|
حلقه جديدة من ( اجمد عضو ) معنا ( الرجل المتواضع ) بسم الله الرحمن الرحيم اهلا بيكم جميعا وحلقه جديدة من ( اجمد عضو ) من كام يوم لقينا تقريبا ( 3 اعضاء ) ماشاء الله واخدين ( حظر ) ويمكن اعضاء مميزين جدا فى المنتدى منهم الى عرف مين حظرة ومنهم الى معرفش لحد دلوقتى بس حلم بالى حظرة ^_^ ودا ضيفى النهاردة / الرجل المتواضع ودلوقتى مع الحوار س / اهلا بيك فى أجمد عضو ؟ أهلا وسهلا وقطار محمل مراحب بيك يامرشو س / مش قولتلك قبل كدا ماتقلقش هتيجى يعنى هتيجى فى اجمد عضو ههههه ؟ وماتشاءون إلا أن يشاء الله رب العالمين والله صراحة أستغربت لماحضرتك أستضفتنى من شهور طويلة والحلقة مااتذعتش قلت يمكن أنا مش قد المقام ورجعت تانى قلت لأ أنا حضى وحش وماليش فى الطيب نصيب وده اسم موضوع كنت كاتبه على حظى السيئ وكمان إلا أبوماضى الله يرحمه علشانى قال إن حظى كدقيق فوق شوك بعثروه ثم جاءوا بحفاة يوم ريح ليجمعوه صعب الأمر عليهم قال قوم أتركوه إن من أشقاه ربى كيف أنت تسعدوه س / فى البدايه نورت المنتدى مرة تانيه رغم ان كان شكلك حلو وانتا واخد خط على اسمك ^_^ ؟ الله يخليك يامرشدى وليه حذفت الدال وحطيت واو مش مهم المنتدى منور بأصحابه ومدريه ومشرفيه وكل الاعضاء بس فيه حنة منه مضلمة مكان أدهم يرجع بالسلامة وطبعا أناماشوفتش شكلى وانا واخد خط بس لماجيت شوفت الشكل على أدهم س / طيب كلنا بنشوف الرجل المتواضع فى اغلب المواضيع وردودك يمكن ليك شكل خاص بيك ؟ اية حكايتك مع الردود ؟ أسمح لى أطول شوية فى إجابة السؤال ده شوف ياصحبى بعد كده ماتصلى على حبيبك عليه الصلاة والسلام أنا عندى مصيبتين فى حياتى من ساعة ماعرفت روحى اللى هم ‘يه حقول أهو وديما بيسببوا لى البلاوى والمشاكل والمهالك أيوة مهالك المصيبة الاولى لسانى ماهو اللسان ياإما يوديك للمهالك ياإما يجعلك إلى الجنة سالك أزاى لماقال معاذ ابن جبل :يارسول الله وإنا لمسؤول بمانتكلم به غضب حبيبك وقال ثقلتك أمك يامعاذ وهل يكب الناس على وجوههم وفى رواية على مناخيرهم فى النار إلا حصائد ألسنتهم شوفت بيودى فين النار نروح للجنة جاءرجل للنبى وقال يارسول الله أضمن لى الجنة قال: أضمن لى مابين اللحيين (أى اللسان) ومابين الفخدين (أى الفرج) أضمن لك الجنة وعلشان لسانى الطويل ده بتشتم شتم وكمان ضرب أنا بياع كلام بس مش نص كلامى كدب يعنى وظفتى كلام فى المسجد بتكلم على المنبر وفى المدرسة بكلم التلاميذ يعنى لسانى مابيبطلش رغى وجيت هنا مافيش أحسن من كده وحكاية الرود فعلا مشكلة كبيرة أخت هنا مشرفة الله يسامحها بينى وبينها كل الود رديت على موضوع ليها حذفته وبعتته على الخاص وتحتيه أنت سافل وحقير وفى منتدى تانى زميلى مشرف هناك شاف ردى عليه بعت وقال عيب عليك أنا أكبر من أبوك وتستهزئ بى يعنى فيه حدبيفهم غلط وفيه يعرف الحقيقة والله ماأقصدغير الفكاهة والمودة س / يعنى انتا شايف ان العيب فى فهمهم هم مش فى ردودك ؟ مين قال العيب فى فهمهم عيب كده يارشرش مايصحش دول ناس أحسن ناس بتفهم العيب فى أنا لوحدى والحكاية أن أحدهم بياخدالردبتاعى على أننى بستهزئ بيه وهنا مربط الفرص وأى واحدمن حقه يزعل منك لوشافك بتستهوئ بيه ولكن أبدا والله عمرى ماقصدت أستهزئ بأحد غير المداعبة الحميدة وساعات تبقى اللهجة غيرمفهومة لماتكون كلمة صعيدى محض س / مش بتحس ان ممكن عضو او عضوة تضايق من ردك فى موضوع ليها وهزارك الى دائما فى الردود ؟ أيوة قلت لك فيه ناس بتهيئله أنا بستهزئ بيه وزى ماشوفت قالت أنت سافل وحقير س / يمكن شوفناك دائم المدح فى الاعضاء مش شايف انك مزودها شويه ؟ وهى دى كمان مشكلة ياصحبى والله أنا ما أقصد المدح مع انه مش حرام بالعكس مرغوب فيه بس أنا بنفعل مع الحدث وأفش غلى فى الكلام يطلع مدح يطلع هزار مش عارف وبعدين الاعضاء كلهم احباب واصحاب ولازم نشجعهم س / شوفناك واخد حظر انتا و عضوة معانا فى يوم واحد تقريبا وانتو الاتنين كلنا استغربنا من حظركم ؟ الحظر ليه علاقه بخلاف بينكم والا لا ؟ أبدا والله مافيش خلاف ولاحاجة وأسمحلى أقول حاجة بالمناسبة دى علشان سألتنى أحدى الأخوات ليه أتحظرت أنت وفلانة أولا أنا أعتذر جدا لفلانة والكل عارف أنها ريانة العود أقول حقك على ماتزعليش لتسببى للإحراج وممكن تكون هى قالت لحد والله أعلم فيه خلاف ولكن الحقيقة غيرذلك لأنها بتدخل فى أسباب الحظر بس خلينى كمان أعتذر أيضا لأاختين عندى عزيزتين أحداهما تعرف أو بمعنى أصح اللى حظرنى عارفها لأنى وكما تبين لى لاحقا أننى كنت تحت المراقبة هتكلم بعدين فى كده المهم أنا أعتذر لها لأان الذى كان رأت منه جزئ واحد وهوالجزئ السيئ وأما ماكنت أريد أن أخبره بها لم بصل وقالت فى التقييم على موضوعى كفاية كدب بئا حرام عليك اقول لها أيضا حقك على وأخت تالتة عزيزة تكلمنى على الاميل قلت لها مداعبا أناشوفت فى الحلم أنك أنت سبب حظرى وطيعاليك مكانة عند الادارة يلا توسطى علشان أرجع راحت زعلت وقالت انا ماليش دعوة واتهمتنى بسوء الظن وقالت أنا مسحت الاميل بتاعك وماتكلمنيش تانى اقول لها حقك على ماكانش قصدى {أستأذنك أبقى أكمل الباقى لاحقا} س / يعنى الاعضاء وصل بيهم السذاجه للدرجه دى انهم يزعلو من كلام زى دا ؟ اكيد فى حاجا ورا الكلام دا حصل خله عضو تحزف ميلك والتانيه تقول عليك كدا ؟ والله شكلك عاوز تركبنى الغلط وبس يارجل سذاجة أزاى أولا أتحفظ على الكلمة دى بالمرة أنت تعرف هاتين الأختين الكريمتين واللتلان كانا المحور هما عندى من أعز الأعزاء وخاصة الأخت اللى قالت حذفت الاميل بتاعك وكم تحمل من أخلاق حميدة وأدب جم ضف إلى ذلك أنها من أعظم الشعراءهنا ومبدعين القلم والإحساس كم أحزنتى بل والله تملكنى الغيظ وتمنيت لو شلت يدى التى كتبت لها الجملة والتى فهمتها غلط وكماعرفتنى أننى أسأت الظن بها وماهى إلا فقط دعابة كنت أقصدها وحاولت الإتصال بها مرارا موضحا لها إلا أنها رفضت البتة قبول الأعتذار وأظن لها جذور صعيدية لحسن إحنا لما نغضب الله لا يوريك يارشرش والاخت الثانية عندما أرسلت لها أرقامى علطول وبدون مقدمات قالت قولتها المشهورة سابقة الذكر ولم يتثنى لى أن أوصل لها رسالتى التى كنت توصيلها س / ايه سبب الحظر ومين الى حظرك ؟ وإيه سبب الحظر شوف ياصحبى أنا واد بتاع نسوان نسونجى يعنى طبعا غريبة الحكاية دى بس إذا عرف السبب بطل العجب السبب كاالآتى سمعت قول حبيبك محمد عليه الصلاة والسلام للإمام على { لأن يهدى الله على يديك رجل واحد خيرلك من حمر النعم} والحديث التانى يقول فيه { أطلعت على أهل النار فوجدت أكثر سكانها من المترفين والنساء} تعالى نربط بينهم أنا بحب النسوان أزاى لسببين برضو الأول بجد أبحث عن زوجة عل الله أن أجد فيما أخاطبهن حليلة لى والسبب التانى لما بكلم النسوان أفتح معهم مستودع عواطفى ولله الحمد وأنا أقول لأحبتى الذين كانوا يراقبوا رسائلى هل وجدتم كلمة نابية تعددت حدود الأدب نعم كلام الغزل حدث ولاحرج ولكن فى حدود الخلق وغلشان اخويا الفاضل او من راسلتهن يثبتوا انى تعديت الادب فيعلنوا ذلك ولاأدعى كذبا أننى لست متزوج ولا أنكر أسمى وصفتى وعنوانى والسر ياسيدى وماكنتش عاوز أعلن عنه أننى الآن فى أجازة تفرغ يعنى واخد أجازة لمدة سنة أعد لرسالة الدكتوراة عنوانها { النساء والانترنت والإسلام} أتكلم فيها عن تطور الإتصلات وسرعتها ومايترتب عليها من مردود على نمط الحياة وماهو الوازع الدينى الذى يجب أن يكون بين تلك الحداثة دى رسالتى وان شاء الله بعد رمضان هيتم مناقشتها بجامعة الازهر وأنا أتجول بين أخواتى الفضلوات من شتى الدول العربية قاربت على الانتهاء من ميول كل واحدة منهن وبعد تلك العلاقات من تتواصل معى كأخت أو من أرى فيها أخلاق غير حميدة أنصحها وأذكرها بالله جل وعلا ولله الحمد كم وفقنى الله فى ذلك سواء من خلال خطبى على المنبر أو المحاضرات أو الأنترنت نخش فى المضمون كنت أحدث ثلاثة من الأخوات منهن الأخت سابقة الذكر والتى حظرت معى وواحدو منهن أعطيتها أرقام موبيلاتى وطلبت منها إن كانت تسمح بالإتصال أو لا والصدفى الغريبة كان ذلك تقريبا فى ليلة واحدة أو ليلتين وكمان عليهم أثنان ممن تم حظرهم سابقا راسلونى فى نفس اليومين ومعروف خلافاتهم مع الإدارة بسبب ميولهم السياسى وطبعا الأخوة الإدارة الأفاضل لاينكروا أنفسهم انهم من جبهة الإنقاذ وأنا بالرغم من أنى لست منضم لأى جبهة إلا أننى محسوب على الإخوان وبناءا على ماتقدم كانت تلك الأسباب كفيلة لحظرى فقالوا فرصة نديله كرت أحمر ونخلص منه والحجج كتيرة والدليل معنا أنه بيكلم البنات بس عاوز ألفت نظر حضرتك نسيت أقول السبب التانى اللى جايبلى الكافية هى عواطفى أنا ياسيدى عاطفى جدا يعنى ماتكلمت كلمة واحدة لأ من أخواتى والاتى أبحث فيهن عن زوجة لى كلمة فيها خداع ولاكتبت كلمة إلا وهى فى وجدانى قبل أن ينطقها لسانى علشان مافيش وحدة تقول كفاية كذب بئا حرام عليك طولت الرغى بس كان لازم أوضح بعض الأمور هتحظر تانى ولا يتفهموا أمرى ولا ماذا هم فاعلون لست أدرى ولكن فى كلا الحالات كل عندى والله أحبه وأحترمه وأحرص على عدم إساءتى لأحد والله شهيد على ماأقول الشق التانى من السئوال مين حظرك مافيش أحد أخبرنى بأن فلان هو اللى حظرك ولكن عملت أستخارة فرأيت الأخ محمود ولكن الله أعلم من هو الحبيب من الأحبة س / طيب انا هنا ليه كذا سؤال بعد كلامك دا ؟ انتا بعد كلامك دا عايز تفهمنا انك بتدور على زوجه من المنتدى ؟ والله أنا بدور على زوجة فى أى مكان فى الشوارع فى النوادى فى المزارع فى المحيطات والبر والسماء وبعدين تحت يدى الآن من أظن أنها تكون كذلك س / مش غريبه انك اعترفت بالكلام دا بعد الحظر خاصه انك عاطفى وبتاع نسوان رغم تحفظى على الكلمه الى وصفت نفسك بيها ؟ ماهو اللفظ ده اللى خلى من أتخذ القرار بالحظر يتممه حتى ينما يسأل لماذا حظرته راح يقول أصلا بتاع نسوان وبيراسل البنات ونسونجى وأنا أحب أضع النقط على الحروف ولا يهمنى الصفات هناك من يعلم خائنة الأعين وماتخفى الصدور وبعدين مافيش ربط بين أن أكون عاطفى وبين تلك المسميات فرق تسود يارشرش وليه بعد الحظرتقول أقول حتى يعلم الجميع مالذى جعلك تحظر لأانى الكثير بيسأل عن السبب وللجميع أن يعر ف الحقيقة هل هى كذلك أم لأسباب أخرى س / اومال فين زوجتك الى اعلنت عنها من فترة وان عندك اولاد كمان ؟ زوجتى بخير وسويا نعيش أجمل حياة زوجة تقية مؤمنة أصيلة ودود وولود منهارزقى الله بالبنين والبنات ومن أجلها أعشق محافظة الدقهلية لأنها منها س / يعنى انتا اتاكد ان حودة الى حظرك ؟ حاشا وكلا أن أقول وأجزم وكم فى السجن من مظاليم ربما غيره وربما من ظننته هو عندى أقرب ولكن هكذا رأيته فى منامى س / ماتقلكش سبب الحظر ايه والا الى اتقالك ان رسائلك كانت متراقبه وخلاص كدا ؟ أولا مافيش حد قال رسايلك منراقبة ولا أحد أتصل بى وأخبرنى أى شيئ عن الحظر لا من الإدارة ولا من غيرها ولكن وكما قرأت فى التنبيهات أن الرسائل متراقبة وذلك فى قولهم بلاش الرسايل الغرامية والاميلات والحاجات الأرعة س / كان شعورك ايه وانتا بتفتح المنتدى وشايف انك محظور ؟ ماعندكش فكرة وزى ماقلت سابقا أنا مدير لمنتدى ومشرف فى آخر وأنا الآن لى هنا سنة وشهرين تقريبا قضيت كل وقتى فى هذا المكان الذى أعتبره بيتى هنا وجدت صحبة متكاملة وود ومحبة وإخاء وأخلاق وأدب وعلم ومبدعين وشعراء ومثقفين كل شيئ حسن وجدته هنا والعجيب وفى نفس الليلة السعيدة كلمنى أخى الفاضل خالد وطلب منى الإشراف معه علشان هو مسافر والحمدلله رسائلى كانت مقروءة وشافها سيدى الحاظر قلت له أنا مش عاوز إشراف قال بل العكس أناشايف أنك عندك وقت كبير وفاضى ولازم تقبل ومع إلحاحه وافقت وقال أنا هكلم الإدارة قلت ماشى ونمت وعينك ماتشوف إلا النور أقصد كانت أكبر ظلمة فى حياتى حينما فتحت ووجدتنى محظور كم حزنت وكم تألمت وكم دعوت الله أن يرفع الغمة ولله الحمد تم الرفع وهنا أشكر كل الغدارة وهم جميعا عندى سواء من حظرنى ومن ردنى والله ماأكن لهم غير الود والصفاء وبالمناسبة كتبت همسة عتاب فى خاطرة ونزلتها من أمبارح ولكنها لم ترى النور إلى الآن فياريت أخواتى الأعزاء يسمحوا بتنزيلها وماأظنش فيها أى كلام خارج عن القانون http://banatmisr.com/up3/uploads/1367365012622.gif س / طيب ماتكتبها هنا الخاطرة وماتقلقش هتنزل ؟ والله عندى أمل ربك هيفرجها أحنمال تكون خطفوها البلطجية وماوصلتش من أصله وواثق إن ألإدارة هتحاول تتصل بيهم وتاخدها وهتنزل إن شاءالله بس كان نفسى أعرف ليه مانزلهاش مع إنها مافيهاش أى حاجة غلط مجرد همس فى عتاب فى وصف لماأصابنى حينماعلمت بحظرى س / شايف انك ماتستحقش الحظر بعد كلامك دا ؟ أنا أستحق كل اللى يجرالى علشان لم أعرف أوظف ماأردت توصيله وحينماتخطئ فى ماتريد قوله فليس للآخر عذر إلا أن يتهمك ويفعل فيك الأفاعل وبعدين الحكاية دى كانت لى خير عرفت من هو الحبيب حق ومن هو الخليل حق ومن هو الذى يسأل عنك فى الشدة ومن هو الذى يشمت فيك مع إنى مافيش حد شمت فى الحمدلله س / اخيرا تحب تقول ايه لادارة المنتدى ؟ أقول لهم أنتم أخوة لنا وجعلكم الله أصحاب مكانة ومسؤلية فعليكم التسامح واللين وعدم الغلظة فى إتخاذ القرارات كما يجب عليكم الدرج فى العقوبات فأين الإنذارت والتنبيهات والتحذيرات ولما لاتخبرنى عن جريمتى وترشدنى وتدلنى على الثواب حينما رأيتنى أخطأت ولكم عندى جميعا كامل المودةالأحترام وأشكركم أن عفوتوا عنى وهنا الجميع أخوة متحابون وبكدا بنخلص حلقه النهاردة من اجمد عضو انتظرونى وضيف جديد تحياتى |
حلقه غريبه و جرائه عجيبه مع تحفظى على الكتير من الى اتقال بس يا رفعت انت خبطت جامد و ربنا يهدى اول مره اعرف الكلام دا و سبب الحظر بس متزعلش منى انت رجل دين على حد علمى خطيب و متجوز و عندك اولاد ابعد عن الطريق الى ماشي فيها و ربنا يكتبلك الخير و آهلآ بيك فى المنتدى تانى و حلقه جامده يا مورشو كالعاده |
انا توهت هنا والله دا تانى حلقه ليك ي مرشد تلت أربعها يطير مني :04: منور ي أستاذ رفعت شخصيه طيبه وعننياتها ولولا إنك شخصيه مميزه اكيد مكنتش رجعت تاني بعد الحظر بالتوفيق ليك دايما ان شاء الله .. بس انا حذفت سؤال الخاطره دا ي مرشد لان الموضوع أصلا نزل بس إتنقل لقسم الشكاوي وتم التفاهم مع رفعت هناك فا مفيش دعي من وجوده هنـا ^^ إحترامـــي |
