|
( الحلقة الاولى ) من ( هنا بنات مصر ) ( دمعه حائره ) بسم الله الرحمن الرحيم اهلا بيكم جميعا :D النهاردة اول حلقة من برنامجكم ( هنا بنات مصر ) الموضوع هيكون عبارة عن ( 10 اسئلة ) الضيف هيجاوب على ( 9 اسئلة فقط ) والسؤال الاخير الضيف هيختار عضو من المنتدى يسئلة سؤال والضيف هيجاوب على السؤال دا الاسئلة هتبقى بخصوص ( الاحلام / لو كنت / الامنيات ) مش هطول عليكم ضيفة حلقة النهاردة المتالقة / دمعه حائره http://forums.banatmisr.com/image.ph...ine=1371988977 اهلا بيكى فى ( هنا بنات مصر ) اهلا بيك موروشو وشكرا على الدعوة الفقرة الاولى ( الحــــــلم ) دلوقتى هتجوبى على الــ 3 اسئلة دى . 1 / اية الحلم الى من طفولتك بتحلمى بية ولحد دلوقتى متحققش ؟ وانا صغيرة كان عندى حلمين واحد انى ابقى دكتوره وبعدين غيرت رائيى لانى بخاف من منظر الدم والجروح والتانى كنت احب اكون صحفيه فى جريدة او مجله وكنت بتخيل ده وانا بذاكر وكانى فعلا بكتب ومشغوله فى تحقيقات صحفيه وكنتى امضى تحت الكتابه فى الاخر:) بس للاسف ماتحققش اى حلم فيهم وياترى بتحاولى تحققية والا لا ؟ المنتدى ادانى جانب كبير من تحقيقه بحس بيه اوقات كتير وانا بكتب وبنزل مواضيع او استضافات 2 / حياتك الحالية هى دى الحياة الى كنتى بتحلمى بيها طول حياتك ؟ مش كل حاجه بنحلم بيها بنقدر نحققها بس الحمد ربنا انعم عليا بحاجات كتير من اللى كنت بتمناها يمكن بشكل مختلف لكن الحمد لله انا راضيه جدا عن حياتى واللى مااقدرتش اعمله انا هاعمله وهاشوفه ان شاء الله فى اولادى 3 / الحلم الكبير بالنسبالك هو اية ؟ الحلم اللى فى خيالى الايام دى ومن فتره انى اسافر برا مصر وفعلا كنت بدأت اخطط لده لكن حصل ظروف اجبرتنى على تأجيله فتره لكن مااعتقدتش هاتكون فتره كبيره الفقرة الثانية ( لو كنت ) مطلوب منك تجاوبى على الــ 3 اسئلة دى 1 / لو كنتى عضوة عادية بالمنتدى اية الطلب الى هتطلبية من ادارة المنتدى ؟ لوكنت عضوة عاديه هاطلب من الاداره تدينى اشراف قسم الفضفضه هههه برغم انى مابعرفش افضفض بس بحب القسم ده واحب ارد على المشاكل وهاطلب منهم كمان يزودوا مشاركاتهم فى الاقسام شويه ويختاروا المشرفين صح 2 / لو كنتى سيدة اعمال وتملكى من الاموال المليارات ؟ اية الى هتهتمى بية ؟ الفلوس على قد ماهى نعمه كتير بتكون نقمه لو الى بيمتلكها ماستخدمهاش صح هاتكون سبب تعاسته فاكيد اللى بيمتلك المليارات لازم يساهم فى سعادة الناس المحتاجه فممكن اعمل جمعيه خيريه تكون ليها مشاريع واعمال فى اغلب المجالات تساعد الناس والاطفال اليتامى واظبط كده منتجع سياحى فى شرم اريح اعصابى فيه يكون على اعلى مستوى واعمل للاعضاء دعوات مجانيه تقضوا العيد عندنا 3 / لو كان مطلوب منك تكونى فى حكومة قنديل السابقة ؟ هتوافقى والا لا ؟ لامكنتش اوافق لان الاداء والخبره ضعيفه جدا وكان واضح التخبط فى القرارات وانهم مش قد المكان والمسؤليه اللى هما فيها الفقرة الثالثة ( الامنيات ) مطلوب منك تجوبى على الــ 3 اسئلة 1 / بتتمنى اية لـ مصر الفترة الجاية ؟ بتمنى كل خير والامن والاستقرار يرجع احسن من الاول والاهم ربنا يولى من يصلح لانتا تعبنا بجد من التجربه اللى فاتت س / يتتمنى اية لشعب مصر وشايفا ان الانقسام الحالى هيفضل كتير ؟ بتمنى يرجعوا ايد واحده زى الاول وينسوا الطائفيه والانقسام اللى فينا لان وصل لدرجات متقدمه حتى داخل الديانه الواحد وده الغريب اللى مكنش موجود قبل كده كميه عنف وحقد غرقتهم لكن انا واثقه انه شعب قوى وبيتحدى اى محن وهايقدر يعدى المرحله دى 3 / عايزك تتمنى امنية لحد فى حياتك عموما ؟ بس تقولى هو مين واية الامنية ؟ نفسي ماما تخف وترجع احسن من الاول لان بقالها مده تعبانه وده مأثر على نفسيتنا كلنا اخيرا السؤال الـ 10 10 / عايزك توجهى سؤال لعضو من المنتدى ؟ مع العلم انة هيجاوب علية هتختارى مين وهيكون اية السؤال ولازم تختارى عضو توجهيلة سؤال وانا بدورى هخلية يجاوب على السؤال . سؤالى ليك انت موروشو انت ازاى عنيد كده وبتصمم على اى قرار بتاخده لحد ماتنفذه وهل ده مأثر على حياتك الخاصه ولااللى حواليك متقبلين شخصيتك وبيوافقوا على اى قرار بتاخده؟ :D من اولها طيب تمام الموضوع ياريت الاعضاء تجيبة من بدايتة ياترى انا عنادى دا بيكون فعل والا رد فعل دا المهم لو بتكلمى عن عنادى فى المنتدى هتلاقى كل الى بيحصل انى بعاند عشان حد حزف مشاركة لعضو او قفل توبيك انا لو شايف ان المشاركة دى غلط مكنتش نزلتها من الاساس لو قصدك بعند بخصوص موضوعى الاخير اعتقد انتى تعبتى صحيح معايا بخصوص الموضوع دا بس انا اكتفيت بردك لما سئلت فى شكوى ودخلتى قولتى انا ضد قفل الشكوى وكان دا مهم بالنسبالى جدا خاصة لما انتى تقولية مع انك كنتى بتحلى المشكلة . عموما مش عايز اطول انا الحمد لله عارف نفسى كويس عمرى ما بدخل فى خلاف مع حد من الهوى ودائما عنادى بيكون رد فعل مش فعل دى حاجا . فى حياتى الشخصية لا انا مش بالشكل دا ولكن دائما باخد برئى الى حوالية سواء والدى او اخواتى او زميلى او زوجتى المهم باخد رئيهم والى بقتنع برئية خلاص هو دا الى بعملة . كدا انتهت اول حلقة من برنامج ( هنا بنات مصر ) انتظرونى وضيف جديد وحلقة جديدة قريباااااااااااااا ملحوظة / البرنامج تحت التنفيذ وممكن نشوفة بشكل تانى الحلقات القادمة |
استضافة جميلة مرشو مع منة ومش كل الامنيات التى بتتمناها بتتحقق هو الواحد بيسعى ويجتهد مع الطموح والتوفيق من عند ربنا حلقة وبداية جميلة ومنتظرين الضيف القادم |
عجبنى جدا بجد البرنامج رائع كالعادة يا احمد منه خدينى معاكى فى المنتجع ربنا يشفى مامتك ومامتى كمان ويشفى كل المسلمين وان شاء الله ربنا يحققلك كل اللى تتمنيه |
حلو اسلوب البرنامج جدا |
ـبرنامج جميل جدا يا مورشو ودائما بتطلع بأفكار لذيذة ^^ وضيفة البرنامج ردودها عجبتني لكن للأسف اخ=حلامها تلاشت ودة مش يمنع اننا نحلم تاني وربنا يوفقكـ يا منا متابعة معاك |
ان شاء الله تحققي كل احلامك وتسافري تركيا بس تاخديني معاكي لو مش هتاخديني يبقى خليكي في مصر احسن:04: جميلة فكرة البرنامج ,, تسلموو |
حلو البرنامج موفقين انشاء الله |
حلقة رائعة مع ضيفة اروع وان شاءالله تحققى كل احلامك:07: وربنا يشفى والداتك يارب وتشوفيها باحسن صحة دائما جميلة فكرة البرنامج يسلموووووووووووووووووووووا |
وعليكم السلام ورحمةة الله وبركآتةةة ,,~ تحفةةة اوووي الفكرة يً مورشووو ,, ديمآ آفكآركك مبدعةة زيك ,, و آختيارك للحلقةة الاولى جميييل ,, مع ضيفةة كل السايت بيحبهآ ,, و بجد اسئله واجآبآت جمييلةة اوووى ,, تسسلم آيدكك ,, وكنتى منوره يً منون وف انتظار الحلقةة التانية ان شاء الله يَ مورشـو :)) + تقييمى |
الحلقة جميلهــ جدا واجابات دمعة فيها كتير من الرضا والحكمه ربنا يوفقك وتعملى الا تتمنيه مستنيين الحلقة الجاية |
| الساعة الآن 10:37 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب