منتديات بنات مصر - ( الحلقة الرابعه ) من ( هنا بنات مصر ) ( الرجل المتواضع )

بسم الله الرحمن الرحيم

اهلا بيكم جميعا :D

وحلقة جديدة من برنامجكم

( هنا بنات مصر )

الموضوع هيكون عبارة عن ( 10 اسئلة ) الضيف هيجاوب

على ( 9 اسئلة فقط ) والسؤال الاخير الضيف هيختار عضو

من المنتدى يسئلة سؤال والضيف هيجاوب على السؤال دا

الاسئلة هتبقى بخصوص ( الحـلم / لــمن يجرىء فقط ... / رئيك اية )

طبعا تم تغير فقرات الحلقة ودا عادى محدش يقول حاجا:D

مش هطول عليكم ضيف حلقة النهاردة

الرجل المتواضع

http://forums.banatmisr.com/image.ph...ine=1370095095

تعالو نشوف قال اية

الفقرة الاولى
( الحــــــلم )

1 / اية الحلم الى طول عمرك كنت بتخلم تحققة ؟ وياترى حققتة والا لا ؟

بحلم بسترالله دنيا وآخرة
وبحلم بزوجة تقية مؤمنة ودود ولود
ولسه لم يتحقق حلمى بتلك الزوجة

2 / حلمك لمصر اية وبتتمنلها اية ؟

بحلم بمصرتكون أعظم دولة وبتمنى الشعب كله يكون ايد وحدة

3 / شايف ان حياتك الحالية هى دى الى كنت بتحلم بيها طول حياتك ؟

ديما المرء يتمنى يكون أحسن مماهو فيه الآن والحمدلله
على ماكتب وعلى ماقدر

الفقرة الثانية
( لمن يجرؤ فقط )

4 / عندك الجراءة انك تقول مين العضو الى انتا على خلاف معاة ؟ واية الاسباب ؟

الحمدلله ماعنديش أى خلاف مع أى عضوهناأبداغير مرة
حصل سوءتفاهم مع أخت هناغالية عليا جدا وهى الآن مشرفة
ماكان بينى وبينها غيرالمودة والمحبة
رديت مرة على موضوع يخصهاهى وفجأة لقيت الرد اتمسح
وبعتتهولى فى رسالة
وكاتبه تحتيه أنت أنسان سافل وحقير
رديت قلت سامحك الله بس ممكن تعرفينى أيه الغلط بتاعى
فى الرد مع إنى مدحها فيه
ردت تانى مرة قالت لوماسكتش هكلم الإدارة تديك أوك بلوك
والحمدلله أناأخذته من غيرها

5 / عندك الجراءة انك تقول قولت لكام بنت فى المنتدى ( بحبك ) واتغزلت فيها ؟

والله ماقلت ولامرة لوحدة بحبك ممكن قلت بعزك أوبحترمك
أو بقدرك
وحكاية الغزل دى بمعناه الجارد والمباشر برضومحصلش
ممكن يكون غيرمباشر وأسال أخويا حوده هوشاف بنفسه

6 / اية سبب اعلان انك مازلت تبحث عن زوجة ثانية ؟ شايف ان زوجتك مقصرة فى حاجا ؟

ومازال البحث جارى وان شاءالله يتم البحث والتوفيق
من عند الله
بل ذلك غاية مرادى ومصرعليه
أمازوجتى مش مقصرة فى حقى أبدا وكل المحبة والمودة
والاحترام بينها

الفقرة الثالثة
( رئيك اية )

http://www.te3p.com/wp-content/uploads/2012/06/0405.jpg

شايف انة فعلا مع الشرعية رغم تخلى
الجيش / الداخلية / الشعب ( عنة )

كل هؤلاء إن تخلوا عنه فالله لم يتخلى عن عباده الصالحين

http://mz-mz.net/wp-content/up/1355419661.jpg

شايف ان الطريقة الامثل للوصول لمنصة
( رابعه ) كان لبس ( النقاب ) وشايف انة
امتداد لمرشدين الاخوان السابقين

والله أناماعنديش فكرة إذاكان لبس ملاية ولانقاب الله أعلم
وأنابسألك هل حضرتك شوفته وهولابس النقاب
وبعدين حكاية أمتداد ماأظنش فيه أحدبيشبه أحدكل واحدله
طريفته ونظرته ورأياه

http://www.misrelgdida.com/thumbnail...article_medium

( ابو بركة )
شايف ان فعلا لما يتحط علم مصر امام علم الاخوان
يجب التفكير اولا قبل ما اقول انا ( مصرى ) او ( اخوانى )

علم مصرهوالأولى والأجدر أن يكون فى مقدمة كلل شيئ
والأخوان هم جزء من علم مصرمثلهم مثل باقى المصريين
كلنا مصريين
والكل سواسية فى الوطن لناحقوق وعلينا واجبات

السؤال الـ ( 10 )

10 / اختار عضو وجهلة سؤال عشان يجاوبك علية ؟

أسأل الأخ أمجد ليه مرشواتشال من الإشراف
وليه 99% من المشرفين لازم يكونوا بنات

( ساحر الاحزان )

طايب بخصوص الجزئية الأولى
انت طلبت انك تترك الاشراف من زمان يمكن من قبل ما نمسك
الأدارة
وكان طلبك بيقابل بالرفض لانك مشرف متميز زى ما قلتلك قبل
كدة بسى أنت
كنت مصر انك تسيب الأشراف
عموما يا احمد باب الأشراف مفتوح ليك أنت صاحب أفكار
جميلة ومتواجد بصفة
مستمرة فى المنتدى
وبخصوص حكاية الاشراف
التعيين بيتم حسب كفائة العضو فى المنتدى وبرضة حسب
سلوكة
برضة جوة المنتدى لان الاشراف ثقة وامانة من الادارة
واى حد سوء كان بنت ولا شاب مفيش مشكلة بخصوص تعيينة
ولو تلاحظ فى اخر التعينات كان فية تعيين شباب وبنات مش
بنات بس
نورت ياحج وشد حيك البدلة منتظراك
موفقين

كدا انتهت رابع حلقة من برنامج

( هنا بنات مصر )

انتظرونى وضيف جديد وحلقة جديدة

قريباااااااااااااا

ملحوظة / البرنامج تحت التنفيذ وممكن نشوفة بشكل تانى الحلقات القادمة