منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   برنامج( استضافه فكريه)الحلقه الرابعه مع нαиαи (https://forums.banatmasr.net/msryat429566/)

M.B 07-26-2013 05:14 PM

برنامج( استضافه فكريه)الحلقه الرابعه مع нαиαи
 
http://banatmisr.com/up3/uploads/1374044039891.jpg
بسم الله الرحمن الرحيم

انهرده معانا ضيفه عزيزه علي المنتدي كله وعزيزه عليا ضيفه طيبه ومحترمه جدا

وياارب متكونش زعلت من الاسئله الي عارف انها مش سهله :(

معااانا





بسم الله الرحمن الرحيم


السوال 1 : اسمك سنك محل اقامتك
حنان - 20 سنه - السعوديه >> مكه

السوال 2 :بتدرسي في سنه كام
خلصت دبلوم ومش عارفه إذا فيه نصيب اكمل بكلوريا السنه الجايه ولا لا
اصلي انا فاشله و تاخرت في التقديم :)

السوال 3 : ايه طموحك في الحياه
حاجات كتيره اممم بس اهمها اكمل دراستي و اوصل لمراحل متقدمه إن شاء الله ^^

السوال 4 : صاحبك بالنسبه ليكي ايه في الحياه
اقرب الناس لي طبعا ^^

السوال 5 : قوليلي وجهه نظرك واحكامك الي ماشيه بيها ف حياتك

اول حاجه ما انسى ربي في أي ظرف عشان لمن احتاجه وقت الضيق آلاقيه معايه
كل اللي بيصير لي من حاجات وحشه دي حكمه ربنا و اكيد فيها خير لي
واهم حاجه إني اعلق سعادتي بهدف مش بأي شخص عشان مفيش حد يدوم لحد ^^

السوال 6 : المنتدي بالنسبه ليكي ايه ومين اقرب الناس ليكي فيه
متنفس لي
فيه اعضاء كتير جدا والله تعرفت عليهم هنا و اغلبهم ناس محترمه و عسولين كدا زيك ي محمود :) ( :24: انا عسولين :18:)
بس اكتفي بـذكر esraa لأنه بكلمها في المنتدى و فون و اتس و كلو :)

السوال 7 : مدمنه التفكير ولا سريعه الاستسلام
انا ساعات بحس مخي يعلق من كتر التفكير ودايما بينخفض ضغطي بسببه ههههه مدمنه بدرجه اولى

السوال 8 : عايشه ف قصه حب ولا لا
لا الحمدلله :)

السوال 9 : انا شايف انك اليومين دول متغيره هل السبب قصه حب ولا السبب ايه
مش إنت ملاحظ إني متغيره
اهلي
صحباتي
اللي في المنتدى
كلهم بيقولوا نفس كلامك ^^

انا فتاه اقوى من اني اتغير عشان راجل >>> صفقه قويه ي فتيات :18:
بهزر :p
هوه مفيش حاجه تدوم ي محمود
يعني مرات بتكون فرحان و مرات بتحصل لك ظروف تقلب مزاجك

والحمدلله في جميع الحالات
اهي مرحله و تعدي بسلام إن شاء الله ^^

السوال 10 : تفتكري ان ممكن الحزن يصلح يرجع الماضي
ابدا دا اصلا بيزيد يدمر الإنسان وعمره ما صلح القدر :(

السوال 11 : انا شوفت في مدونتك حاجه حابب تفسريها

اقتباس:

ﻻ‌ تبحث عن سعادتك في اﻵ‌خرين
وإﻻ‌ ستجد نفسك وحيداً وحزين
بل ابحث عنها داخل نفسك وستشعر بالسعادة حتى لو بقيت وحيد


انتي ساعتها كنتي مصدومه من حد فكتبتيها ولا كتبتيها عشان عجبتك



الجمله دي قرأتها من زمان ي محمود تمام
و بدأت اطبقها الحمدلله في حياتي
وفعلا والله بجد تغيرت حياتي للأفضل بكتير

ولمن كتبتها في المدونه
كتبتها لأني حابه الناس اللي بتتابعني تستفيد منها
زي ما بتقول دي خلاصه التجربه ^^

السوال 12 : هو انتي حزينه ديما ولا ده مود وهيعدي وقوليلي رايك ف النكد الي انتي فيه والفرح الي ساعات بتبقي فيه وايه اسبابهم

لا الحمدلله مش حزينه دايما
والكل بيعرف إني مجنونه وبحب اضحك بس دا مود و يعدي بأذن الله ^^

و اسبابهم تغير المناخ :p
اكيد بيكون سببه تغير الظروف او الأحداث اللي انا عايشه فيها :)


السوال 13 : قوليلي رايك في الناس دي بالتفاصيل الدقيقه

stefo
دا اول كائن حي تعرفت عليه في المنتدى :18:
وبجد بحبه جدا و دمه خفيف و جدع
و دايما بقول له نفسي تكون اخويه حقيقي لأن معنديش اولاد اصغر مني ^^

∂αнмє

احمد ^^
لازم انا وياه كل يوم نرغي ولا بيكون فيه مصيبه ههههه
انا وياه برج الميزان
و من مواليد شهر 10 >>> شهر العظماء على قولته :p
وتقريبا تفكيره نفس تفكيري كدا
و فعلا له إحترام و معزه عندي وبحب استشيره لأني بحسه عاقل كدا

ملك جبال الاحزان
دا مخلوق فظيع والله هههه
نادرا بيدخل المنتدى و كمان تعرفت عليه قريب
بس فعلا شخص حبوب و دمه خفيف اووووووي
بيدخل مدونتي و يرخم عليه في التقييم و فجأه يختفي
مش عارفه العفاريت تهرب فيه ولا ايه :04:

esraa
اكتفي بـ بسلم جروحي :D

السوال 14 : شايف منك انك بتحبي مدونتك كده ليه كده
دا المكان اللي ممكن اتكلم فيه براحتي
مش شرط يكون فيه ناس كتير بتتابعني او تدوس لايك و تبتعت تقييم المويهم إني بحب المكان دا و برتاح فيه :)

السوال 15 : مجتش عليكي فتره زهقتي م المنتدي ولو حصل يا تري كانت امتي وليه

آها فتره كدا مش عارفه اتحديدا والله بس كان سببها إنه دخلت بروفايل 4 اعضاء تمام كل 2 كانوا بيكلموا بعض و في نفس اليوم و في نفس الوقت كانوا بيتكلموا و يتريقوا على السعوديين ..

المشكله هما اصحابي يعني ما استحوا مني !!

انا بقول لك انا وحده حقانيه جدا و مش بحب اكدب ولا اظلم و اعرف إن كل شعب له عيوب و مميزات بس عيب احترموا مشاعري يعني :)

فكلامهم حسسني إني غريبه هنا في المنتدى و فعلا عصبت مش عشان كلامهم بس عشان حسيت إني غريبه في مكان انا بحبه
وكلموني كذا مراقبين و مشرفين انه انسى اللي حصل و عدت الحكايه على خير :)



كنتي منوراني يا حنون والله

وتاني مره اسف ع الاسئله

واسف ليكم كمان علي التاخير والاهمال في البرنامج بس ظروف

وكل سنه وانتم طيبين



ana lola 07-26-2013 05:27 PM

حنان اجابتها حلوة

وواثقة من نفسها

بالتوفيق فى الحلقة الجاية بيبو

M.B 07-26-2013 05:28 PM

منوووره بئا يا لولو

sεηυσяιтα ησOση 07-26-2013 05:30 PM

حلقة جامدة

بالتوفيق

M.B 07-26-2013 05:33 PM

منوره يا دمعه :)

تجملت بالعفآف 07-26-2013 05:51 PM

حلقه جميله اووي

وحنان انسانه حبوبه ولطيفه

واجابتك جميله اوووي

منورين والله

mony ma7moud 07-26-2013 05:51 PM

حنان اجابتها جميلة وكمان متاكدة
من اجابتها ومنتظرين بقي الحلقة
اللي جاية

M.B 07-26-2013 05:56 PM

اقتباس:

المشاركة الأصلية كتبت بواسطة سوار الياسمين (Post 4100392)
حنان اجابتها جميلة وكمان متاكدة
من اجابتها ومنتظرين بقي الحلقة
اللي جاية

منوووره بئا

اقتباس:

المشاركة الأصلية كتبت بواسطة ورده الأحلام (Post 4100388)
حلقه جميله اووي

وحنان انسانه حبوبه ولطيفه

واجابتك جميله اوووي

منورين والله

شور محدش يقدر يقول ان حنان غير كده

منووووورع

нαиαи 07-26-2013 06:51 PM

ههههه لا طبعا ما زعلت ي حموده
ربنا يخليك اخي
و إستضافتك عسل زيك كدا ^^

M.B 07-26-2013 06:52 PM

منوره والله يا حنون وكويس انك مزعلتيش


الساعة الآن 12:34 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w