اخر ابداعات الاعضاء بسم الله الرحمن الرحيم اهلا بيكم جميعا طبعا كلنا عارفين ان صندوق ( اخر ابداعات الاعضاء ) دى ميزة واخداها بعض الاقسام ( اليوميات / النقاش / الابداعات / قلم الاعضاء ) مش عارف فى حاجا تانى والا لا الاقسام دى الاعضاء الى فيها واخدين الميزة دى ودى ميزة مهمه جدا بستغرب لما بلاقى توبيك نازل فـ ( اخر ابداعات الاعضاء ) ونازل فـ ( فعاليات المنتدى ) يعنى ببساطه لو انا ليه فى الفوتو مثلا هروح اعمل استضافه واعمل بنر وانزل التوبيك واطلب انه يتركب ويبقى كدا انا عملت كل حاجا بسهوله شديد جدا التوبيك اتحط فى ( اخر ابداعات الاعضاء ) و اتحط فى ( فعاليات المنتدى ) ونبص نلاقى توبيك نازل فى اقسام تانيه والا حد يعرف عنها حاجا عشان صاحب التوبيك مالوش فى الفوتو مثلا وكدا كدا القسم بتاعه مش هيتحط فى ( اخر ابداعات الاعضاء ) طبعا فى هيقول فى توبيك عشان التصميم طبعا عشان انزل توبيك واطلب بنر ليه ويتعمل ويتركب فيها 3 ايام على الاقل يعنى التوبيك خلاص مالوش لزمه فبقول الاولويه تكون للاقسام الى مالهاش دعايه الاولويه للمواضيع دى تكون فى ( فعاليات المنتدى ) والاقسام التانيه كدا كدا ليها ميزة وهى ( اخر ابداعات الاعضاء ) |
الاقسام اللى نازله فى اخر الابداعات اليوميات والفضفضه وقلم الاعضاءوالابداعات والهوايات والخزعبلات والنقاش وتصاميم الفوتو والفلاش والقصص بقلم الاعضاء ومع وجود نشاط الموضوع مش بيفضل كتير فى القائمه وطبعا اى حد بيطلب تركيب بنر بيتحط ليه طالما الموضوع يستحق ماينفعش عشان التوبيك نزل فى اخر الابداعات تحرمه من بنر وخصوصا انه ممكن مايفضلش فى القائمه اكتر من ساعه فى بعض الاحيان والبنر مش تلات ايام ولاحاجه ده يوم او اتنين بالكتير واصلا مافيش بنرات بتركب لموضوع منقول |
يعنى من العدل مثلا لو عضوة عامله توبيك ومجتهدة فيه او استضافه فى قسم لتوبيك او مسابقه شغاله فى قسم من العدل ان لا يتعملها بنر والا تظهر للاعضاء ويبقى دور العضوة انها توزع رابط التوبيك وتلف على الملفات وشريط الاهداءات ولو فكرت بتعملها بنر تستنى يومين تلاته على ما يبقى فى مكان فاضى مع انك حاطه مثلا بنرات لمواضيع فى اقسام شغاله ومش محتاجه دعايه لان كدا كدا الاعضاء بتدخل الاقسام دى والا من الاوله انى احط بنرات لمواضيع فى اقسام محرومه من الاعضاء من الاساس ويبقى كدا بنساعد على تنشيط الاقسام دى |
انت متابع توبيك تركيب البنرات ياموروشو؟ جيبت الكلام ده منين ومين قالك مافيش عدل كل واحد بيحط البنر بياخد حقه فى تركيبه ويفضل بنفس الوقت زى غيره ده غير ان فيه مواضيع بحطلها انا بنر من غير طلب صاحبها المهم مايكونش منقول |
اقتباس:
وعارف ان الى بيحط بنر بيتركب بس انتى كدا وضحتى انك مش فاهمه قصدى انا بكلم على تنشيط الاقسام دلوقتى ليه مانستغلش دا فى تنشيط الاقسام النايمه الى الاعضاء بتنزل مواضيع فيها ومفيش اهتمام مننا العضو دا على الاقل مابيعرفش يعمل لنفسه بنر عشان الدعايه كل الى بيعمله بيلف على الملفات يحط الرابط عكس الاقسام الى بتنزل مثلا فى اخر ابداعات الاعضاء ادخلى شوفى المواضيع الى نازله فى اخر الابداعات لو ملقتيش اعضاء بتنزل بالـ 4 مواضيع قولى انى غلطان وبلا تشوفى دلوقتى استنى بكرة والا بعدة وشوفى . |
ده لان الاقسام زادت وانا نسيت اضيف الصفحات وقسم المسابقات واعضاءمميزين معاهم كان فيه فكره انا قولتلها مره نعمل احصائيات لاخر 10مواضيع بتنزل فى المنتدى كله بس اعتقد لما تحددها للحصريات هايكون افضل وتشجيع اكتر على الابداع لكن انك تمنعهم من البنرات انت كده بتعمل دعايه اكتر للمنقول وتسيب اكتر مواضيع مميزة ولسه مركبه بنرات لقسم الازياء من يومين كان حصري وشغل فوتو بلوجو للمنتدى ممكن نتعب شويه ونساعد المجموعه دى فى الاقسام التانيه اننا نعملهم بنرات لمواضيعهم المميزة ان شاء الله |
طب وليه متقولش إننا بكده بنشجع ع الكتابات الحصريه لان لما العضو يلاقي إننا بنهتم بالمواضيع اللى بقلم العضو هيلجأ هو كماان لـ كده ويكتب ويبدع ومع الوقت مش هتلاقي منقولات .. هو هيبقى حلو المنتدى لو إتنشط وكل مواضيعه منقوله ! ومأظنش حكاية البنرات دي فيها مشكله دلوقت معظم الاعضاء بتعرف تشتغل فوتو دا غير وجود موضوع الطلبات اللى بيساعد فى عمل البنرات والهيدرات وكل حااجه يعني فعاليات المنتدى هنا متاحه للجميع بشرط إن يكون موضوعه يستحق البنر لكن آخر إبداعات الاعضاء دي بتهتم بالمواضيع اللى بقلم العضو فقط .. |
هو انا يعنى بالسزاجه دى انى هطلب منكم تحطو بنرات لمواضيع منقوله والا انا هفكر اصلا انى انزل توبيك ادافع فيه عن المواضيع المنقوله انا لا جبت سيرة مواضيع منقوله والا قولت حاجا عنها كل الى بقوله نخلى الاولويه لمواضيع الاقسام الى مش شغاله زى مثلا الطفل الحياة الزوجيه الاسلاميات القصص لو محطوطه الاقسام الى المفروض نكون مهتمين بيها بس مشكلتها انها مش نشيطه واكيد مش هنروح نحط بنر لتوبيك من الاقسام دى منقول . بدال ما احط بنر لتوبيك فى قسم شغال ومش محتاج دعايه انا كدا مش بحرمهم زى ما بتقولو طيب ما احنا حارمين الاقسام التانيه من كل حاجا لا بنر بيتركب والا اسم موضوع بينزل والا اى حاجا انا لو عضو فى الاقسام دى من نفسى هجرى على المنقول وانا هوجع دماغى ليه بنى اعمل استضافه مثلا او اعمل توبيك حصرى انا الى اعمله طالما كدا كدا انا محروم من كل الدعايه الى فى المنتدى . وهقولك على حاجا انا سهل انزل كل يوم موضوعين وابعتلك ليهم بنرات واقولك حطيهم رغم ان القسم عندى شغال وكدا كدا الموضوعين نازلين فى اخر ابداعات الاعضاء وهحجز بنر دائم ليه كل يوم اطلب منكم تركبولى بنر ومحدش هيقولى لا مش هينفع او مش هنركب . |
لا لو من مجهود العضو عادي يتحطله بنر ., أصلاً الإدارة مش بتركب أي بنر لموضوع منقول ., بس كلامك في وجهه نظر والله ., نشوف الإدارة هتقول ايه ., |
كلام منة عجبنى جداً موضوع البنرآت معظم الناس هنا بقى ليها فى الفوتو وموضوع الطلبات الى ليهم فى الفوتو متابعنيه كويس مآشآء الله,,يعنى انا مثلا لما بنزل استضافة او مسابقة فى الديكور بيتعمل لها بنر والادارة بتركبه على طول مش بتتأخر وعلى فكرة لما بيتركب بنر برده لـ الموضوع مش بيبقى في تفاعل الى بتبقى متوقعه عشان الفترة دى لسه فى ناس بتمتحن وكده ممكن ده يكون له تأثير وبالنسبة للموآضيع الى بتظهر فى صندوق إبداعات الاعضاء يعنى مثلاً اعضاء نزلت مواضيع بليل وظهرت المواضيع دى صندوق الابداعات وانا مش بدخل بليل واعضاء كتير بتنزل مواضيع حصرية باقلامها فـ كده الموضوع مش بيفضل كتير فى صندوق الابداعات يبقى انا كده هادخل الصبح مش هاخد بالى من المواضيع دى فـ البنرآت بتبقى مناسبة اكيد ليها عشان ناخد بالنا منها وخصوصا لو كانت مسابقة او استضافة وعموما بقى ربنا يحقق الى فيه الخير للمنتدى وبالتوفيقhttp://forums.banatmisr.com/images/icons/icon7.gif |
الساعة الآن 12:43 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب