|
( الحلقة الثانية) من ( هنا بنات مصر ) ( SiLver Spectra ) بسم الله الرحمن الرحيم اهلا بيكم جميعا :D ( هنا بنات مصر ) الموضوع هيكون عبارة عن ( 10 اسئلة ) الضيف هيجاوب على ( 9 اسئلة فقط ) والسؤال الاخير الضيف هيختار عضو من المنتدى يسئلة سؤال والضيف هيجاوب على السؤال دا الاسئلة هتبقى بخصوص ( الاحلام / اسف يا .. / مصر) طبعا تم تغير فقرات الحلقة ودا عادى محدش يقول حاجا :D مش هطول عليكم ضيف حلقة النهاردة SiLver Spectra ودلوقتى تعالو نشوف طارك النهضة قال اية :D الفقرة الاولى الحلم 1 / اية الحلم الى طارق مازال يبحث عنه وبيتمنى الوصول الية ؟ بحلم اعمل مشروع يجبلي دخل كبير ابقى من خلاله مليونير :04: بالفلوس يابا تعيش ملك :04: 2 / اية الحلم الى حاسس انك بتحلم بية كتير جدا ومستغربة ؟ و الله يا مرشد انا بنسى الحلم اللي بحلمه اول ما بصحى حلو و لا وحش مش بفتكر .. نادر جدا جدا لما اركز في الحلم بعد ما اصحى على طول و افتكر محتواه غالبا مجرد ما بصحى دماغي الواقعية تشتغل فتنسيني الحلم على طول ..دا لو حلمت 3 / حاسس ان حياتك الحالية هى دى الحياة الى كنت بتحلم بيها ؟ أكيد لأ لو الانسان حس بكدا فهو هيعيش بدون حلم و امل ..يعني هيعيش مكتئب الامل و الطموح هما الشيء الوحيد اللي بتكسر الكآبة و طول ما انت عندك شعور انك تحت الحلم ..بيفضل الامل جواك الفقرة الثانية ( اسف يا .... ) 1 / تقول لمين فى المنتدى انا اسف بسبب ....... ؟ أي شخص زعل من اي موقف كان.. بعد فترة بتحس ان الموضوع تافه و ما يستاهلش 2 / مين فى حياتك الشخصية تقولة او قولتلة قبل كدا انا اسف على ...... ؟ مش متذكر و الله .. بس قريب ..البقال اللي جنبنا اتريق عليه و هو معدي و كان معايا حد ..و اضايقت ..فروحت ردتله الهزار عشان احسسه بنفسه قولتله : ازيك يا ابو دقن :04: .. و شدينا في نقاش و كدا و اعتذرلي و اعتذرتله و خلص الموضوع 3 / شايف ان كلمة ( انا اسف ) بتقلل من الشخص حتى لو كان انتا الى هتقولها ؟ لا طبعا بترفع من شأنه الفقرة الثالثة ( مصر ) 1 / شايف مصر كانت ازاى قبل ترشيح ( مرسى ) وبعد ماتم ( خلع مرسى ) ؟ عايز الصراحة ؟ الاختلاف بين مصر قبل 25 يناير و بعدها هو ان بقى في انفلات امني و الناس طلعت اسوء مافيها ..هو دا الاختلاف لحاد دلوقتي الاخوان عاملين زي واحد بقاله 80 سنة عطشان و نفسه في مايه و كان محروم منها ..و اول ما شافوا بركة مايه وسط الصحرا راحوا طردين كل الناس التانيه و مش خلوا حد يشرب منها غير الاخواني (عملوا في الناس اللي كان بيتعمل فيهم) فلو مرسي ما تمش خلعه كالن السيناريو البديل هو انه كان هيخلع المعارضه و هيشمع الاعلام و دا قالها صراحة : كفايه عليهم سنة 2 / من خلال متابعتك للاحداث الحالية فى مصر شايف الانتخابات القادمة ازاى ومين فرصتة هتكون كبيرة ليكون رئيس مصر القادم ؟ مش هقدر اجاوبك دلوقتي لان لسه بادري و لسه مش عارفين مين مترشح ..بس مليون في الميه مش هيكون اخواني أما مجلس النواب فكالعادة القوى الاخرى هترشح 50 عضو لكل دايرة و تتعمل اعادة بين الاخوان و النور ..و اظن انا شرحت ازاي بيفوز الاخوان في التصويت قبل كدا (زي العضو صاحب العشيره اللي بيفوز في الشعر هنا في المنتدى مع انه خيبان في الشعر و غيره احسن منه) و بالتالي لو القوى اللي بتسمي نفسها مدنية مش اتحدت و نظمت نفسها كويس ..هيفصل مجلس النواب باغلبية اخوانية و الله اعلم 3 / الاخوان المسلمين تقولهم اية ؟ وشايف ان وجودهم فى مصر هيستمر كحزب سياسى والا هم خلصو على نفسهم ؟ الله اعلم ..لو حصل تصعيد كبير ..ممكن يتم حظر الجماعة بشكل امني .. و بصراحة كدا لو طلع امر القبض عليهم الاهالي هيبلغوا عنهم لانهم معروفين ..يعني الاخوان الخسرانين مهما كان و لذلك عندنا هنا في دمياط بطلوا يعملوا مظاهرات بعد الكام علقة اللي اخدوها و الكام محل اللي اتحرق ليهم ..فبقوا بيبعتوهم للقاهرة بحيث ماحدش يعرفهم هناك بس اظن النظام الحالي مش حابب يستبعدهم لحاد اللحظة و بيرحب بمشاركتهم بس هما مش عايزين لان الموضوع بالنسبالهم انقلاب احتمال يتم حظر الجماعة بأمر قانوني بعد ما اتفضح موضوع الجمعية اللي اترخصت في يوم و ليلة و بدون اي رقابة (شغل وساطة و معرفة) بس الموضوع دا لو تم فهيتم أدام شوية عموما أنا شخصيا مع مشاركة الكل بدون استبعاد أو اقصاء لاي طرف كان طالما الطرف دا مسالم و بيحب البلد ..حتى لو كان الطرف دا مسؤول عن التهميش اللي حصل قبل كدا لأنه في النهاية (مصري) اخواني سلفي مسيحي ليبرالي كلنا مواطنين و لينا نفس الحقوق و انتقادي شخصيا بيكون للشخص فقط اللي بينمي الطائفية و التفرقة في المجتمع ..لكن انت ملتك ايه ماتفرقش معايا المهم تكون انساني و بتحترم عقول الغير اخيرا 10 / اختار عضو واسئلة سؤال ولازم تختار عضو معين ؟ روح صامته ناوية تخش كلية ايه ؟ استغربت للسؤال المفاجئ دا ع العموم بص انا مقررتش لسه الموضوع لسه معلق بالمجموع وهحسب النسبة بعد المعادلة يوم ما اقرر هقول ان شاء الله و شكرا :) كدا انتهت ثانى حلقة من برنامج ( هنا بنات مصر ) انتظرونى وضيف جديد وحلقة جديدة قريباااااااااااااا ملحوظة / البرنامج تحت التنفيذ وممكن نشوفة بشكل تانى الحلقات القادمة |
حلقة جميلة وضيف مميز ؛؛ |
هي فكرة جديدة يامورشو ياابو الأفكار شغااااالة يعني ولله الحمد واستضافة متعقلة وضيف من العيار التقيل واجابات برضو متمكنة وسننتظر ماذا سيقدر الله لمصرنا وكل التوفيق لكِ روح صامتة ان شاء الله ياااارب موفقين بالبرنامج ان شاء الله تحيتي وتقديري |
الأول أسلم على صاحب المكانة والجلالة وأرحب بيه لازم مش كبيرنا وماتقليش ياأحمدأفندى أنت بتجامل الإدارة عارفك بتنبرفيها وكمان ماتسالنيش ليه مارحبتش بى أنا كمان علشان ببساطة أنت ناطط فى كل حتة واتعبت من كترالترحيب بيك وقلناهنستريح منك شوية بعدماربناكرمك ببنت الحلال لكن لانافع فيك بنت حلال ولاحتى شيلك من الإشراف مش عارف الواحديعمل فيك ايه يااخى حكمته أزيك ياكبيرنا على فكرة اناعرفت السر اللى مخليك تكره الدقون بس مش هقوله هنا مستنى أنزله فى التوبيك حكاوى رمضان والسرالخطير منورخالص وطبعا رأيتك السياسية أنابقدرها تماما بل والله أعتزبها وأفتخربالرغم من أختلاف بعض وجهات النظر أحب النظرة الموضوعية جدا فيك خبيرأستراتيجى بمعنى الكلمة تمامازى طريقة معرفة فين السوسة مستخبية فى الضرس وبعدين انت عاوز تبقى مليونينى هى بتتكتب ازاى الله يخربب بيت ابوها لوحضرتك كنت قلت آمين لمادعيتلك بتسويس أسان المصريين كان زمانك كبير المليييييارااااات ربناياعم يحققك كل الامنيات وأكيد الخيرهيعم (زي العضو صاحب العشيره اللي بيفوز في الشعر هنا في المنتدى مع انه خيبان في الشعر و غيره احسن منه) هو فيه حدغيرمرسى صاحب عشيرة يعنى نخلص منه يطلع شاعرمكانه والله معاك حق ياصاحب المكانة واناأشكيلك من أختى أبتسامة الزهر مافيش ولامسابقة إلا وهى لطشاها أعمل أناايه فيها يعنى أغتالها ولا أحجر عليها كل سمنة وانت طيب ياكبير ومرشوروح ياشيخ ربنامايحرمناش من جليل برامجك مودتى |
حلقة حلوة مشكور اخى |
الله عليك يا دوك عجبتنى ردودك جداا تسلم يا مورشو ع الاستضافه خير ما راق لى هو اقتباس:
|
أهلآ بـ الكبير أوى , حـلوه فكرة البرنـامج كمـا تعودنـا منك يـ موريشوا وأجـابات تمــام أوى خفيفه وعقلانيه طلع فى نقطة ألتقاء بينى وبين الضيف أن بردون بنام حمــادة وأصحى حمــادة تانى خالص مبفتكرش أى حاجه بعــون الله s1 الموهيم عجبتنى الأستضافه موفق أمورشوا :05: |
اقتباس:
اجابات عقلانية وجميلة تسلم مورشوو عالحلقة ,, |
فكرة البرنامج كالعادة بردوا يا مورشووو جميلة واجابات طارق فى منتهى العقلانية والوضوح وان شاء الله يحفظ الله مصر من أى طماع أو أى فصيل يحتكر السلطة لنفسه نورت يا طارق |
حلقه جميله جداا واجابات طارق كالعاده عقلآنيه ومتزنه وبالنسبه لآراؤه السياسيه فهيا منطقيه وع الحياد كمان ياريت فعلا الكل يفكر فى مصلحه البلد وبس ويشتغلو سوا ويجمعو افكارهم بهدف الارتقاء بمصر فقط وياريت نتخلى عن االانانيه اللى بقت مسيطره على ناس كتير استضافه مميزه مورشو وضبف رائع تسلـــمو |
| الساعة الآن 02:33 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب