منتديات بنات مصر

منتديات بنات مصر (https://forums.banatmasr.net/)
-   صيدلية المنتدى و استفسارات طبية (https://forums.banatmasr.net/f252/)
-   -   Flagyl ||فـلاجيــل || (https://forums.banatmasr.net/msryat420665/)

♥..pure 05-26-2013 03:18 PM

Flagyl ||فـلاجيــل ||
 


Flagyl || فـلآجيــل ||


http://banatmisr.com/up3/uploads/1369574088271.jpg



http://banatmisr.com/up3/uploads/1369574088332.jpg


الإسم التجاري || Flagyl,Elyzol,Flazole,Metrolag,Sharizol
الإسم العلمي || Metronidazole

دواعي الإستعمال :
هذا الدواء مضاد حيوي يثبط عمل البكتيريا اللاهوائية ووحيدة الخلية وذلك بتثبيط صنع الحامض النووي للخلية مثل
Bacteroides, Fusobacteria, Clostridia, Eubacteria, anaerobic cocci and Gardnerella vaginalis. Trichomonas, Entamoeba histolytica, Giardia lamblia and Balantidium coli.

يستخدم في الحالات التالية :
منع الالتهاب بعد العمليات
جرثومة الدم
خراجات الدماغ
ذات الرئة
خراجات الحوض
التهاب المهبل بالترايكوموناسيس
التهاب الأعضاء التناسلية بالجاردنيلا
الأميبا بأنواعها
الجارديا
تقرحات الفم
تقرحات الجلد
التهابات الأسنان

موانع الإستعمال :
الحساسية للدواء ومشتقاته من الإيميدازول
أمراض الكبد
يستخدم بحذر في مرضى جراحات الدماغ والجهاز العصبي
يسبب تمزق العازل الذكري اذا لامسته التحاميل
لايستخدم مع تناول الكحول يجب عدم تناول الكحول قبل يوم من بدء العلاج

الحمل و الرضاعة :
الفئة ب
لايعطى للحامل والمرضع الا باستشارة الطبيب

الجرعات :
تناول الأقراص مع او بعد الطعام
تناول السائل قبل الطعام بساعة
البالغين 400 ملغم كل 8 ساعات 3 مرات يوميا
الأطفال 7.5 ملغم لكل كغم كل 8 ساعات
الاطفال 7- 10 سنوات 100 ملغم 3 مرات يوميا
الاطفال 3-7 سنوات 100 ملغم مرتين يوميا
الاطفال من 1-3 سنوات 50 ملغم 3 مررات يوميا
هذه الجرعات قد تتغير حسب نوع العدوى وشدة المرض

تحذيرات :
مدة العلاج 7 أيام ويعتمد على حالة المريض

الأعراض الجانبية :
مذاق سيء في الفم -الغثيان - القيء -الاسهال -ألم المعدة -الحكة

أعراض قليلة الشيوع :
-الحمى - الطفح الجلدي -التوهج -الأوديما وتجمع السوائل في الجسم -الدوار -الصداع -عدم الاتزان -
الاضطراب - الهلوسة -مشاكل في الدم -مشاكل في الكبد


أعراض الجرعة الزائدة :
القيء - الغثيان -فقدان الاتزان -التشنجات





واد حبيب 05-26-2013 03:24 PM

طيب بنسبه للرجل ابو شنب اللي في الرمزيه بتاعتك ده
ممكن ياجد منه عادي
ههههههههههههههههه
تسلم الايادي يا رفيف علي موضوعك ومعلوماتك الجميل

♥..pure 05-26-2013 04:06 PM


بالنسبـة لـ فلآجيـل فـ ممكن كذآ مريض يـآخدهـ ,,
يعني له عندهـ بكتريـآ في الضرس او اللثه فـ آحسن مضآد بكتيري للآسنـآن هو فلآجيـل ,
ويعتبر سعرهـ كويس ومتنآول البسطآء بردو ,,
وكمآن ممكن تلآقي منه أقمـآع أو غسـول مهبلي في حآلآت الفطريـآت
ودآ بيبقي كويس جدآ بس لآزم يكون بصفه مستمرهـ ,,
يعني يجب انها تخلص كل الآكيآس حتى لو لاحظت انها اتحسنت لازم تكمل الجرعه بتاعته ,,



الابتسامه المصريه 05-29-2013 03:10 AM

معلومات جميله

وهو فعلا مطهر جميل للبطن

بارك الله فيك

~ NoDa~ 05-29-2013 03:18 AM

حلوو اوي موضوعك ي صافي
مفيد جداً
تسلم ايدك
سمعت اسمه من بابا قبل كداا كذا مرة
مع اننا بنستخدم بس أجمنتين وكلاسيد
من غير وصفة بئا
بس استغربت ان فلاجيل مش للبرد والانفلونزا
..

♥..pure 05-29-2013 02:42 PM

اقتباس:

المشاركة الأصلية كتبت بواسطة الابتسامه المصريه (Post 3993530)
معلومات جميله

وهو فعلا مطهر جميل للبطن

بارك الله فيك

آهلآ بيكي يا ابتسآمه ,,
منورهـ الطرح
يارب تكون استفآدتي :)

♥..pure 05-29-2013 02:52 PM

اقتباس:

المشاركة الأصلية كتبت بواسطة ~ NoDa~ (Post 3993535)
حلوو اوي موضوعك ي صافي
مفيد جداً
تسلم ايدك
سمعت اسمه من بابا قبل كداا كذا مرة
مع اننا بنستخدم بس أجمنتين وكلاسيد
من غير وصفة بئا
بس استغربت ان فلاجيل مش للبرد والانفلونزا
..


آهلآ بيكي يـ نودآ s1
الآنفلونزآ دي بتحدث نتيجه فيرس !
اما المضاد الحيوي او المضاد البكتيري دآ بيبقى نتيجه فيرس !
فـ المفروض اننا مناخدش معاها مضاد حيوي من الآسآس ,,
همآ الصيآدله بقت عادهـ عندهم انهم يطلعوآ في مجموعه البرد حبيتين مضاد حيوي
ودا خطأ كبير وللاسف منتشر اوي ,,
لآنهم بيشوفوآ انهم يستثمروآ او الي حد كبير الصيدله بقت تجارهـ أكتر مهي مهنه !
لما تدي مضاد حيوي بئه عمره ما هيموت الفيرس !
فـ انتي بتعودي البكتيريا الطبيعيه عندك ع المضاد الحيوي وياخد مناعه ضدهـ !
تيجي بئه تعبانه فعلا ومحتاجه مضاد حيوي فـ تلاقي نفسك مش بتخفي
لأن الجسم عارف الآنتي بدي بتاعه وبيطلعه وبيهاجمه
ويحصل خناقه اللي هيفوز فيها هي البكتيريآ ,,
نصيحه لما يجيلك دور برد متاخديش مضاد حيوي غير لما يكون عندك احتقان في الزور مثلآ
كدا ممكن يكون في بكتيريآ ,, اما رشح بس وكدا يبقي نوفلو او كونجيستال
منوراني ويارب تكوني استفادتي :)


حلم عمري 05-29-2013 04:49 PM

موضوع حلو يا قمر
تسلمي علي الافادة
منتظرين كل جديد يا دكتور
احنا عندنا بناخده للاسهال ههههههه

♥..pure 05-30-2013 04:11 PM

اقتباس:

المشاركة الأصلية كتبت بواسطة حلم عمري (Post 3994224)
موضوع حلو يا قمر
تسلمي علي الافادة
منتظرين كل جديد يا دكتور
احنا عندنا بناخده للاسهال ههههههه


آهلآ بيكي حلم عمري ,,
الآسهـال علآجه عمرهـ ما يكون antimicrobial
وحتى لو الاسهال دآ جآي نتيجه بكتيريا لما باخد انتي ميكروبيال بيبقا عشان يقلل الاعراض ويقلل فقدان الميا من جسمك ...
ولو هناخدله انتي بيوتك زي مثلآ [ trimethoprim أو sulfamethoxazole ]
فـ دول بيقللوآ اعراض الاسهـآل مش بيعالجوهـ ,

سارة بنت مصر 07-01-2013 03:46 AM

اسمحى لي ابدي اعجابي بقلمك وتميزك واسلوبك الراقي وتالقك


الساعة الآن 11:13 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w