مدرسة الأميرات
 

السلام عليكم
انا جاتلي فكره كده وحابه انفذها
عاوزه اعمل في المنتدي مدرسة الأميرات
وهتبقي عباره عن انها هتبقي عباره كده عن مجموعة دروس كاننا في مدرسة حقيقية
والبنات هتتعلم فيها ازاي تتصرف كأميرات
وهتبقي فيها كمان انشكه يعني تعملي كذا علشان مشيتك تبقي مظبوطه وهكذا
وكمان هيبقي فيه واجبات :04:
والدروس هنعملها رحلات
يعني كل درس هنعمله في القسم اللي يناسبه يعني هتبقي كده زي الرحله :18:
ولما نخلص الدروس كلها هعمل امتحان وهيشمل اسئله علي اللي انا قلته واكتر 3 هيجيبوا درجه حلوه هيبقوا هما او 3 مراكز
ها انفذ الفكره والا لا؟

وعليكم السلام
الفكره دى نزلت امبارح مسابقه هنا
http://forums.banatmisr.com/msryat425218/#post4041443
ممكن تفكرى فى فكره تانيه وربنا يوفقك

لا فكرتها مكانتش كده فكرتها ان المدرسات هينزلوا العاب زي تزيين التورته وتلبيس وكده واحلي واحده فيهم هيا اللي هتاخد الجايزه حتي اقرئي الموضوع والردود

ادي الكلام اللي بقولك عليه مكتوب في موضوع مدرسة البنات للاشتراك والتسجيل
والمدرسين كل اللي عليهم انهم يعملوا توبيك خاص باللي هتدرسة وكل يوم او يومن حسب مزاجها تنزل لعبة ~ يعني مثلا تجيب لعبة تزيين كيك وتقوول للطالبات يدخلو اللعبة يعني ويجهزوا كيكة على مزاجهم
واحسن واحدة تاخد خمس نقاط اوممكن تجبلهم صورة كيكة وتقولهم ادخلوا اللعبة واعملولي كيكة تشبه دي مثلا
يعني تبتكر

يعنى مواضيع عن الاتيكيت تقصدى؟

اه بالظبط كده فهمتيني بس انا جبتها بصورة تانيه بحيث انها تبقي ممتعه :05:

خلاص يبقى المسابقه تنزل فى قسم الاتيكيت
بس تقولى للمشرفه الاول عشان تتابع معاكى
ولو الوقت مناسب ومافيش مسابقات فى القسم
خلى الجوايز3مراكز
200
150
100
موفقه

فكره جميله ياقمر
ربنا يوفقك ومتابعه معاكي ان شاء الله

وانا موافقة وهتابع معاكى يا قمر .. الفكره هتنشط القسم وهأإجل المسابقة بتاعتى
لحد لما تخلصى انتى :)

هتشرفى القسم اكيد ..