حلقه جريئه كالعاده يا أحمد أول مره أعرف إن رفعت إتحظر وسبب الحظر يمكن ليا إعتراض علي أكتر من لفظ في الحوار بس إنت حيرتني يا رفعت إنت متجوز ولا لآ في بداية الحوار قلت بتدور علي زوجه وبعد كدا قولت إنك متزوج وعندك أطفال ودا اللي أنا أعرفه عموما ربنا يوفقك في رسالة الماجستير يخليلك زوجتك وأولادك ونورت المنتدي من تاني تسلم مورشو علي الحلقه الجامده وبإنتظار الحلقه القادمه بإذن الله تحياتي |
اقتباس:
عموما لو رفعت الموضوع انتهى فعلا وتفهم الامور اوك لو بعتلى اشيل القصيدة هحزفها . يمكن هو بعتلى انه مستغرب من عدم اعتمادها اصلا فى القسم |
ههههههههه عجبتني قصيده يا واضع الحظر تمهل مع اني شفتها قبل كدا في موضوعك بس ما كملتها بسبب نقلها الي قسم الشكاوي ومع ذلك مفهمتش حاجه خالص مالص ازاي خطيب ... الخ وبتاع نسونجي بس ازاي جالك قلب يا رفعت انك تبحث عن زوجه اخري المفروض تبحث عن مها حبيبتك مو ادور علي وحده بمواصفات الي حضرتك عاوزها والمفروض كالرجل تحافظ علي عائلتك ما الذي دهاك الي طريق النسوان ؟ ألا تعلم قول ( غض النظر ) المفروض بما انك متزوج تحافظ ع زوجتك وما تضع في قلبك غيرها بس حضرتك وسوسه الشيطان اقوي من ايمانك بالله صحيح يحق لك ان تتزوج اربعه لكن الزواج عندما تكون الحاله سيئه ، او بمعني اصح في عيب مبتخلفش ..زي كدا وباين من كلامك انه زوجتك زوجه صالحه وانجبت لك بنين وبنات وكل شئ متوفر لك لماذا تذهب الي الطريق الخطأ ؟ أعتذر عن أنتقائي ليك بس أكيد مفيش زعل :) حلقه جريئه ومميزه تسلم مرشدي علي الحلقه في انتظار جديدك |
س / اومال فين زوجتك الى اعلنت عنها من فترة وان عندك اولاد كمان ؟ زوجتى بخير وسويا نعيش أجمل حياة زوجة تقية مؤمنة أصيلة ودود وولود منهارزقى الله بالبنين والبنات ومن أجلها أعشق محافظة الدقهلية لأنها منها !!!! بصراحه الموضوع خرج انه يبقى مجرد منتدى وحظر واعضاء تشتكى ! يعنى حضرتك مبرراتك انك عاطفى وبتدور على عروسه !! ولا مجرد بتكلم بنات علشان رسالة دكتوراه !! وايه علاقة رساله الدكتوراه بكلام الغزل !!! حضرتك كنت ممكن تحصل على معلومات اكتر لو نزلت موضوع تاخد راى الجميع فيه بما اننا فى منتدى اجتماعى لتبادل الاراء لو حضرتك عايز تستفاد من المنتدى وبردو الاستشهاد من الحديثين !!! هو انك تهدى حد لازم يبقى بنت !!! وهل دى طرق الهدايه من وجهة نظر حضرتك !!!! والنساء اكثر اهل النار وبكدا انت بتبعدهم عن النار صح ؟! بكلام الغزل الذى لا يتعدى حدود الخلق !!!!! طيب حضرتك مشوفتش حديث " اتقوا الشبهات " بما ان الكل فاهم حضرتك غلط يعنى !! وبعدين مين قال ان الاداره من جبهة الانقاااذ !!!!! وحضرتك اخوان وتم حظرك !!! الاولى بقى ان الباشمهندس خالد يتحذف كمان فى اعضاء كتير