يخراباشى ايه المقدمه ديه تسلم حبيب قلبى البرنامج منور بيك والله
ههههه اتكسفت يعني:116:
ربنا يخليك والله
السوال 1 : اسمك سنك محل اقامتك
ميدو ؛20سنه/ساكن فى القاهرة
السوال 2 : بتدرس ولو بتدرس في سنه كام
انا فى كلية هندسه ورايح سنه 3
(ربنا معاك وتنجح يااااارب )
السوال 3 : لو مش بتدرس كنت في كليه ايه
لا بدرس
السوال 4 : يا تري كنت مشاغب ولا هادي ( معتقدش بصراحه الهدوء ههههههه)
واخد عنى فكرة غلط انت :08:
بس بالعكس والله انا مؤدب جدا فى قاعة المحاضرات
بس الصراحه بطرد كتير:20:
لالا غلط منين بس ده انت بتطرد واضح ان كل الي اسمهم محمود مجننين المدرسين والدكاتره
السوال 5 : احكيلنا كزا موقف ايام الدراسه كده ابهرني
والله ايام الدراسه ديه حكايات تتحط فى كتب لاى حد
بسبب المصايب اللى الواحد بيعملها
انا بقا يا عمنا مدمن بلايستيشن انا وصحابى ممكن نقعد من الصبح لبليل نلعب بلايستيشن
يوم كان ورانا امتحان كت فى ابتدائى 6 ابتدائى آو 5 مش فاكر بالظبط
عارف انت فى ابتدائى بنفضل وقفين قدام المدرسه مع الاهل بقا وكدة
وانا مكنتش اقدر اروح المدرسه من غير امى (كنت بحب اوى تيجى معايه فى الامتحانات )
كنت برتاح المهم انا وصحابى اللى كانوا معايا زهقنا من الوقفه قولنا نروح نلعب بلايستيشن شويه ونرجع قبل الامتحان ما يبداء
مكناش نعرف ان الامتحان فضلوا 10 دقايق بالظبط ويفتحوا الباب والامتحان يبداء
محدش فينا كان معاه ساعه روحنا وقعدنا بالظبط ساعه بنلعب بلايستشن
واحنا قاعدين بنلعب عملين نقول لبعض ايه
واحد يقولك يلاه بقا يا جماعه عايزين نراجع شويه قبل ما ندخل
والتانى يرد عليه اه يا جماعه عنده حق علشان ندخل اللجنه بدرى ونراجع شويه المهم اقتنعنا يعنى اننا نخلص علشان نلحق نروح نراجع
خرجنا من المحل وبنبص على شارع المدرسه مفيش بنى ادام
خدنا الشارع جرى واول ما روحت لاقيت امى فى وشى
بقولها الناس راحوافين بتقولى راحوا فين انت اللى كنت فين يا ..... ويا.....
اخت شتايم ساعتها زى القل اليوم ده واتزلينا لحد ما اللجنه رديت تدخلنا
( لا احنا كنا قبل الامتحان نلعب بلاستيشن واخرج القي بابا كل مره مستني بره وعينك متشوف الا النور :18:)
السوال 6 : قولي اكتر صفات فيك بتحبها واكتر صفات بتكرهها
صفات بحبها
بعرف العب كورة ههههه
مش عارف والله الصفات الحلوة الى فيا معرفش ولا صفه فيا حلوة
الصفات الى بكرهها
انا متردد جدا وبسب التردد ده حجات كتير بتروح منى
و بسامح كتير وأوقات كتير ده مش حلو لان اللى انا سامحتهم
مرة واتنين فى حياتى هما الناس اللى حسسونى بالندم
على قرارى انى اسامحهم اكتر من مرة
(متفقين في حاجات كتير ع فكره واضح اننا هنبقي صحاب :03:)
السوال 7 : المنتدي بالنسه ليك ايه والسويتش كمان ايه بالنسبه ليك
اى منتدى الواحد بيقضى فيه وقت مع كل مرة حبه بيزيد بالمكان
وان االحمد لله اول ما دخلت المنتدى هنا كنت عامل زى الفيرس
منتشر اتعرفت على ناس كتير جدا فى وقت قصير اوى
وده خلانى اتعلقت بالمنتدى بسرعه
اما السويتش ده اول هويه اتعلمتها (على النت) اكتر هوايه اتعلمت فيها
حجات كتير ولحد دلوقتى لسه بتعلم واكتر حااجه بحبها فيه
ان السويتش ممكن تعمل يه اى حااجه بالدنيا هواية مميزة جدا
ومفيش فيها كبير ابداا
السوال 8 : جت فتره حطيت في توقيعك انا اعتزلتك يا سويتش كان ليه
هنكدب بقا انا قولت انا اعتزلتك يا فلاش
بص انا مش هقول انا الوحيد
بس عايز اقول انا من الناس اللى اتظلمت جدا فى المنتدى
فى التقدير محدش كان مقدر خالص اى شغل انا كنت بعمله
مع انت لو تابعت اول مثلا 3 أو4 أشهر كنت فيهم هنا
قسم الفلاش ده محدش كان بينزل تصااميم فيه غيرى
وفى نفس الوقت تلاقى قسم تانى مثلا شغال حلو وتلاقى الناس بتتكرم وبقارن شغلهم بشغلى والله والله والله ما غرور ولا تكبر ولا اى حااجه بس شغلهم ميجيش جمب اللى انا بقدمه فى قسمى
وحتى دورة السويتش ماكس اكيد شوفتها
انا لحد دلوقتى منزل حوالى 12 او 13 درس فى الحدود ديه
منهم 7 دروس انا اهتميت بالدورة مكنش عندى اى صلاحيات وفضلت مستنى حد يعبرنى لوحده من الادارة لحد ما انا روحت وطلبتها بنفسى
