منتديات بنات مصر - حلقه جديدة من ( أجمد عضو ) معانا ( قوة أنثى ) ( حوار عن الاقسام الادبيه )

بسم الله الرحمن الرحيم

http://forums.banatmisr.com/imgcache/2/36764alsh3er.gif
اهلا بيكم جميعا

وحلقه جديدة من

( اجمد عضو )

http://banatmisr.com/up3/uploads/1367365012622.gif

النهاردة هتكون حلقه مميزة جدا

يمكن خلال الفترة الاخيرة شوفنا

تحول فى ( قسم الابداعات الادبيه )

بعد وجود ( دمعه و الرحال ) تم تعيين عضوتين مميزين جدا

( قوة أنثى و ابتسامه الزهر )

ياترى هيعملو ايه فى القسم

هيقدرو يخلو القسم زى ما كان مميز ومن انشط الاقسام

والا القسم هيكون ثقيل عليهم ومش هيقدر يتعاملو مع الاعضاء فيه

خاصه وانه قسم ( يطمع ) اى عضو فيه عشان يكون مشرف عليه .

النهاردة معانا المتالقه /

قوة أنثى

http://forums.banatmisr.com/image.ph...ine=1368566427

ودلوقتى تعالو نشوف الحوار مع الضيفه :

http://banatmisr.com/up3/uploads/1367365012622.gif

س / اهلا بيكى فى اجمد عضو ؟

اهلا بحضرتك وبالجميع

س / فى البدايه ياريت تعرفى الاعضاء مين هى ( قوة أنثى ) ؟

مجرد عضوه من الاعضاء .. بتحب الكتابه شويا وبس

س / اذاى وصلتى لقسم ( ابداعات الاعضاء ) ؟

علي سييل التنوع كتبت مره فيه فلقيت اقبال وتشجيع خاصة من دمعه فاستمريت فيه

س / الفترة الاخيرة كلنا شوفنا شبه سيطرة تامه من ( الرحال ) و ( دمعه ) على الاقسام الادبيه لما كانو موجودين حسيتى انك هتوصلى للاشراف ؟

مقياس الاشراف عندي كان بالمجهود
يعني عملت مجهود كتير وتفاعلت في القسم هتتعين مشرف بصرف النظر عن اي حاجه تاني
وﻻن انا مكنتش مواظبه علي التفاعل فمتوقعتش اني اكون مشرفه في فترة دمعه والرحال

س / يعنى انتى اهتميتى بالقسم بعد خروج دمعه ورحال والا تم تعينك قبل ما رحال مايسيب القسم ؟

ﻻ كان اهتمامي في وجودهم .. وﻻن دمعه كانت سابت الاشراف فبالتحديد كان في الفتره اللي فيها الرحال وابتسامه
ومش عارفه بصراحه تم تعيني امتي بالنسبه للخروج الرحال .. ﻻنهم تقريبا كانوا في نفس الوقت

س / شايفا ان الابداعات مازالت بنفس نشاطها والاهتمام من الاعضاء بيها بعد ( الرحال ) و ( دمعه ) ؟

اكيد ﻷ .. وجودهم كان حافز ﻷي حد انه يدخل الابداعات ويكتب واولهم انا
بعد هما الاتنين ما سابوا الابداعات اكيد رصيد الحماس عند الاعضاء بدأ يقل
ﻻن اهم حاجه في رأيي بتميز القسم هم المشرفين وطريقة تعاملهم مع الاعضاء
ومن هنا يا يبدأ الاعضاء يحبوا القسم والكتابه فيه يا إما يبعدوا وينفروا منه

س / بس كلامك دا بيعيبك انتى وابتسامه الزهر لان لازم يكون عندكم ثقه فى وجودكم كمشرفين قسم حتى لو بعد عضوين مميزين ؟

ﻻ مش بيعبنا وﻻ حاجه .. عامة اي حد بيبقي مسئول عن اي حاجه جديده
ﻻزم يحدد نقاط الضعف اللي بيقابلها عشان يعرف يتعامل معاها
وانا لسه مشرفه جديده وابتسامه ممسكتش الاشراف علي الابداعات الا من فتره قصيره
ولازم نكون مقتنعين ان هيبقي في فرق بعد دمعه والرحال عشان نقدر نقلل منه

http://banatmisr.com/up3/uploads/1367365012622.gif

س / اية الجديد الى ناوين تعملوة فى القسم عشان تقولو انتو موجودين ؟

اول حاجه واهم حاجه ان احنا نواظب علي متابعة الجميع
وبعد كده ان شاء الله نجيب افكار جديده لمسابقات تفعل القسم
ونشوف ايه الجديد اللي ممكن نقدمه فيه بحيث ميملش العضو ويكون عنده استعداد انه يجدد

س / شايفا ان مهمتكم فى القسم صعبه الفترة الحاليه ؟

اه اكيد طبعا كتير .. خروج دمعه والرحال من القسم ممكن يرجع القسم لورا
واحنا محتاجين عشان نرجعه لسابق عهده اننا نبذل نفس المجهود اللي بذلوه
وفي النهايه ربنا يسهل ونقدر نحافظ عليه

