك ولتجعلى تصرفاتك وأفكارك وبما تتمنى وترغبى فى رضا ربك حتى تكونى سعيده مرتاحه البال وتُرزقى بما تتمنين وترغبين أبدعتى ياصفا فلا تحرمينا من جديدك يدوم نشاطك منوره القسم والمنتدى كله :) وأجمل فايف أستار :) |
اقتباس:
ثانكس ليكي :) |
اقتباس:
ثانكس ليكي يا هوبا ^_^ وأنتي عندك حق في كل كلامك ده ربنا يخليكي لينا بقى ونستفيد منك كمان وكمان انتي عمد البيت يا موزتي |
عروسه خَشب ,, و تَعبير عَن شعور ما راقتني كَثيراً الكلمات حضور قيم وراقٍ ,, شٌكراً لكِ سيدتي تحياتى وتقديري |
قصيدك روعة و معبرة فعلا عن القيود اللي بتفرض على البنت و التوجيهات اللي بتلغي شخصيتها و استقلالها دوام الابداع.. |
معاك حق اتخذو البنت دميه خشب حركوها على ميولاتهم النفسيه حرموها من ابسط حقوقها حقا ابدعتي وكتابه مميزه وراقيه منك |
عجبتنى جدا جدا يا صفا وهى بتعبر فعلا عن مشكلة بتواجة معظم البنات اقولك الحق اعملى كل اللى هما عاوزينة لان دول اهلك ما عادا شريك حياتك لازم انتى اللى تختارية بنفسك نص رائع وقلم جديد ابهرنى فعلا ربنا يوفقك صفا واهلا بيكى منورة المنتدى والقسم وننتظر باقى ابداعاتك كل التقدير والاحترام |
طرح مميَّز جداً ورائع تسلمْ الأياديْ ولاحُرمناْ من جزيلِ عطائك |
الساعة الآن 06:16 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب