منتديات بنات مصر - حكاوى رمضان 00والسر الخطير00والحب الصامت

منتديات بنات مصر (https://forums.banatmasr.net/)

- منتدى يوميات الاعضاء (https://forums.banatmasr.net/f61/)

- - حكاوى رمضان 00والسر الخطير00والحب الصامت (https://forums.banatmasr.net/msryat428989/)

حكاوى رمضان 00والسر الخطير00والحب الصامت

بسم الله
السلام عليكم
أزيكم
رمضان كريم وكل سنة وانت طيبين
نخش فى الموضوع طوالى
علشان انا معاى سرخطير
صحيح جانى تهديد لو أنى فكرت أذيعه
بس علشان هو خطير ويخص المنتدى
قلت ياواد يارفعت هيحصلك إيه يعنى
هيعملولك حظر خلاص أنت جربته وذقت مرارته
مايهمنيش حكاية الحظردى خالص
بس رجع جانى التهديد قال :
لأ المرادى مش هتتحظروبس
دا أنت هتتحظر خالص من الوجود
صراحة أستغربت من الجملة دى
ومافهمتهاش كويس
قلتـ هتعمل أيه يعنى
قال أناعندى راس تقيلة خالص فى الداخلية
لواء فى المباحث وكلمته فعلا عليك
وكلها يوم ولااتنين وهتلاقى روحك مع مرسى
ماحدش هيعرف ليك طريق جرة
قلت ياعمى روح هو كان رئيس ومشهورومعروف عنوانه أماأنامجرد واحدنكرة
قال ياياحبيبى نكرة ولا علم إحناعرفنا عنك كل حاجة
يانهاركم مش فايت عرفتوازاى
قال حضرته من صفحتك فى الفيس بوك كل تفاصيلك جبناها من هناك
معلهش طولت عليكم فى الحتة دى
بس علشان ألفت نظركم بلاش حدفيكم يآمن للفس بوك طلع خسيس وماعندوش ذمة وبيخبص على أصحابه
وكمان علشان تصدقونى ألفت نظركم لحاجة تانية وهى أن مراتى من المنصورة
هتقولوا ودى دخلها ايه فى الموضوع
أقول علشان تعرفواأنى الأسرار اللى معاى موثوق بيها 100%
نخش فى تفاصيل الأسرار
الكل عارف أن الأخ هيثم صاحب منتدى بنات مصر
اللى هو أسمه الحب الصامت ربنا يمسيه بالخير ويديله الصحة قولوا آمين
واللى أنت ماتعرفهوش وهو ده السر اللى ناوى أفشيه وأعلنه فى الأمم المتحدة كمان
أنه حضرته مش صاحب المنتدى ولاحاجة
ولما سمى نفسه الحب الصامت
ماكنش هو اللى أختار الأسم ده
وتعالوا شوفوا يعنى أيه معنى الحب الصامت
وطبعا حضراتكم ملاحظين أن كل اللى أتحظروا
كانوا رجالة ولى تحفظ على حكاية رجالة دى بس مش دى قضيتنا
علشان مانخرجش برة الموضوع
ومافيش ولاوحدة بنات أتحظرت أبدا
تعرفواليه
أأول: لأنه وبصراحة المنتدى صاحبته أقول صاحبته وحدة حريم
وبعد ماتصلوا على النبى كده وتهدوا من الصدمة
ركزوا معاى
الأخ هيثم يبقى هو حبيب الموزة صاحبة المنتدى
ولماراحت تعمل المنتدى بتوع الترخيصات قالوالازم يكون واحد راجل اللى يرخص المنتدى
علشان كده أتعمل الترخيص بأسم أخونا الغالى هيثم
وكمان حضرة الميمونة أشترطت عليه أنت بس هتكون صورة قدام الناس
يعنى شرابة خردة معلهش ياأخ هيثم فى اللفظ ده سامحنى بس المخرج عاوزكده
طبعا أنت مقامك عالى ومحفوظ
المهم راحت حضرتها أختارت نيم
الحب الصامت يعنى دلالة على أنه يصمت خالص ومالهش دعوة بأى حاجة فى المنتدى
وطبعا ملاحظين أن مافيش وحدة حريم اتحظرت علشان حضرتها لايمكن تزعلهن
وكمان ملاحظين أن كل الإدارة والمشرفين برضو منهن
وماحدش يقولى دا فيه طارق وحوده ومحمود وماجك وماجد دول العظماء اللى هنا
طبعا هم العظماء مش محتاجة كلام
بس هم مجرد راية ترفرف فوق علشان الناس تشوفها وبس
وكمان كلهم من حزب واحد واللى برضو هى مأسساها وكتابها بأسمها
وطبعا فاكرين فاكرين أختنا نفرتيتى
وكام وحدة تانى
اتحطوفى الإشراف وبعد يومين بالعدد شالوهم من الإشراف
تعرفوا ليه علشان طلعوا لمضين ولسانهم زالف ومارضيوش بالمذلة وعمولوا زعيمات
قامت على طول رايحة شيلاهم من الإشراف
وآخر قرارا تم فيه رفع الأشراف
كان بتاع أخونا مرشو
تعرفوليه بس أعترض على قرار فى دستور المنتدى
على طول راحت شيلاه صحبتنا اللى تبقى الموزة بتاعت أخونا هيثم
اللى سمته الصامت
وهيفضل صامت لحد يأجوج ومأجوج مايجو
ويفتحو السدبتاع المنتدى
طبعا أناعرفت السرده من مراتى علشان هى من المنصورة وبعتها جاسوس
لحد ماادحلبت على موزة أخويا هيثم وعرفت منها كل حاجة
ويلا فتكم بعافية
واستنونى مع حكاوى رمضان والسر الخطير
أخوكم
رفعت

