|
حلقة جديدة من برنامج ask me anything ومعانا الاميرة رودى http://forums.banatmisr.com/imgcache/2/33388alsh3er.png عضوتنا حبة لؤلؤ ومرجااااان عضوتنا مشرفة الصفحات من زماااان عضوتنا فكرها راقى كمان ومع عضوتنا الجميلة الأميرة رودي الشخصية من هى سارة بكلمات بسيطة ؟ عادي مجرد انسانه زي اى حد عندي مميزات وعندي عيوب طموحه شويه وفي دماغي حاجات كتير عاوزه احققها واهو بعمل اللى عليا وبفضل ربنا ان شاء الله كل حاجه هتتحقق مااقدرش اقول طيبه او شريره دي يحكم عليها اصدقائي واسرتي ما هى احلى صفاتك ؟ مش عارفه بس يمكن متسامحه رغم ان الصفه دي كتير بيشوفوها وحشه وانا فعلا فى وقت من الاوقات حسيت انها مش كويسه وان التسامح والتنازل له حدود http://forums.banatmisr.com/clear.gif ما هى الخطوط الحمراء فى حياة سارة التى لا يمكن أن تتعدها ؟ أسرتي وزوجى بالآخص هما كل شئ فى حياتي ربنا يخليهم لي ويحفظهم صفه تجعل الشخص قريب منكِ وصفه تبعده عنكِ ؟ لا مش عارفه دي ممكن أصدقائي او اللى يعرفوني كويس يحكمو بحاجه زى كده بس الحمد لله محدش عرفني وبعد عني الا الشخصيات السيئه اللى انا طردتهم من حياتي يقال ان الحب يتسلل في غفلة من العقل ويتملك الانسان ويقال عنه انه وباء ما رأيك ؟ لا طبعا الحب عمره ماكان وباء لولا الحب ماكانت الناس قدرت تعيش مع بعضها .. اما الحب بين طرفين [ رجل وامرأه ] بيكون شعورر جميل بشرط يكون اساسه المصداقيه والثقه لو توفر الشرطين دول فى الحب عمره ماهيبقى وباء.. لكن يبقى وباء على صاحبه لو كان فيه طرف مُحب جدا جدا والطرف التاني مخادع جدا جدا او كداب ومنافق والصفات دي وقتها فعلا يكون وباء ـــــــــــــــــــــــــــــــــــــ البيت ما هو ترتيبكِ فى الاسرة ؟ الكبيره حلم حاولتِ تحقيقه ولم يتحقق ؟ ادخل كليه صيدله :105: ماذا تفعلين فى اوقات فراغك ؟ بدخل المنتدى اكله ومشروب بتحبيهم ؟ الاكله بحب المكرونه بالبشاميل والمشويات عموما المشروب// عصير فراوله ونسكافيه ــــــــــــــــــــــــــــــــــ متى رجلا يشكو زوجته دائما يقول انها باستمرار عصبية ومتوترة ويريد طلاقها متى تكون سارة عصبية ومتوترة ؟ لو حد أهاننى وجرح كرامتي أكيد وقتها اى بني ادم غيور على كرامته هيتعصب وما رأيك فى تصرف هذا الزوج ؟ لا مش كويس مش بحترم الرجل اللى يشتكي من زوجته عمال على بطال حتى لو هيا مخطئه يحاول يعرفها ايه الصفات اللى بيزعل منها وهيا اكيد هتتغير وفى حال صممت على تصرفها ومش اتغيرت فيه الف طريقه للعقاب بدون التشهير ده متى تجلسين بمفردك ؟ كتيـــــــر بحب اصلا انعزل بنفسي عن الدنيا كتير يا سلام برج الاسد بئا شبه بعضهم :03: متى تكونى طماعه ؟ لما بقرب على عيد ميلآدي :71: بتلآقي طلباتي كترت انا عيد ميلادي يوم 9-8 على فكره بس ده ف البطاقه وانا بحتفل بيه يوم 24 -7 عشان ده اللى اتولدت فيه يعني قربنا اهو اياك محدش يجيلي هدايا هههههههههه وانا كمان لسه امبارح عامله مهرجان فى البيت عشان عيد ميلادى 30/7 بقولك ايه بئا الهدايا بالنص http://www.fraise-d.com/vb/images/55/23964605.gif متى تشعرين بالملل من صفحات مكشوفه ؟ لا عمرى ماحسيت بالملل من الصفحات انا اوقات بكون حسه بملل من شئ تاني فبدخل الصفحات اتجول ف مدونات الاعضاء الاقي الملل راح ماشاء الله فيه شويه صفحات يخلوكى لو مخنوقه من الدنيا ماتبقيش عاوزه تخرجي منها ـــــــــــــــــــــــــــــــــ من من تقول له (غِيابك : يهمُس لي أن الأشياء الجميلة لن تعود وَجميعها رحلت معك)؟ صديقتي الغاليه : منى من هو/هى (احلامى معك ليس لها داعى) ؟ لا مفيش حد من هو/هى صديقكِ الصدوق ؟ كتير آية // و هبه // و مروه و وليد // ومحمد أخويا والاهم منهم بابا ـــــــــــــــــــــــــــــــــــــــ كيف كيف تقضى يومك فى رمضان ؟ من اول ساعه السحور بنتسحر وبعدين اصلي الفجروانام وبعدين اصحى من النوم أصلى الضحى واقرأ جزء من القرآن وبعدين ادخل المنتدى بقى لـــحد ماأجى اطبخ لتحضير الفطار ووقت الصلوات طبعا بقوم اصليها فاضيه يعني :105: قالوا: لا عذر في الغدر اذا غدر بكِ شخص قريب من قلبك كيف تواجهين غدره ؟ لآ شخص قريب من قلبي ماحصلتش معايا الحمد لله لكن ناس عاديين فححصلت ومن ناس كانو مثل وآيه فى الآخلآق :112: تشوفيهم تنبهري وهما فى الاساس عديمي الضمير كيف تنظرين للرجل ؟ بنظر للرجل نظرتين نظره تفاؤليه ونظره تشاؤميه أصل الرجل ممكن يكون سبب فى اسعاد المرأه عمرها كله وممكن يكون العكس ده غير بقى الفطره والمكانه الطبيعيه اللى اتخلق بيها الرجل هو الآقوى والآعقل رغم ان الاعقل دي مش بيتصف بها كل الرجال بس طبعا الرجل بيكون الآب والآخ والسند والزوج والآبن يعني لآغنى عن وجوده ـــــــــــــــــــــــــــــــــــــــــ المنتدى عضو/ة تكونت بينكم علاقه معه عن طريق المنتدى ؟ هبه و روكه عضو/ة تعجبك مدونته ؟ ناس كتير اوي اخاف انسى حد وانا اصلا مش مجمعه كويس الوقتى البركه ف الصيام عضو/ة تنتظرين نزول مشاركه فى مدونته ؟ كلهم والله اى عضو له مدونه ف الصفحات بيعمل مشاركه الاقيني داخله وراه على طول لان قسم الصفحات هو الافضل والاقرب ليا عضو/ة يعتبر الاميز الى نفسك؟ الاميز كـ صاحب فكر سيرين وطارق عضو/ة تلفتك مواضيعه ؟ طارق وكان أ/ سيد قلم بلا حبر بنقوله كل سنه وانت طيب سلبيات بتشوفيها فى المنتدى ؟ وايه اللى ينقصه ؟ اممممم اللى بينقصه حكايه التسامح وصفاء النيه عند البعض طبعا مش الكل سؤال تقليدى ما رأيك فى البرنامج ؟ جميل اوي واسئلته عجبتني كتير لانها متنوعه أسيل انتى اصلا سكر على فكره:07: ـــــــــــــــــــــــــــــــ اسئلة الاعضاء روكه ايه هى لحظه ضعفك ؟ لما الاقي ماما بتتألم او تبكي ربنا يشفيها يارب او الاقي طفل محتاج ومش عارفه اساعده وبيكون فعلا وشه ملآمح الاحتياج بتكون صعبــه جدا ولمين بتلجى بعد ربنا ومامتك ؟؟ مش بلجأ لحد لكن لو حصل بيكون لمحمد اخويا زعلتى من حد مره حلفتى ما تتكلمى معاه تانى حصل معاكى ولا لا؟؟ أيوه بيكونو نقطه سودا ماينفعش اصلا يمرو على الذاكره يبقى هنكلمهم تاني ازاى ! انتى صبوره ولا نص نص ..؟؟ الاتنين فيه اوقات بتحصل حاجات تستفزني وتوصلني لدرجه كبيره من الغضب ومع ذلك بتحكم فى نفسي واكون صبوره وأوقات تانيه بيكون الانفجــــــــااار هو سيد الموقف وربنا مايوريكي انفجاري :116: مورشووو س / لية ماشوفناش عضو بيعمر معاكى فى قسم صفحات مكشوفة ؟ السؤال ده انت بقيت سائلهولي 10 مرات و هو نفس السؤال اللى عملته ف المقلب اجابتى فى المقلب بقى لما تنزل حلقتى هتشوفها مش ملاحظة ان كل لما يتعين حد معاكى يمشى وبعد فترة قصيرة اية السبب ؟ اصلي قلبت على أمنا الغوله س / الاعضاء المميزين فى صفحات مكشوفه عندك هم فين والقسم بيقدملهم اية ؟يعنى شايفا ان التصويت بتاع احسن مدونة دائما بيكون منصف ؟ ولو لا ليةبتعملية ؟ اقدملهم ايه ازاى القسم ده مختلف عن بقيت الاقسام حكايه التكريمات دي انا اخترعتها كده تقديرا للمتواجدين بس لكن هو طبيعته اصلا ان كل واحد بيكتب على حسب الحاله المزاجيه بتاعته وانا وضحت قبل كده طبيعه القسم يعني مش مجبر انه يشارك وينشط مدونته عشان يتكرم ده ركن كده بعيد عن الضوضاء اللى انت عاملهولنا ده ــــــــــــــــــــــــــــــــــــــــــــ الحلقة كلها اهى بالفوشيك اللى بتحبيه عشان مبقاش حرماكى من حاجه http://www.fraise-d.com/vb/images/smilies/a042.gif رودى استمتعت بالاجابات كتير انتى ضيفة جميلة فكراً وخلقاً نورتى البرنامج http://www.fraise-d.com/vb/images/smilies/paint.gif |
حلقه موفقه جداا رودى منوره طبعا بحضورها الراقي وإجاباتها المميزه الله ينور اسيل مجهود مميز منكـ كل عام وانتم بخير بقآ ,, |
حلقة حلوة كتير واجابات رودي هايلة كالعادة ومنورة يا جميل البرنامج وشكرا اسيل للبرنامج الرائع والاستضافة الجميلة ودي ~ |
حلقه رائعه واجابات روعه تحياتى لمجهودك الرائع كل عام وانتم بخير |
حلقة حلوة .. وأجبات رودى مميزة متابعة باقى الحلقات بقة ,, وكل سنة وانتو طيبين ,, |
اقتباس:
انا هاجى امسك معاكى الصفحات عشان نشوف مين هيمشى مين ^^ منورة الحلقة واجابات كتيرة دبلوماسية واسيل متميزة كالعادة فى انتظار الضيف الجديد تحياتى |
حلقة جميلة اوووي رودي نورة واجاباتها جميلة استمتعت بيها كتير هي طبعا شخصية رائعة وعسوووولة ^^ اسيل حبيبتي متميزة كالعادة والاسئلة جميلة ومختلفة كل سنة وانتم طيبيبن بقا |
حلقة جميلة جدا يا اسيل وعضوة محبوبة جدا فى المنتدى نورت التوبيك بكلماتها واجابتها كلها جميلة ومنطقية تسلمى يا اسيل دوآآآم التميز حبيبتى ودى ~ |
عثل عثل يا قلبى انا ربنا يسعدك ويوفقك ويخليكى ليا انا وهبه واللى تحبيهم يارب ويخلى ست الكل ماما ويعفى عنها وعن الجميع يارب تسلمى يا قمرى على الحلقه والضيفه المميزه جداا عندى مننحرمش منكم وفى انتظار الحلقه القادمه دعواتى |
مجهوووووووود رائع اسيل تسلم ايدك ياقمرايه رووودى انتى انسانه رقيقه جدا ونقيه وده بيبان دايمآ فى كلامك ربنا يحافظ عليكى ياقمرايه تحياتى ليكم ورمضان كريم |
| الساعة الآن 10:58 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب