منتديات بنات مصر

منتديات بنات مصر (https://forums.banatmasr.net/)
-   عالم حواء العام (https://forums.banatmasr.net/f99/)
-   -   خليكي بطاطس (https://forums.banatmasr.net/msryat429409/)

saMka samir 07-25-2013 02:09 PM

خليكي بطاطس
 


http://forums.hawalive.com/storeimg/...145569_469.jpg

عوزاكو كلكن تبقو بطاطس ♥♥

عارفين ليه البطاطس المحمرة هي الاكلة الوحيدة التى اجتمع الناس كلهم علي حبها ؟

1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة
عشان كدة لما حد يعمل معاك موقف سخن اوي ماتعملهوش وحش اوي
ايوة حاسسيه انك زعلان منه
و خدي موقف بس خلي قلبك ابيض و وطري

"طيب يعني "
مش ناشف
و سامحي عشان ربنا يسامحك
♥♥

2-البطاطس المحمرة تلاقيها عند ماكدونالدز
( فرينش فرايس)

ولا بلاش مكدونالدز عشان احنا مقاطعين
و برضه تلاقيها عند بتاع الفول والطعميه
انت كمان خليك زي البطاطساية
ماتتكبرش علي حد
وصاحبي كل الناس غني او فقير
♥♥
3-البطاطس المحمرة بتتقدم مع حاجات كتير :
مايونيز كاتشب
صلصات مختلفة
و ساعات كمان طحينة
بس بتفضل في الاخر اسمها بطااااطس

-يعني مهما اتعرضت انت لثقافات
و بيئات مختلفة
احتفظ دايما بشخصيتك المستقلة
و طريقة تربيتك
و خلي الناس هية اللي تتاثر بيكي
♥♥
4- البطاطس ممكن كمان تبقي شيبسي
و هي اول حاجة بنفكر فيها لما بنحس بالجوع
او احنا بره البيت

عشان كده ساعد الناس دايما
و خليك اول واحد ييجي علي بالهم
لما يقعوا في مشكلة
و خليكي جدعه زي "الشيبسي"
♥♥
5- البطاطس المحمرة لو اتهرست بتبقي كمااااان طعمها حلو
و ممكن نسميها "بطاطس بيوريه"


- فمهما الدنيا تهرس و تبهدل فيك
خليكي شخص كويس و لذيذ
و طلعي للدنيا لسانك
و قولي "انا بطاطساية بيوريه"
♥♥

ببساطة عشان تبقي محبوب يا اختي

من والدك والدتك صحباتك و زميلاتك القريب والبعيد و من كل الناس

خليكي بطاطس :04:


esra2 mohamed 07-29-2013 07:57 AM

ههههههههههههههههههههههههههههههههههههههههههه
بجد التوبيك دمه خفيف جدا
وفكرته رائعه
موفقهــــــــ
دمك خفيف ماشاء الله

شير اون لاين 08-13-2013 03:53 AM

الكلام ده اكبر صح


الساعة الآن 10:48 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w