منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   ( المقلب السابع ) من ( بقى دا كلام 2 ) ( عاشقة الهدوء ) (https://forums.banatmasr.net/msryat428693/)

morshooo 07-18-2013 02:16 PM

( المقلب السابع ) من ( بقى دا كلام 2 ) ( عاشقة الهدوء )
 

بسم الله الرحمن الرحيم

اهلا بيكم جميعا :D

النهاردة حلقة لوز اللوز

ضيفة النهاردة هتاخد وسام الرد الطوووووووويل

ضيفة مميزة جدا مش بتسيب حقها

ردت نوعا ما بهدوء بس اية

اضااااااااايقت على الاخر :D

مش عايز اطول عليكم

ضيفة النهاردة المتالقه /

عاشقة الهدوء

http://forums.banatmisr.com/image.ph...ine=1373585977

البـــــــــــــداية :

تم ارسال رسالة خاصة للضيفة وقولتلها فيها

ازيك عامله ايه
اتمنى تكونى بخير

دا توبيك عامله جديد هينزل ان شاء الله قريب
عبارة انى بستضيف عضو/ة وبسئلهم شويه اسئله
وفى اخر سؤال بعرض عليه 3 اسماء يوجهلهم نقد
المفروض انتى بتردى على النقد دا مع العلم انك مش هتعرفى مين
الضيف الا يوم الحلقه .



دى كانت اول رسالة بينا والضيفة طبعا وافقت

تعالو بقى نشوف الرئى الاول كان عبارة عن اية :113:

هبة دا رئى الضيفة فيكى :

ودلوقتى مع السؤال الاخير

( رئيك ايه )

هعرض عليكى 3 اسماء اعضاء

وتوجهلهم نقد فقط

3 / عاشقه الهدوء

هبه من العضوات الى بحبهم جدا وبحب اشوف نشاطها بس عيبها
انها دائما بحسها جريئه شويه ومتسرعه حتى فى ردودها
من عيوبها ان مالهاش شكل خاص بيها ومحدش بياخد باله من وجودها
او عدم وجودها ودا المفروض تغيرة لازم يبقى ليها شكل خاص بيها
ويكون ليها مواضيعها المميزة بعيد عن الحياة الزوجيه بحس ان
مواضيعها فى قسمها مجبرة انها تنزلها يعنى لو مبقتش مشرفه
مش هنلاقيلها حاجا فى المنتدى فياريت تهتم بتواجدها بشكل كويس
الفترة الجايه مع تحفظى على ترقيتها الفترة الاخيرة لان فى مشرفين
اعتقد يستهلو الترقيه معاها على الاقل .


طبعا الرسالة فيها شوية رخامة حلوين جدا

وكان لازم اهاجمها عشان اضايقها المهم تعالو

نشوف رد الضيفة كان اية .

هارد ياحريقه هارد :)

اولاً بشكر الضيفه العزيزه الجميله ألى بعتتلى النقد الجميل ده
وأكيد هارد عليه جمله جمله وحرف حرف
وزنقه زنقه وحاره حاره ههههههههههه
المهند ندخل فى الموضوع أول شىء ياأختى الغاليه ذكرتيه وهوه
هبه من العضوات الى بحبهم جدا وبحب اشوف نشاطها
وأنا كمان أكيد بحبك وبحب الجميع وبحب أشوف منتدانا الغالى نشيط
ومنور كده بأعضاءه وأحب أشوف نفسى كمان نشيطه :)
بس عيبها
انها دائما بحسها جريئه شويه ومتسرعه حتى فى ردودها
من عيوبها ان مالهاش شكل خاص بيها ومحدش بياخد باله من وجودها
او عدم وجودها ودا المفروض تغيرة لازم يبقى ليها شكل خاص بيها
ويكون ليها مواضيعها المميزة بعيد عن الحياة الزوجيه بحس ان
مواضيعها فى قسمها مجبرة انها تنزلها يعنى لو مبقتش مشرفه
مش هنلاقيلها حاجا فى المنتدى


شوفى ياست الكل أنا جريئه جدا وصريحه جدا وبحب صراحتى وجُرأتى أووى
التى لا تتخطا الحدود ؟ والتى لاتجرح أحد ومفيش كلام ورأى ووجهة
نظر بكتبها بجرائه ألا وكانت حقيقه مؤكده ؟ وأن كان على هزارى
طبعا وأكيد أنتى تقصدى ده ؟ أنى جريئه شويه فيه أه أنا بقول للآعور
أنت أعور فى عينك وبشتم أتخن تخين هنا أن كان يستحق ذلك
هههههههه بكلمات خفيفه برضه مش مُضلعه يعنى ؟ لكن فى البدايه والنهايه
ده هزار وبتبئه مادة ضحك لذيذه بينا كأخوات وألى يزعل منى
ومن هزارى بعتبره عيل وبتجنبه تماماً ؟؟؟ وهاتيلى رد من ردودى
أتسرعت فيه ؟؟ ياحببتى دأنا كل كلامى حكم أحم أحم هههههه
وقبل ما أكتب حرف عارفه هوه هايوصل أزااى كلامنا هنا
فى المنتدى بشكل خاص لازم يكون بحساب له فائده ونافع
وذو قيمه لكل من يطلع عليه !
النقطه التاليه وهى أن مليش شكل خاص بيه كل واحد فى الدنيا ليه شكل خاص
بيه مش بنزول مواضيع وشوية نشاط فى المنتدى هاعمل جو وبرستيج
ليه ؟ العمليه عندى مع أحترامى لمنتدانا الغالى أكبر من كده بكتير
أنا من يوم ماسجلت فى المنتدى وأنا عملت فيه الكثير ؟ مش عاوزه أتكلم
فى نقطه زى دى لآن ده واجب علينا طبعا ؟ وكل أنسان ليه ظروفوا فى الحياه
أنا مش قاعده 24 ساعه على المنتدى أنا عندى مسئوليات أكبر مانعه أنى
أنتشر أكتر فى كل الآقسام وألى بأيدى بعمله والحمدالله دايما برد على روابط
ألاعضاء الغاليين ألى بيعبتوها ليه على الزوار عندى ولا عمرى قفلت زوار
ولا رسايل خاصه وعمرى ماتركت رابط ليهم ألا ورديت عليه وده شىء مهم
جدااا وببئه سعيده بيه وده كفيل على أنى مش مُقصره فى حق أى حد ؟
بصرف النظر عن أنى مش متواجده ونشيطه فى كل الآقسام وده راجع على أنى
عندى ظروف تانيه بتشغلنى عن ذلك ؟ نقطه تانيه ذكرتيها وهيه أنى مُجبره
أنى أنزل مواضيع فى قسمى وأن تركت ألاشراف هبئه مش حاجا؟
أنتى تعرفى بئه كلمه فى سرك ههههههه أنى بعشق قسمى جدا جدا أنا حاسه
أنه أبنى لدرجة أنى زعلانه على اليوم ألى هايجى عليه ممكن مش أبئه موجوده
فى المنتدى ومش أدخل تانى وأسيبه هابئه حاسه أنى حاجه ضايعه منى شوفتى

لدرجة أيه مش تقولى بئه ليه مُجبره ؟؟ لالالا خالص قسمى ده حبى الآول والآخير يابنتى هههههههه ونقطه كمان أحب أوضحها ليكى ياحببتى هيه أنك
عاوزه يبئه ليه شكل خاص بيه اللهم لك الحمد الآعضاء هنا عارفين مين هيه
هبه وعارفين أسلوبها كويس أوووى وأن جيتى على الشهره والظهور
أنا عامله أوف لاين أساسا فى المنتدى عشان أختفى من وش المعجبين أحم أحم
هههههههههه يعنى من الآخر أنا طبعى أنى مش عاوزه من البدايه أظهر
ولا يبئه ليه شكل خاص من حيث الشهره والنشاط فى جميع جنبات المنتدى
وذكرت السبب فوق ؟

شكلى الخاص بئه هو أنى أكون تواجدى هادىء ونشاطى
بسيط ومرتاحه باأنتشارى فى المواضيع ألى أحس أنه دخل دماغى ويستحق الرد

أو يُعجبنى شىء وأنزله ومش مُجبره أنى أنتشر فى كل مكان ؟ هكذا طبعى
ومش هايتغيروهو الهدوء والبعد عن الآنظار ووجودى الفعال والنافع مش بالكم

أو الكثره ؟؟؟ أخر نقطه بئه وهى جُملتك

مع تحفظى على ترقيتها الفترة الاخيرة لان فى مشرفين
اعتقد يستهلو الترقيه معاها على الاقل .


شوفى ياحببتى لكل مجتهد نصيب وأنا زى ما ذكرت ليكى مش هقولك
عملت أيه فى قسمى وتواجدى فيه عامل أزاى لآن ده واجب؟
عليه كمشرفه ؟؟!! الآداره وضعت ثقتها فيه وكلفتنى بالمهمه دى
واللهم لك الحمد الآداره شافت أنى أستحق الترقيه وده شىء يُسعدنى
وعمرها ما هترقى أشخاص ليس لهم تواجد فعال ؟؟؟
أنتى شيافانى مش أستحق الترقيه ده راجع لرأيك لوحدك
وياريت بجد تتابعى قسم الحياه الزوجيه كويس وتبئى تحكمى ؟
وهاتشرف بيكى جدا على فكره وهاعملك أعلى واجب بس أبئى
تعالى بس شرفينى :) وفى النهايه أنا والله منذ دخولى
المنتدى لا كنت طمعانه فى أشراف ولا عمرى فكرت فى لون
ولا ترقيه لحد وقتنا هذا وهما ألى جم لوحدهم !!!
يعنى أنا لا بيهمنى ترقيه ولا بيهمنى ألوان؟؟؟أهم شىء
أنى أفيد وأستفيد وأعمل كل ألى أقدر عليه
فى منتدانا الغالى بحب وأخلاص وتفانى ولوجه الله وأكسب
صُحبه وأخوه فى الله أتشرف بهم أينما كنت
أتمنا لكى التوفيق وعذراً للآطاله وبشكرك بجد
أنك أتحتى ليه الفرصه أتكلم فى النقاط دى بالآخص عشان أى عضو رأيه من رأيك أكون وضحت لكم الآمور على أكمل وجه متشكره يامورشو على الدعوه ومنتظره الحلقه تنزل أكيد أن شاء الله
أحترامى لك وللضيفه المجهوله


محدش يتخط دا اطول رد احتمال نشوفة فى الحلقات كلها :24:

رغم انها اتمسكت بالهدوء بس معتقدش ان جدا حصل

على العموم كان لازم اضايقها اكتر واكتر

حتى شوفو بعتلها اية

بصى دا رد هبه عليكى
وليكى الحق تردى عليه ودا
اخر رد ليكى وهى كمان هيبقى اخر رد ليها
بعد ردك .

دا رد كبير قوى يا احمد هرد على ايه والا ايه
انا حاسه انك زعلتى منى ودا واضح فى ردك
رغم انك اخدى الموضوع بهزار بس عايزة اقولك
انك بعد ردك دا اثبتيلى حاجا اول مرة اخد بالى منها
ومش هقولها هنا عشان مايبقاش تعدى منى واوعدك
هقولك عليها فى رساله خاصه بعد نزول الحلقه وتعرفى
انا مين .
فى فرق يا هبه بين الصراحه وانك تقولى للاعور انتا اعور
وبين البجاحه سورى فى الكلمه مش مطلوب مننا نعمل زى ما بتقولى
انا ممكن اشوف حاجا غلط وابعتها فى رساله خاصه للعضو واقوله
دا غلط زى ما هعمل معاكى بالظبط .
ليه نطلع نفسنا وحشين قدام الاعضاء ونقول لدا انتا كذا وكذا
لازم نحافظ على بعض على الاقل .
بخصوص الهزار وكدا اعتقد لازم نحافظ على سمعتنا فى المنتدى
يعنى مش نفتحها سداح مداح قدام الاعضاء ونقول دا هزار .
ماتزعليش منى بقى فى ردى واتمنالك التوفيق

مورشو شكلها زعلت منى بس دا رئيى بقى
اعمل ايه كدا خلاص عاشقه صح مش هرد تانى
عليها حد تانى من الـ 3 بعتلك عشان ارد قبل ما اقوم .


طبعا لزوم المقلب كان لازم اكتب اخر كام سطر :04:

بس تعالو نشوف كان رد فعلها اية بعد ما بعتلها تانى رد

دا شكلك أنتى ألى أتخضيتى ههههههههه وأنا ولا زعلت ولا قفلت
على نفسى وقعدت فى أوضه ضلمه ياقمر أنتى :)
بالعكس والله أنا سعيده جدااا أنك ذكرتى الصفات دى فيه وفتحتى ليه

المجال أنى أوضح
نشاطى وتواجدى بالمنتدى عامل أزاى ولعلمك أنا بقبل أى نصيحه

وأى نقد يتوجهلى من شخصك
الرائع أو شخص أخر حتى ولو كان تجريح ؟

وهاعرف أرد أزاى وأقولك أيوه عندك حق فى كذا وغلطانه
فى كذا وهاخد حقى تالت ومتلت منك :04:

طبعا نقطة أنك أخدتى بالك من شىء وهيه فيه فرق بين البجاحه
والصراحه أينعم عندك حق مفيش جدال لو رجعتى لكلامى الآولانى وقرأتيه

كويس هتلاقينى بقولك أنا بحب الصراحه
وجريئه جدا لكن كل شىء عندى بحدود ليس فيه تجريح ولا أهانه تُضلع

صاحبها للحد الذى يُؤلمه وطبعاً عمرى ما
أهين شخص على العام كده ولا حتى الخاص ويوم ما أحب أوجه ليه

رد قاسى بيكون دبلوماسى يخجل منه ؟؟؟
هو شخصياً ويُعيد حساباته من جديد يعنى الحمدالله أسلوبى

واحد على النت والواقع بتعامل بنفس الطريقه يعنى
فى شغلى أن لاقيت حاجه خطأ مش بسكت عليها بمسك

أتخن تخين ألى أعلى منى وأقوله أنت غلط فى كذا وكذا
وياريت تراجع ضميرك وتعمل الصح مش بخاف وبطريقه برضه زى

ماقولتلك حتى لو قاسيه بتبئه دبلوماسيه
بتجبره أنه يتعدل :04: ده بالنسبه للصراحه والجرأه نقطة الهزار بئه شوفى

ياستى أنا عندى الهزار
أنا حريقه فى الهزار هههههههههه بس هزارى يخلو تماماً من المسخره والمياعه ؟؟؟

لو بتابعى هزارى
مع أعضاء المنتدى هتلاقينى حتى فى هزارى راااجل هههههههههههههه

وبيكون على حق برضه وفى نفس
الوقت يموت من الضحك وحكاية أن الحكايه تبئه سايبه أنتى بتتكلمى

فى أيه يابنتى عاشقة الهدوء (هبه)
زى ما كتبت فى السيره الذاتيه بتاعتها (بنت بميت راااجل ؟؟؟!!!)

بفضل الله هفضل كده علطول فى تعاملى
وحتى هزارى ؟ وألى يفكر يتحدانى للآسف خسران وندمان هههههههههههه

أحم أحم شوية غرور بئه

وفى النهايه أنا ألى بقولك متزعليش منى أن وجهت ليكى نقطه معينه

هاتزعلك منى ولا حاجه وبالعكس زى
ما قولتلك ياحببتى أنا مبسوطه جدا أنك أتحتى ليه فرصه مثل ذلك أتمنا

لكى التوفيق والسعاده ربنا يحفظك
وأكيد بأذن الله منتظره أعرف أنتى مين مووفقه :)


شوفتو هبة الى بميت راجل قالت اية :18:

تعالو بقى نشوف الرسالة الى عرفتها انة مقلب

كانت اية .

بصراحه ردها بيدل انها مغرورة جدا
وشخصيه مكنش ينفع يا احمد تجبها فى الحلقه بتاعتى وانا
بعتزر انى ظهرت فى توبيك زى دا
وياريت تقولها انا مين والا اقولك هقولها انا يالى اسمك هبه انتى اكون


























































( morshooo )
ودا مقلب زى الفل اخديه على دماغك ههههههههههههه
حبيت بس ارخم عليكى واقولك
كل سنه وانتى طيبه ورمضان كريم
ولا فى اجمد عضو والا فى ضيفه اصلا ههههههههههه
دا توبيك هنزله فى رمضان ان شاء الله
ابعتيلى رئيك بقى وتحبى تقولى ايه للاعضاء
وماتقوليش لحد انى بعمل كدا ^_^


:18: تعالو شوفو بقى قالت اية بعد ما عرفت

انة مقلب .

الله يخربيت دمااغك يامورشو دأنت فظيع بس بجد
مقلب فى الجووون هههههههههه
والله كنت حاسه أنه مقلب بس لآخر لحظه قولت لالالا مش معقول

ينهار أبيض تعمل فيه مقلب يا أحمد أما وريتك ماشى ماشى
بجد أنا سعدت بيه جدااا يا أحمد وياريت لو كل المقالب كده تبئه
رائعه أوووى على ألاقل بنوضح فيها أشياء كثيره عن وجودنا فى المنتدى
متشكره على المقلب يا أحمد وبحب أقول للجميع بما أنك هاتنزل التوبيك
فى رمضان كل سنه وأنتم طيبين والآمه العربيه أجمع بخير وسلامه
وأسال الله أن يُصلح أحوال المسلمين فى شتا بقاع الآرض اللهم أمين
أحترامى ليك يا أحمد أتمنالك التوفيق والرقى دوما ربنا يحفظك


وبكدا بتخلص اطول حلقة لحد دلوقتى

الى ماتعرفهوش بقى فى حلقات اطوووول من كدا :24:

وماتقلقوش لسة الى جاى احلا ^_^

سلام




Sh2wA 07-18-2013 02:20 PM

لا بجد مقلب انهاردة جامد اوى

والكلام كله اساسا يضآآيقها فعلا

تعيشى وتاخدى غيرهآآ { عاشقة الهدوء

ثآآنكس على المقلب يا احمد

وفى انتظآآآر المقلب النييوووو بقآآ

ودى ~

saMka samir 07-18-2013 02:22 PM

ههههههههههههه ..
ماشاء الله فضلت هادية طول الكلام :)
واحلي حاجة انها مش بتحاول تثبت فكرة ^_^

وآكيد قلتلك راي في التوبيك انه جامد اخر حاجة (y)

حَرفُُ هجآءّ 07-18-2013 02:35 PM

ايه كل ده
ده انتوا ألفتوا كتاب
بس سيبك ياحمد هبه واثقه فى نفسها جدا
عجبتينى ياهبه بقول للاعور انت اعور
وفعلا بنت بميت راجل
مقلب جميييييييييل

جبل عالي 07-18-2013 02:39 PM

الله علييييييك

ده انت مارحمتش حد !!!!

عاشقة الهدوء (هبه) بجد من الشخصيات اللي بتلفت نظري

لها أسلوب محبب بالنسبة لي .. معرفش كده لله ف لله

بجد ياهبه انتي شخصية جميلة جدا

ربنا يسعد قلبك وتفضلي زي مانتي مايغيرك اي ظروف

كل الشكر والتقدير للبرنامج الجميل

وكل سنة وانتم بخير

وعقبال الجااااااااي

مِسكُ الشَهادة 07-18-2013 04:15 PM

مقلب قوي جدا ً مع هبة
تلك الفتاة الصعبة القاسية هههههه
وإستفزازك ليها منظم جدا ً ههههه
مشكور يا أحمد فكرة مميزة جدا ً
والضيفة غنية عن التعريف
قمة في التميز والرقي
دمتم بألف خير

حافظة القرآن 07-18-2013 04:20 PM

هههههههه
مقلب جامد اوى
بس هى فضلت محافظة ع الهدوء بردو
يلا تعيشى وتاخدى غيرها بقا
فى انتظار الجديد :)

عاشقة الهدوء 07-18-2013 06:12 PM

المقلب نزل ياحلاوه ياولاد ههههههههههه
بس بجد أنا كنت هايله وواثقه من نفسى أزاى يا أحمد :04: شوف عشان تعرف بس
أن هبه فله شمعه منوره بتنور أى مكان وأى حلقه تكون فيها :04:
بشكر أخواتى ألافاضل الآعزاء الغاليين ألى شرفوا الحلقه
وأسعدونى برأيهم الجميل والرااقى مثل شخصهم ربنا يبارك فيكم
ويحفظكم يارب وكل عام وأنتم جميعاً بخير وصحه وسلامه اللهم أمين
وتسلم يامورشدى أساحبى تعيش وتتهنا يارب وتعمل فينا مقالب وتكون
دايماً منورنا وتسعدنا بكل جديد لك ربنا يحفظك

سآرهہ 07-18-2013 06:33 PM

هههههههههههههه ,, حلو اوي المقلب ده
تسسلم ايدك بقى :)

What do u think of u 07-18-2013 06:40 PM

ههههههههههههههه مقلب معمول صح يعني بس هي عاشقة ولااتهزت شعره منها بترد عادي بكل هدوء رغم ان في استفزاز علي ستوي عالي


الساعة الآن 09:17 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w