منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   الحب بهدلــــــــــه (تابع مسابقه عبقرى العاميه ) (https://forums.banatmasr.net/msryat414716/)

شاعرة الرومانسيه 04-26-2013 01:36 PM

الحب بهدلــــــــــه (تابع مسابقه عبقرى العاميه )
 
صعبان عليه حـــالك

من العشق والى جرالك

بتشكى ليه يالى الغلط منك

ضحكت ليه على نفسك

أل ايه الرومانسيه بتحبك

يابنى أقعد شويه مع نفسك

أفتكر مره قلت لك بحبــك

مريض العشق أنـــــت

أم العشق الى تعب منك

بِتوهم نفســك بحاجه

عمرها ماكانت الا فى عقلك

ننوس عين أمه راجع تانى نفسك

أنت أخرك تعمل شعرك عُرف الديك

وتقف على ناصيه وسلسله فى ايديك

قلب فاضى وعقل بجد تعبان

والنبى أنا مشفقــه عليــــــــــــك

بتعيط ليه وتنوح يابنى عيب عليك

دى حتى تبقى معيره لِبنى جنسك

أسترجل وخليك راجل ودارى خيبتك

دى العيال الى فى الشارع صُِعب عليهم منك

أفتح شباك الاقيك انزل الشارع ألاقيك

تلبس ألوان الطيف وأل ايه تعملى شعرك كنيش

وتمشى ورايا وتعيط ارحمنى من قادر أعيش

أخدت على الشتيمه وكأنك أدمنت منى التطنيش

روح يابنى وريح حالك والله ماينفعك غير

فُرشه وورنيــــــــــــــش

يوم ما أنوى أحب هاحب راجل جدع

انا عارفه ان الإسم دا انت ماتعرفوش

مش واحـــــــــــد زيك عيـل سيس

بقيت من شكلك وعمايلك مضايقه وتعبانه

من شكلك وانت واقف على الناصيه بسلسله ولبانه

مش مكسوف على نفسك والى بيحصل منك

والله يابنى أنا بشوف نفسى أرجل منك

أنصحك تروح تتعالج دا انت بقيت مشكله

ورايا ماشى وبتعيط إرحمى حالى ياشاعره

يخرب بيت كدا صدق من قال الحب بهدله

بقلمى / شاعرة الرومانسيه

العاشق الذى لم يتب 04-26-2013 10:44 PM

ننوس عين أمه راجع تانى نفسك

حرام عليك يامفتريه
بهدلتيه وخلتيه يعيط وينوح
لا الحكاية دى فى إنه وأخواتها وكمان كان وخلالتها
الواد ده شكلك أستعبط عليك وغدتت غداته جامده
بس بينى وبين ياشاعرتنا أنا اشمت فيه وفرحت من قلبى
مش تشفى فيه لاسمح الله
وإنما شوية البهدله اللى أدتيهمله عجبونى جدا
يسلام لو كانوا باللغة الفرنسية كانوا يبقوامزيكة
تسلمى شاعرتنا وتعيشى وتشعرى واتبهدلى ولا الإيه دول
دعواتى لك بالتوفيق فى المسابقة
واوعى تزعلى منى بهزرمعاك
مودتى

Words Whisper 04-27-2013 12:45 AM

مشكلة حين يظن أن فلانة واقعة في حبه
وهي من الأساس قد تكون لاتنتبه لوجوده
ويبقى يبني داخل عقله وهم الحب
حتى يصدقه ويعيش داخل أكذوبته !!
أرى أن التعامل معهم إفهامهم بالحسنى
فليس ذنبا أن أحبَ شخص ولكن خطأ أن يعيش داخل أكذوبة
وبعضهم حقا (مستفز) ويستحق أن تستخدم معه الشدة
إن لم يكن للتجاهل مكان ..


راقتني
شكراً ..
دوام التوفيق ..

نجم وزهره ومسافات فراق 04-27-2013 12:54 AM

طيب يا فظيعه
ماااااااشي
بتبهدلي الرجاله
حااااااضر
انا بس مبدئيا هقول خمس نجوم وتحيتي
وبعدين ليا عوده للرد
يافظيعه
مااااااااشي

نجم وزهره ومسافات فراق 04-27-2013 02:58 AM

الحب بهدله
على رأي شاعرتنا
خلانا بالبلا
وخلاص زادت حيرتنا

الحب بهدله
وشاعره هاجمتنا
وليلتها مقندله
ان ما صالحتنا

ماشي يافظيعه
:09:



جبتيه لروحك واتحملي بئا
:18:


بس بأمانه
كلمات خفيفه وسلسه وسهله ودمها خفيف
بس خفي شويه
احسن افقعك صاروخ رجالي مدمر
وخصوصا وانتي لسه خارجه من جراحه
بلاش انتي :24:
يخونك قعدة الكافيه مع الناس هناك
ودمعه وباقي اخواتنا يشهدوا :110:


روعه جدا شاعرتنا
يارب كل التوفيق ليكي يارب
الف تحيه لاحلى قلم واطيب شاعره

اخوكي

Mo chahin 04-27-2013 03:04 AM

الحب عذاب وحيره وسهر طول الليال .. بس برده جميل ونقى وبيريح النفس ويهديها ..

اعتقد مهما وصفت فيه مش هوفى ..

جميل موضوعك يا شاعره

ومن هنا بهدى موضوعك لفرح وبقولها ربنا يخليكي بقى :07:

اسيل الفلسطينية 04-27-2013 08:12 AM

عَذَّبَه هذه الصفحة هُنَا وَاخْتِيَار
وَذائِقِه جَمِيْلَه لِلْغَايَه
رَائِعَه انْت بِمَا تُطْرَحِين
عَلَى هَذِة الْصَّفَحَات
تَحِيَّاتِي لِلْجَمَال وَقَلْبُك . .

big bốss 04-27-2013 08:42 AM

يا مصيبتى

دا انتى شحورتينا خالص مالص

ليه كدا يا حنين

و بعدين هو انتوا بتتبلعوا علينا

هو فيه بنات فى مصر علشان نجرى وراها و نحبها ههههههههههه

خاطره جميله

و برافو عليكى

عجبتنى


نجومى

و تقيمى ^^

פﭠة ﺳگـړُھَہّ 04-27-2013 09:01 AM

هههههههههه
حلوه كلامك وخفيفه وفيها لذه كده


فعلا الحب بهدله

موفقه ان شاء الله

gold rose 04-27-2013 09:22 AM

جمال حرفك هنا فاق كل الحروف .,
أوصلت لي أجمل معنا .,
نبض كلمك اخترق قلبي .,
فاضت مشاعرك هنا .,
هذا هو الحب شقاء أبدي .,
هذا هو الحب تعاسة عظيمة .,
لا أعلم بما أصف لك شعوري بعد وجودي هنا .,
مهما قلت لا يمكنني أن أوفيكي حقك .,
سلمت يداك .,
ودي .,


الساعة الآن 12:19 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w