|
زكريات في المنتدي السلام عليكم ورحمة الله وبركاته زكريات في المنتدي وانا فاضي النهارده قولت اجي وادور في رسايل الزوار الصراحه اتفجئت من الناس الا انا كونت معاهم واصحاب ودلوقتي مش لقينهم وانا فضلت اقلب في الرسايل كلها اشوف الناس من فيهم من فضل في المنتدي بس معتش بيتكلم وفيهم من راحل عن المنتدي وانشاء الله يرجع لينا تاني بس الغريب اني لقيت ناس كونت بكلهم وصحاب ودلوقتي خلاص معتش حتي كل سنه وانتا طيب وطبعا كان ليا معاهم زكريات جميله بس هما راحلو عننا وانشاء الله يرجعو وزي ما قال امجد في موضوعه ان كل واحد في المنتدي يعرف حد كان في المنتدي يرجعه تاني وانا بعمل كده وبحاول ويا ريت كل يعمل كده وكله برضو يجي ويلقب في الرسايل بتاعته هيلقي نفسه بيقول دوووول كان اصحابي وقضو معايا وقت وصدقني هيوحشوك جدا وانتا االا هتروح بنفسك ليهم علشان ترجعهم من خلال الياهو فيس لانهم بجد كانو احلي سراه معانا في المنتدي وهما اكيد برضو عاوزين يرجعو بس محتجين زقه كده مننا علشان يجو تاني ويا ريت كل الاعضاء ترجع من جديد للمنتدي دومتو بخير |
ياريت الكل يرجع والمنتدي يبقي في تفاعل اكتر من كده وانا بالنسبالي لسه عضوه جديده من 3 شهور ولا حاجه فا لسه مش اعرف حد هي عضوه واحده بس اعرفها في الحقيقه وبشوفها كل فين وفين وهي اصلا اللي عرفتني علي المنتدي وبقالها كتير بتغيب عن المنتدي وترجع تاني بعد ماكانت نشيطه خالص ومميزه في النشاط العام ومشتركه من 2011 و وكانت بتدخل كل يوم وهي العضوه (ساره المصريه) تبقي بنت عمتي ياريت ترجع تاني تنور المنتدي بمواضيها المميزه |
موضوع جامد والهى ياريت كل الى سابو المنتدى يرجعوتانى لان فى ناس كتير جدا بسمع عنهم بس بس مبشفلهمش اى نشاطات ولا حتى بيدخلو المنتدى على العموم انشاء الله كل عضو يعرف حد من الى غيبين يحاول يرجعو تانى |
موضوع حلو طبعا كل الى بيغيبوا عن المنتدى بيبقى ظروف خاصة او محتاجين زقه زى ما قولت يا احمد ^^ ياريت يعنى يرجعو تانى اكيد هينوروا المنتدى ودى :40: |
فعلا المنتدى بقا وحش من غير ناس كتير وذكرياتنا كلها موجوده ف كل ركن من المنتدى كل خص ليه اسبابه وان شاء الله ترجع اللمه تانى نايس توبيكـ :) |
فعلا موضوع اختفاء أعضاء بتحصل كتير و كان ليا اصحاب في المنتدى هنا بس للأسف بقالهم فترة كتيرة مش بيدخلو ومش عارفة اوصلهم يا رب يرجعو للمنتدى ونشوفهم تاني وشكرا ليك على الموضوع اللي فكرنا باصحابنا تاني |
روح جميلة منك وان شاء الله نشوف كل الغائبين معانا فى المنتدى |
طبعا كل الدود بتاعتكم بتحوي ان فيه ناس وحشتكم ووحشتني ولزم نشوف اي طريقه علشان نرجع بيها الاعضاء دوووول لانهم اكيد نفسهم يرجعو |
مبادرة جميله اوووى منك وان شاء الله كل الغائبين عن المنتدى يرجعوا ينوروا من تانى |
ـموضوع كويس والله ومبادرة جميلة منك احمد فعلا يا ريت كل اصحابنا الي كانوا هنا زمان يرجعوا تاني |
| الساعة الآن 05:58 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب