منتديات بنات مصر - مواقف ركن المهيسيين @ جديد * جديد @

بسم الله الرحمن الرحيم
رجعتلكم تانى بمواقف من ركن المهيسيين اللى انتوا عارفينة
ودة تالت موضوع تقريبا وهو بيحكى عن مواقف حصلتلى انا واصحابى كوميدية وحقيقية
واسف للتأخير لانى كنت تعبان ومحدش فيكوا يا اندال حب يسأل او يطمن
ومكنتش ناوى اكتب تانى بس قولت احنا اخوات
بس برضو انا غلطان لان مشاركاتى قليلية ويمكن اكون انطوائى شوية

يلا نبدأ

ايام ما كنت فى الابتدائى
كنا بناخد عربى وخدنا املاء المدرس نادلى
وهو قاعد وانا واقف جمبة
فوقف قدام كلمة وقلى شاطر ياحبيبى صقفولوا ياولاد
الولاد كلهم صقفوا وطبعا انا سعيد وفرحان ومرة واحدة
طررررررررررررررررررررررررررررررررررررررخ
كنت غلطان فى كلمة
المشكلة مكنتش فى الالم المشكلة فى الاحراج

ـــــــــــــــــــــــــــــــــــــــــــ

واحد قريبي من كام يوم... الواد ده الحريم مش بتحبه أبدا (واد فاكس أصلا!)
من كام يوم ماشي في الشارع، بنت وقفته وقالتله لو سمحت ثواني... الواد مكانش مصدق نفسه!
فجأة لقى البنت بتبص في نظارته وبتعدل الإيشارب بتاعها!!! وقالتله شكرا ومشيت...
الواد فضل ييجي 5 دقايق متنح بعد ما مشيت!

ـــــــــــــــــــــــــــــــــــــــــــــــ

مرة انا واتنين اصحابى كانوا هما بيشربوا سجاير وانا مكنتش بشرب فواحد منهم ادانى سجارة امسكهالو لغاية لما يربط رباط الجزمة وفجأه يطب عليا ابويا ووشى احمر وضرب الوان الطيف ومكنتش عارف اعمل ايه ساعتها من غير ماتكلم لقيت ابويا ضربنى الم فى الشارع وقالى بصووت عالى اطلع ولما طلعت خدت شوية ضرب يالهووووى ولكن تانى يووم جبتله صاحبى وفهمه الموقف

ــــــــــــــــــــــــــــــــــــــــــــــــــ ــ

مره كنت راكب مينى باص و قاعد فى الاول كدا

و قدامى 2 ستات و قدامهم على الارض كدا شنط كتير اوى

فجت ست منهم نازله

و لقيتها اخدت الشنط كلها الا شنطه واحده

و على حظى كانت نازله فى نفس محطتى

قمت انا واخد الشنطه الاخيره ذوقيآ يعنى و بساعدها

و جيت نازل بيها

لقيت ايد مسكانى و بتقول لى واخد الشنطه و رايح على فين يا حرامى

اتاريها بتاعة واحده تانيه فى المينى باص و كانت حطاها على الأرض برضه

ـــــــــــــــــــــــــــــــــــــــــــ

مرة وانا رايح داخل السينما وكان فليم كلم ماما لسه نزل
وانا داخل اقطع تذكره كان اللى كان بيقطع تذكر بنت
راحت قالى
واحد كلم ماما
مقولكش الناس اللى ورايا فصلت ضحك
وبت وشها احمر وكان يوم

ـــــــــــــــــــــــــــــــــــــــــ

مره كنت فى الكلية وفى بتاع 200 ولد وبنت واقفين وواحد صاحبى بيقولى اختى خلفت وجابت فريدة
انا قولتلة ايه ! هو فى حد لسة بيسمى الاسم القديم ده
قالى اه
المهم قعدت اتريق على الاسم وكل وملاحظ ان فى بنت مركزة معايا اوى وبتبصلى بـ غل
وبقول لصاحبى انا لو اعرف واحدة وطلع اسمها فريدة ده انا ولا ابص فى وشها تانى وبرضوا البنت لقيتها بتركز معايا وبتبصلى بـ غل اكتر
انا قلقت وشكيت فى الموضوع .. ٍٍسألت عليها طلع اسمها فريدة

ـــــــــــــــــــــــــــــــــــــــــ

النهاردة الصبح كنت فى الامتحان
فالنهاردة اول يوم لقيت البت اللى
قاعدة جنبى وحشة اوى اطمنت اصل
الوحشين دايما بيبقوا امواس روحت
قايلها مع بعض بقى.... فضحكت
قولت اصلى...المهم بدا الامتحان
فبقولها رابع واحدة فى الاختيارات
راحت منفضة..اقولها يابنتى رابع واحدة
فى الاختيارات منفضة... يابنتى طيب
تانى واحدة...منفضة وتنفخ..قولتلها
طيب ورحمة امى لمستنيكى بره..برده
تنفض وتنفخ... شوية ولقيتها قايمة خلصت
الامتحان ..بتقولى لعلمك الامتحان مفيهوش
اختيارات....!!!!

وانا كل ده قصدى على سؤال الاكمل

ــــــــــــــــــــــــــــــــــــــــــ

كنا مره في المدرسه ايام ما كنت عيل في اولي ثانوي
المهم كان عندنا حصة مجالات كل ما نروح مجال انا وواحد صاحبي المدرس يطردنا منه
المهم احنا روحنا جايبين قلم ومفضيين الحبر بتاعه علي اكرة الباب علشان اتخانانئنا مع مدرس المجال الزراعي وقالنا متحضروليش تاني روحوا الكمبيوتر
عمك ده دخل ومسك الباب فتحه
الفصل كله ضحك
راح حط ايده في جيبه وقالنا بتضحكوا علي ايه يا كلاب
طبعا زاد الضحك
قالنا انا هعرفكوا
المهم بيبص لقي هدومه كلها حبر وايده بايظه
عمك اول ما شاف كده عينيه احمرت وقال اندهولي العيال اللي انا ودتهم الكمبيوتر
المهم جينا قاعدنا نلف وندور عليه برضه مفيش فايده

وطبعا عينيك ما تشوف الا النور

ــــــــــــــــــــــــــــــــــــــــ

انتظروا القادم