شكلك داخل علي مشروع حظر قريب
ههههههههههههههههه

:11:
:11:
:11:
:11:
ـرفعت بتتكلم جد ولا بتهزر
صراحة انا اتصدمت
بس مش كأن بنت هي الي تحكم المنتدي لان عادي يعني ولينا حقوق زيكوا(ومالهم بئةالحريم ان شاءالله:49:)
بس صراحة مش مصدقة حاسة ان انت بتهزر مش عارفة لية
أصل ازاااااااااي:102:
مش فاهمة اي حاااااااجة:17::102:
فهمني يا رفعت :06:
ـوهتوحشني يا رفعت لو طرت دلوقتي:18:

اقتباس:

المشاركة الأصلية كتبت بواسطة واد حبيب (Post 4091981)

شكلك داخل علي مشروع حظر قريب
ههههههههههههههههه

أزيك ياحمو وحشنى خالص
كل سنة وانت طيب
لو اتحظرت الببركة فيك بئا
تبقى ترفع الحظر
شرفتنى ياغالى
مودتى

اقتباس:

المشاركة الأصلية كتبت بواسطة ana banota baskota (Post 4091984)

والله أجمل حاجة ربناكرمنى بيها
أنك هتسألى عليا وخايفة عليا
وده فى حدذاته شيئ جميل
والحمدلله فيه حد هتوحشنى
شكرا لك يابسكونة
ولازم تصدقى كل حاجة اليومين دول
شرفتينى ونورتينى
مودتى

اقتباس:

المشاركة الأصلية كتبت بواسطة الرجل المتواضع (Post 4092010)

أزيك ياحمو وحشنى خالص
كل سنة وانت طيب
لو اتحظرت الببركة فيك بئا
تبقى ترفع الحظر
شرفتنى ياغالى
مودتى

وانت طيب يا غالي
بس انت عارف ان الحظر تقيل وعوز واحد صحتو حلوه علشان يرفعو
وانت عارف صحتي علي قدي

اقتباس:

المشاركة الأصلية كتبت بواسطة الرجل المتواضع (Post 4092019)

ـاية دة .. اية دة :11:
داا نت بتتكلم جد
يا نهااااااااااااااااااااااااااااااااااااار:102:
يال رفعت حرااام عليك ما بلاش تخبط في الحلل
وسيب كل وآحد برحتوا بدل ما نفقدك ونفقد زمالتنا وزميلائك الي في المنتدي
وفكك من الكلام دة

ههههههههههههههههههه

صراحة لو بداله او بدالها غير اعملك حظر

اقتباس:

المشاركة الأصلية كتبت بواسطة دمعة فيها لمعة (Post 4092088)

ههههههههههههههههههه

صراحة لو بداله او بدالها غير اعملك حظر

ليه بس يادمعة
خليك محضر خير
شرفتينى بالمرور
مودتى

اقتباس:

المشاركة الأصلية كتبت بواسطة واد حبيب (Post 4092035)

وانت طيب يا غالي
بس انت عارف ان الحظر تقيل وعوز واحد صحتو حلوه علشان يرفعو
وانت عارف صحتي علي قدي

معقولة واحد زى حضرتك ملك الرومنسية

ومابلقاش تقيل
داانت الخير كله