منتديات بنات مصر - أنا حكايه..(مسابقة عبقرى العاميه)

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

- - أنا حكايه..(مسابقة عبقرى العاميه) (https://forums.banatmasr.net/msryat415585/)

أنا حكايه..(مسابقة عبقرى العاميه)

حكايتى انهارده مش اى حكايه
دى بدايتى حلم ومالوش نهايه
كل يوم فى هم وعندى البدايه
انا أم الدنيا .. وأسمعوا غنايا

ياولاد النيل ياللى منكم كل اصيل
فين مبادئكم ده لسا المشوار طويل
اوعوا تتهزوا وتقولوا الدنيا بسواد الليل
ده انا حته من الجنه بس انتوا مش حاسين

ده أنا ياما شيلت هموم
وسمعت لكل مظلوم
وبحورى ضحكت لكل مهموم
ده حبة ترابى تساوى دهب بس انتو مش عارفين

انا هنا واقفه شامخه
ولا مره كنت راكعه
واهلى نيتهم صافيه
ده شمسى بلون الماس وبيها مدفيين

ولادى دايما ليا رافعين
نجيب وزويل دول ولادى المخلصين
ومكانى ده هديه من رب العالمين
خدوا بالكم منى واياكم والفتانين

حتة سكره

أنا حكايه ,
ونَص حَمل أجمل المعاني
وأقيَمٌها على الإطلاق
فـ مِصر هي الباقيه ,,
حِته سٌكَره ,,
رائعه هي قصيدتك .
فـ أتمنا لكِ التوفيق إن شاء الله
تحياتى وتقديري

الله عليكى يا سكرة
وبقصيدتك منورة

وحب مصر غالى علينا
الله ينور قلبك بنور حب رسوله

مميزه كلماتك
واختيار طيب
بالتوفيق يارب

مصر حكاية هتفضل
عمرها بيوم أبدا -ان شاالله- ماتكون حكاية ماضي ..

راقني حرفكِ
شاكرة لكِ ..
دوام التوفيق ..

هى دى مصر
شامخة وعالية ونجمها ساطع وقمرها لامع
ونيلها جارى ومليان بالخيرات والبركات مابقيت الدنيا
سلمت ياكل السكر
دمت مبدعة رائعة
عزف على أللحان حب الوطن
مودتى

حكايه طويله وتاريخ عظيم تشهد بيه الامم
كلمات جميله تسلمى سكره