قولت يا جماعه بحتاج اعدل على المواضيع ومش عايز ابقا مشرف
عايز صلاحية التعديل وبس
شايف لدرجه ايه محدش بيقدر خالص شغلى فى القسم
وده سبب انى مكنتش عايز اهتم خالص بالقسم لانى انا الوحيد اللى بهتم بيه ومحدش بيقدرنى
( هههههه يا عمونا وربنا ما خدت بالي انا كنت ركز كنت لسه جديد وحضرت الراديو قبل ما يتشال وكنت ناوي اشارك فيه بئا s1)
السوال 9 : اني فتره انتخابيه كانت احسن فتره دمعه ولا فتره اركو ولو الاتنين زيبعض وده متوقع تقوله قولي مميزات ده ومميزات ده
بص انا اخر فترة حضرتها كلها وشوفت شغلها كانت
ساحر الاحزان ودمعه حائرة
ديه من حوالى 3 او 4 انتخابات فاتوا
لان من ساعتها انا مبقتش ادخل المنتدى كتير فا مقدرش الصراحه احكم على الكل
السوال 10 : قولي رايك في الاعضاء دول
AnA BanoTa BasKota
فى ناس لما تتكلم معاهم ترتاح هى منهم
من اكتر الناس الطيبين اللى قابلتهم فى المنتدى فى الفترة الاخيرة
ومن الناس بردوا الى بيتخنقوا منى انى مش بدخل كتير ههههه
وكفايه أنها زيى ميدان التحرير انا وهى بيتنا التانى ههههه
big bốss
نور من الشباب القليلة اللى اتعرفت عليهم فى المنتدى
معرفتى البسيطه ليه شايفه انسان بسيط جدا
بيحب الناس ومحبوب وديه اهم حااجه
اه صحيح كنت هنسى بيحب البرامج اوى قربت احس ان مثله الاعلى تامر امين هههههه
طمطم
ميرنا من الناس اللى اتعرفت عليهم وقت الانتشار بتاعى اللى قولتلك عليه
من الجيل الاخير فى البنات بحس انها فاشله فى كل حاجه
واسكت بقا متخلنيش اللغبط ديه هتبقا دفعتى هههههه
وانا عمال اتكبر عليها ومش عايزها تدخل هندسه زيى
нαиαи
حنان ديه بنوته جميله جدا من اكتر الناس المحبوين اللى شفتهم فى المنتدى
ومن الناس اللى بحب جدا الضحك معاها
وهى على علاقه بـ عفاريتى اللى بيخلونى اغيب كتير عن المنتدى
وقريب هجوزها عفروت منهم (المنتدى كله معزوم
السوال 11 : فكرت مره تسيب المنتدي ولو اه
كنت هتسيبه ليه وايه رجعك في قرارك
مرات مش مرة وكل مرة كانت الرغبه بتكتر عندى
وبالذات لما يكون السبب معرفتك بالناس لان انت كل ما بتقرب من الناس
بيبقا فى حساسية اكتر وانا فى ناس فى المنتدى دخلوا حيااتى الشخصيه
فأى مشكلة بسيطه مع الناس ديه بتبقا مشكله كبيرة
سبب رجوعى
الناس االلى لما اغيب الاقى رسايلهم فيها قلق كدة من الغيبه
وممكن يبعتوا اكتر من رسالة
الناس ديه هى اللى بتخلينى ارجع فى اخر لحظه
السوال 12 : قولي رايك في البرنامج ده
كفايه انى الضيف اكيد جميل
لا طبعا جميل وحلاوته انك منوع وديه حااجه مميزة
وكفايه انك المقدم لازم يكون برنامج حلو كيد
يلاه يا عم ظقطط
( لن اسمح لك النور للاعضاء فقط :18:)
السواال 13 : شايف انك هادي وملاك كده وف حالك ليه كده هههههههه
قولهم علشان ظلمنى ههههه
بص انا رأى ان النت عمومآ مهما نقدم أو تطرف لحجات كتير
هيفضل وسيلة ترفيه فبحاول انى ابقا ملاك
زى ما انت شايف كدة
السوال 14 : رايك فيا بصراحه
بنى ادام وحش جدا وحسيت انك رخم اوى :24::24:
حبيب قلبى لا بجد انسان طيب مفيش تعامل كتير بينا
بس الوقت اللى بدخله هنا بشوف تعامل الناس وانت من الناس اللى بتتعامل بأحترم جدا مع الناس
( انا رخم طب ماسي ماسي :17:
ربنا يخليك والله انا ارتحتلك لله ف لله كده والله :04:)
السوال 15 : رساله وصلها لناس متكتبش اسمها ميفهمش الرساله غيرك انت والي موجهله الرساله
حاولت كتير انى اجاوب على سؤالك بس معرفتش والله
ماليش فى الغموض ولو اتكلمت هفضح نفسى
فاخلينى ساكت يا عم انت :116:
( :18::18: هو سوال صعب للدرجه دي وغموض ايه يا عم ده سوال سهل لقح بالكلام :18::18:)
مع تحياتي
منورني والله
وياريت تكون الاسئله خفيفه عليك
حبيب قلبى ربنا يخليك
يارب اكون انا اللى خفيف عليكم
وتكون حلقة حلوةة
كل سنه وأ نت المنتدى بخير
طبعا كان معانا ضيف بصراحه انا حلقته دي من احسن الحلقات الي ضحكت فيها واكتشفت شبه كبير بين الي اسمهم محمود كلهم تحف :18::18::18:
منور والله يا حودا
وبكده انتهت الحلقه وانتظروا الحلقات القادمه
تحياتي
