-يـآترى بتتسحرى السـآعة كـآم؟
ع الساعة واحدة كده
-يـآترى بتتسحرى إيه؟
هكون بتسحر فراخ يعنى :p
اى حاجة ,, بس الحاجة اللى لازم تكون موجوده هى الزبادى : )
-يـآترى بتنـآمى بعد السحور؟
لا .. بتستنى الفجر طبعا وبعدين اصليه وانام
-يـآترى بتصلى الفجر فى المسجد ولا فى بيتك؟
لا.. ف البيت
-يـآترى بتصحى السـآعه كـآم؟
والله ع حسب الظروف , بس اكيد قبل الظهر علشان اصليه ف ميعاده
يعنى ممكن ع 11 ونص كده
-يـآترى بتعملى ايه بعد مـآتصحى بتقرأى قرآن،ولابتقعدى عالنت،ولابتتفرجى عالتليفزيون،ولا بتنـآمى تآنى^_^؟
اول م بصحى واصلى بقرأ قرآن الاول وبعدين اقعد ع النت شوية
لغاية م الحاجة تندهلى وندخل المطبخ :D
-يـآترى بتقرآى قد إيه قـرآن فى اليوم؟
ده ع حسب الظروف برده ف ايام ببقى فاضية فيها ممكن اقرأ اكتر من جزء ف اليوم الواحد
وايام تانية معرفش اقرأ خالص ..
-يـآترى ليكى أخ أو أخت صغير يبقى فـآطر وبيغيظك ^_^؟
لا الحمد لله ,, انا عندى اختين 14 و15 سنة
يعنى بيصوموا :D
-يـآترى مين الى بيتدبس فى السلطة عندكم(فى بيوت كتير بيبقوا الشبـآب اتمنى يكون عندكم كده برده ههههه)؟
اختى الوسطانية :D
هى خبيرة السلطة ف البيت ,,
-يـآترى إيه شعورك قبل مالمغرب يـآذن بخمس دقـآيق؟
ببقى هموت ع المية ,, بجد والله
الاكل مش بيفرق اوى اد المية ,,
-يـآترى لو قريب من بيتكم مسجد أكيد الراديو بيذيع الآذآن الأول..يـآترى مرة كنتى نـآسية وفطرتى؟
انا بيتى حواليه اكتر من 4 مساجد
اللى بيأذن فيهم بفطر ع ضمانته :D
انما مش بفطر مع الراديو ,.
-يـآترى بعد مالآذآن يـآذن بتآكلى تمر وتشربى العصير ولا بتآكلى على طول؟
بشرب عصير او ماية ده اكيييد ,,
-يـآترى بتتفرجى على بكـآر أو بـوجى وطمطم وقت الفطـآر سؤال مهم جداً صح:18:؟
طبعا بوجى وطمطم ده كان اساسى :D
انما بكار بقالى سنين مش شوفته
-يـآترى إيه أكتر أكلة ومشروب وحلو بتحبيه فى رمضـآن؟
اكله ,, المحشى .. بموت فيه حقا
مشروب ,, اكيد قمر الدين , رمضان بئآ وكده :D
حلو ,, انا ماليش اوى ف الحلو بس لو اكلت باكل كنافة
-يـآترى بتتعزمى فين فى رمضـآن؟ وبتعزموا مين فى رمضـآن؟
عند خالاتى او ولادهم او عند ولاد خالى
وبنعزمهم اكيد
وبنفضل طول رمضان كده نعزم ونتعزم :D
-يـآترى بتصلى الترآويح فى رمضـآن؟
طبعا ,,
-يـآترى إيه أكتر برنـآمج أو مسلسل شدك ونـآويه تتفرج عليه؟
هو انا بقالى كذا سنة بتابع رامز وبرنامج المقالب بتاعه
ف هتفرج ان شاء الله كمان ع برنامجه السنة دى " رامز عنج أمون ":D
كمان اكييد ان شاء الله هتفرج ع برنامج " اهل الجنة " بتاع مصطفى حسنى
وكمان مسلسل " قصص النساء ف القران " يحيى الفخرانى عمل شغل جميل جدا السنتين اللى فاتوا
اما المسلسلات العادية ف مش شدتنى حاجة زى السنة اللى فاتت .,.
-يـآترى إنتى فطرتى قبل كده على مـآئدة رحمن؟
لا خالص ,, بس تصدقى نفسى اجرب :04:
-يـآترى بتخرجى فين إنتى وأصحـآبك؟
بما انى ف بورسعيد ف خروجاتنا كلها بتبقى ع البحر
البحر ف رمضان بيبقى حاجة تانية خاالص :04:
-يـآترى بتنـآمى قبل مـآتتسحرى,,ولو مابتنـآميش بتعملى إيه فى الفترة دى؟
لا مبعرفش انام بفضل سهران لغاية لما اتسحر
اما اقرأ قرآن او اقعد ع النت او اتفرج ع الـ TV او ارغى مع صحابى ع الفون :D
-يـآترى إيه شعورك لمآ بتشوفى إعـلآنـآت كنتآكى وبيبسى وإنت صـآيمة؟
ولا بتهز ,, اساسا انا مبحبش كنتاكى من ساعة م عرفت ان احلام بتحبه :D
-يـآترى مين بيغسل موآعين الفطـآر عندك اختيـآرات(ست الكل ربنا يخليها-أختك-حضرتك-ولا الفليبنيه)؟
حضرتى الفلبينية بتاعة البيت :18:
-يـآترى بتشربى كـآم إزآزة مية بعد الفطـآر؟
لا متعديش :D
-يـآترى فى نهـآية الشهر وزنك بيزيد ولا بيقل؟
والله بيفضل زى م هو لانى اساسا بتابع مع دكتور تغذية علشان وزنى يفضل ثابت
ف غصب عنى وزنى لا بيزيد ولا بينقص :D
-يـآترى بتتعصبى فى رمضـآن كتير ولا بتبقى هـآدية؟
انا اساسا بطلت العصبية من مدة ,,
خوفا ع صحتى =))
وكده احسن ,’ مش هضطر اتصنع الهدوء ف رمضان :D
-يـآترى بتسمعى أغـآنى فى رمضـآن؟
لا ,, ده هو شهر ف السنة ,
ببطل الاغانى خاالص ف رمضان :04:
-يـآترى إيه أكتر موقف محرج حصلك وإنتى معزومة عند حد فى رمضـآن؟
لا الحقيقة مش فاكرة :p:p
-يـآترى بتشتروا فـآنوس رمضـآن؟
انا بيجيلى 3 :D
فاكرانى حد عادى ولا ايه =))
-يـآترى بتشـآركى فى تزيين الشـآرع والبيت فى رمضـآن؟
الشارع لا ,, الولاد عندنا بيقوموا بالواجب :D
انما البيت اه ..
-يـآترى بتسآعدى مامتك فى شغل البيت ولا مقضيآهآ نت؟
وربنا بساعدها :D
اساسا مقدرش مش اساعدها لتقطع عنى النت ي بت =))