س / يمكن انا لاحظت ان ماشاء الله انتى من البدايه مهتمه بالابداعات وحتى واخدة اوسمه من القسم قبل كدا محصلش وحد رشحك للقسم ؟

يمكن كنت مهتمه بالقسم شويا بس مكنتش مواظبه علي تواجدي فيه
عشان كده اعتقد كان صعب حد يرشحني للاشراف

س / علاقتك ايه با أبتسامه الزهر فى تفاهم بينكم والا لسه التعامل قليل ؟

ﻻ الحمد لله التعامل بينا كويس جدا وابتسامه شخصيه جميله وانا حقيقي اتشرفت بالتعامل معاها

س / بعض الاعضاء من فترة قصيرة كانت بتطالب بالتغيرر فى المنتدى يعنى تغيير المشرفين عموما خاصه المشرفين الى بقالهم فترات طويله ودا عشان الاعضاء الاخريين تاخد فرصه كنتى مع المطالب دى والا مكنتيش مهتمه ؟

انا اول مره اسمع الحكايه دي
بس عامة انا ضد الحكايه دي جدا
اننا نشيل مشرفين قدام يعني اننا بنقول للمشرف الجديد احنا شيلنا الاساس وانت ابدأ من جديد
لكن الحل الاحسن ان يكون في مشرفين قدام مع جدد لحد ما تقدر الاعضاء تتقبل الجدد شويا
وتقتنع انهم مشرفين يستحقوا ..
وده خاصة لو كان القسم متميز وناجح

س / من خلال وجودك الكام يوم الى فاتو كمشرفه للقسم ايه الجديد او ايه الاختلاف بين عضوة مميزة وبين انك مشرفه للقسم ؟

ممكن الاختلاف في اني مبقتش مسئوله عن نفسي بس او عن اللي بكتبه بس
لكت بقيت مسئوله عن قسم كامل باعضاءه
وعلي العموم انا لسه في البدايه واكيد بعد شويا هكتشف الفرق اكتر

http://banatmisr.com/up3/uploads/1367365012622.gif

س / شايفا ان جميع مواضيع الاعضاء فعلا من ابداعاتهم والا فى بعض الخروج من دا فى بعض الاعضاء وانهم بينقلو افكار مواضيع فقط ؟

ﻻ شايفه بصراحه ان الاغلبيه بتبدع وان غالبا لكل عضو اسلوب مميز عن غيره تماما
ممكن اتنين يكون موضوعهم نفس المضمون لكن مع اختلاف تام للاساليب
واجمل حاجه في القسم اني حسيت ان اللي بيكتب فعلا بيكتب عن حاجه حاسسها
وبيكتب بشكل حلو .. وبدون نقل افكار .. فاكيد ده ابداع انك تقدر تترجم اللي جواك وباسلوب حلو

س / لو حصل معاكى خلاف مع عضو فى القسم ايه هيكون تصرفك معاة ؟

ان شاء الله ما يحصلش اي خلافات
وان حصل فرد فعلي هيختلف اكيد حسب نوع الخلاف
يعني مقدرش احدد دلوقت هعمل ايه

س / فى اى حاله هتقولى لادارة النمتدى انا مش عايزة الاشراف ؟ ممكن دا يحصل منك ؟

لو شفت نفسي مش قادره انجح القسم .. او مش قد المسؤليه
اه ممكن يحصل لو حصل اللي انا قلته

س / شايفا ان العين عليكى الفترة الحاليه انتى وابتسامة لان قسم الابداعات قسم نشيط وكتير من الاعضاء بيتمنو الاشراف عليه ؟

مش عارفه بصراحه
بس هي اكيد علينا
كتقييم لمستوي القسم بعد دمعه والرحال وفي وجودنا

س / شايفا ان قسم ابداعات الاعضاء العاميه لازم يكون قسم منفصل عن ابداعات الاعضاء ؟ وايه الفرق بينهم ؟

اه كان ضروري ان العاميه تكون مستقله عن الفصحي
مش عارفه الفرق لاني يمكن مش بدخل الا ابداعات الاعضاء بس

س / عايزك ترشحيلى 3 اعضاء شايفاهم من اهم اعضاء القسم عندك من وجهة نظرك الشخصيه ؟

اغلبية اللي في القسم ان لم يكن كلهم مهم تواجدهم

س / اخيرا تحبى تقولى ايه لاعضاء المنتدى اولا ومبدعى قسم الابداعات ؟

نفس رسالتي اللي كتبتها للجميع في القسم

(عظيم حقيقي ان نترجم الاحساس وان كان مؤلما
عظيما ان نجد الكلمات التي تجيد الترجمه
حقا قرأت للبعض ما اعجبني كثيرا
فقط هي بعض المشاعر التي ترجمت بصدق
وبعض الكلمات التي ارشدت ونصحت بصدق
استمروا جميعا)

http://banatmisr.com/up3/uploads/1367365012622.gif

وبكدا بتخلص حلقه النهاردة

انتظرونى ولقاء وحوار جديد

تحياتى