ضد جبهة الانقاذ ومش اخوان وانا واحده منهم استنى انى اتحظر بكره بقى !!! حضرتك زى ما قولت الله وحده سبحانه وتعالى هو الذى يعلم خائنة الاعين وما تخفى الصدور وكمان انا معرفش حضرتك كويس ولا سبق التعامل بينا ومفيش حد عارف مين الاحسن عند ربنا ولا حد له انه يحاسب حد بس بما ان الموضوع اتعرض للجميع حبيت بس اقول راى وفعلا الاداره كان لها الحق فى الحظر بما ان فى اعضاء مش متقبله مراسلات حضرتك علشان الدكتوراه والهدايه !!! الله يهدينا جميعاً نورت حضرتك ، تسلم مروشو ، اعتذر عن الاطاله .. |
أنت ياحج بتقول أنك خريج شريعة أسلامية وبتحضر للماجستير ودة كلام جميل جدا جدا وبتقول أنك انت وزجتك عايش عيشة سعيدة وهنية ودة شىء جميل جدا, ولكن؟هل هى عارفة انك بتدور على عروسة من جميع أنحاء الأرض؟ وهل الشريعة بتقولك كدة؟ وأنت عارف اقد أية جرح المرأة لما تشوف دة من زوجها وخصوصا وأنك راجل عندك من الخبرة ما يكفى بالحياة وتصرفاتك محسوبة عليك ولا أنت عامل قرعة الى يجى عليها الحظ تتقدم تخطبها بأى منطق وتحت مسمى الحب يارفعت يكون تفكيرك عنة كدة؟ بخصوص حظرك ملوش دخل بجبهة الأنقاذ ولا حزب الوزارة متربطشى حاجة بحاجة وأنت عارف سبب حظرك وأنت أهو رجعت وعايز ترتاح أبعد عن وجع القلب وبطل حب حترتاح جدا يا عم روميو منور الحلقة ياحج مع مرشو موفقين |
ليا رد بتعليق طويل أوي بس لما آخد رأي صاحبة المشكلة الأول ., جميل منك يا مورشو ., |
انا عجبني رد رنين جدا .. :) لسبب .. هوة انك بتناقض نفسك ,, ! انت بتقول انك عايز تهدي الناس .. وانت محتاج لنفسك .. ازاي يكون فيك كل المتناقضات لو انت خطيب يعني كلامك لا يخلو من الوعظ .. ومتجوز .. وعامل رسالة دكتوراه .. يبقى كل دا يبين انك شخصية سوية وتمام .. لما نبص للناحية التانية .. بتصف نفسك انك نسونجي .. ومش قادر تتحكم ف عاطفيتك لا وبتدور على زوجة .. وبتتغزل وبتقول احساسك بطبيعية لاجنبيات .. ممكن كمان زوجتك ما تعرفش عن كده حاجة يبقى مش شايف انك بتخدع نفسك .. مش شايف ان كل كلمة وكل احساس المفروض تحكمه .. وبتستشهد بايات ومضمون الكلام يكون عبارة عن غلط منك وتبرير .. فاعتقد ان سبب الحظر كان كافي .. بالنسبة لموضوع الاخوان .. دا كلام بيدور ورا النفوس .. وفيه ف المنتدى اخوان وسلفيين وكل الانتماءات السياسية .. واصلا الادارة لا من جبهة انقاذ ولا حاجة .. اذا كان فيه ناس هنا تبع البرادعي واتحظرت اكتر كمان ^^ اعتقد ان الحقيقة الكامنة ورا الموضوع هوة المشكلة اللي اتسببت فيها مع العضوات لا اكثر .. .. وطلاما فيه شكوى بينظر ليها .. ع العموم شكرا ي احمد ع الحلقة .. وحاول تدور ع الاخطاء وتصلحها .. استاذ الرجل المتواضع واهلا بيك ف المنتدى .. ارق تحياتي |
| الساعة الآن 04:25 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب