|
الحلقة الثالثة من ( لمن يجرؤ فقط ) مع ( واد حبيب ) بسم الله الرحمن الرحيم اهلا بيكم جميعا والحلقة الثانية من برنامجكم ( لمن يجرؤ فقط ) نظام الحلقة : هيكون عندنا ( 8 نقاط ) اساسيه الضيف هيختار منهم ( 5 نقاط ) نكلم عنهم وهيكون من حقى اختار فى النهاية ( نقطة ) اكلم مع الضيف فيها . ضيف حلقة النهاردة واد حبيب http://forums.banatmisr.com/data:ima...AAAElFTkSuQmCC فى البداية تعالو نشوف الـ ( 8 ) نقاط الـ اختار منهم ضيفى حياتى / اعترافات اعضاء المنتدى / سياسة المنتدى وجع دماغ / سؤال من مجهول كلام فى السياسة / صورة وتعليق تعالو نشوف مع بعض ( واد حبيب ) اختار اية عشان نكلم فية :D الاختيار الاول ( اعضاء المنتدى ) فى البداية بس حابب اعرف انتا لية ابتديت بـ ( اعضاء المنتدى ) مش انت اللي قايل اختار 5 من ال8 الموجدين وانا اخترت وكان اعضاء المنتدي اول واحد عادي يعني والفقرة دى لية فيها سؤالين : اولا : فى اعضاء واخدين بالهم من حاجا انتا كتير بتعملها وهى ( الدويتو ) لية دائما بنشوفك اول لما تلاقى عضوة جديدة تجرى تعمل معاها ( دويتو ) ومش مرة لا دى حصلت كتير ودلوقتى او الفترة الحالية بتعملها مع ( سوار الياسمين ) ؟ ثانيا : توبيك اعتزار لـ ( همسة الجوارح ) فى سجل الاعضاء وقولت ان عمرك ما اعتزرت حتى لو انتا غلطان لية نزلت اعتزار طالما عمرك ما بتعتزر لحد ؟ حلو السؤال الاول ده شكلك مذاكر كويس يا احمد طيب ليه قولت سوار الياسمين بذات ؟؟؟ انا عملت مع شاعره الرومانسيه ومع همس الجوارح ومع ريهان ومع نور الحياه ومع سوار الياسمين وكلهم عملت معاهم اكتر من دويتو بس انا ارد عليك علي السؤال ليه الفتره الحاليه مع سوار الياسمين لو انت كنت متابع كويس هتلاقي في الفتره الاخيره نزلت اتنين مع سوار الياسمين دويتو عادي والتاني عن مصر لو لحظه اكتر ان في اعضاء كتير بيحبو يتابعو اي حد ينزل دويتو وبيكون عليه زوار واعضاء كتير وانا منزل الدويتو في قسم الشعر والخواطر منه ينشط القسم ومنه يكون عليه زوار اكتر ويتابعو القسم اكتر بس برده معتقدش ان سوار الياسمين عضوه جديده دي بقالها فتره موجوده في المنتدي وانت نفسك اختارتها لتكون متابعه معاك في المسابقه اللي كانت في قسم صفحات مكشوفه............ وعلي فكره في دويتو هيتعمل قريب برده المفروض كان نزل تاني ايام العيد مع افلام السيما بس اتاجل شويه علي ما نعمل التسويق بتاعوههههههههههههه ثانيا : لما تلاقي بنت يا مروشو وقفت معاك في اكتر من موقف وساعدتك في حاجات كتير وكانت اول واحده بتزعل لما اكون زعلان ولما اكون فرحان بتفرح زيك وجه يوم انت زعلتها فيه زعل جامد لزم تعتزر لها حتي لو عمرك ما نزلت موضوع اعتزار لحد همسه من من افضل الناس اللي عرفتهم هنا وعمرها ما زعلتنا ابدااا ولا عمرها زعلت مني بس انا لما حسيت اني انا زوتها اوي وزعلتها جامد كان لزم يحصل كده فعلا همسه نعم الاخت والصديقه الوافيه لي هنا الفقرة الثانية اخترت ( سياسة المنتدى ) محمد رمضان من مادح الادارة لكارة الادارة بعد اعلان تمييز افضل اعضاء المنتدى لعام ( 2012 ) وتم تكريم عدد كبير من المشرفين ولم يتم اعلان تكريمك معهم رغم انك قولت انك مش زعلان من الـ حصل بس كان واضح زعلك ؟ اية الحكاية ؟ ثانيا : شايف ان ادارة المنتدى ماشيه بسياسة صح وسليمه واية رئيك فى الـ عملة طارق وتعين ( ساحر ومنه ) وفعلا يستحقو وجودهم فى الادارة وحاسس انهم اختلفو من مراقبين لـ اداريين ؟ اولا : يا ابني احنا في اخر 2013 ايه بس اللي فكرك 2012 انا فعلا زعلت شويه لما شوفت التكريم ولما بعت لدمعه حائره قالت ده كله من علي لوحه التحاكم بتاع المنتدي وده كان عادي انا كان زعلي علي موضوع تاني خالص ايامها كان موضوع المرحوم محمد ده الموضوع اللي فعلا زعلني جامد ايامها فا الكل رابط الموضيع كلها مع بعض وقالو اني زعلان علشان التكريم بس عوز اوضحلك حاجه بس انا في 2012 نزلت مصر من اول 5 ورجعت ****************** اول 10 يعني 5 شهور كنت فيهم في مصر مفتحتش فيهم المنتدي ازاي اتكرم مع المتكرمين في 2012 ثانيا : مفيش افضل من دمعه وساحر في الفتره الحاليه علشان يكونو في طاقم الاداره فيهم كل الصفات اللي تخليهم يستحقو المنصب ده اولا الاتنين مفيش حد يختلف علي نشاطهم في المنتدي ولا علي احترامهم للاعضاء وحب الاعضاء لهم الطبيعي ان لزم يكون في اختلاف بين المراقب والاداره المراقب له صالحيات والاداري له صالحيات اكتر من المراقب فلزم يكون في اختلاف بينهم المراقب لو غلط ممكن حد يعديها امال الاداري لو غلط غلط بسيطه الكل هيتكلم عليها اما اختلاف في التعامل مع الاعضاء انا شايف ان مفيش اي اختلاف خالص في التعامل الفقرة الثالثة اخترت ( وجع دماغ ) فى يناير الماضى اعلنت وتم الاتفاق بينك وبين ( Queeη sōmą ♥ ~ ) انك هتكون نائب ادارى ليها ودا بعد اعلانك دخول الانتخابات كا أدارى وتم استبعادك من لجنة متابعه المرشحين ودا لعدم نشاطك كما اعلن فى قوانين قبول المرشحين وكالعادة زعلت . منزلتش لية كنائب ادارى وتخليت عن ( كوين سوما ) فى وقت كانت خلاص اعتمدت عليك فية . ثانيا : واد حبيب وعضوين اخرين مقربين ليك تم اتهامكم اكتر من مرة انكم بتستغلو المنتدى عشان تاخدو الاعضاء لمنتدى تانى وفعلا المنتدى التانى كل الى فية تقريبا 90% من اعضاء منتدى بنات مصر تنكر الكلام دا انك كنت بتعملة فى فترة من الفترات . اولا : اعتقد كده علي ما اتذكر ان ايام الانتخابات دي انا بعتلك رساله علي الزوار وقولتلك يا احمد ياله نرشح نفسنا علشان نخلي المنافسه جامده ونضحك شويه ولما رسحت نفسي وكوين سوما بعتتلي وقالتلي بلاش تترشح قبالي قولتلها خلاص انا اكون النائب بتاعك في الانتخابات وكتبت كده فعلا في موضوع الانتخابات ان انا النائب بتاع كوين سوما وهيه عملت لانك عليه بس طارق كان كاتب اسمي في المرشحين وسابو مشالوش من الاسماء المرشحه معرفش بقا ان كان هوه سابو بمزاجو او نسا يشيلو وعلي اساس ان انا النائب معملتش مشاركات في المنتدي كانت كلها في صفحات مكشوفه وقسم الشعر والخواطر بس لما طارق نزل موضوع القبول في الانتخابات وقال واد حبيب طلع علشان معملش نشاط فعلا ايامها زعلت عالف ليه بقا كانت في الانتخابات اللي قبلها كان في عضوين مرشحين نفسهم وكل عضو عمل 50 مشاركه قبل الترشيح وبرده قابلو في الاستفتاء انت نفسك بعتلهم اسئله ومردوش عليها وبعت للاعضاء التانيه ثانيا : بجد والله حد اتهمنا بكده انت نفسك مسجل هناك ولا لا؟ ( انا سجلت بس من يوم ما سجلت مدخلتش تانى والا عملت مشاركة واحدة وبعدين هعرف المنتدى منين اكيد منكم ) شوف يا عم احمد هاتلي رساله واحده سؤاء خاصه او زوار حد فينا بعتها لعضو علشان يسجل في المنتدي التاني ده ؟؟؟؟ انا مش انكر ان المنتدي 90 % من منتدي بنات مصر تحب برده اقولك علي 3 منتديات تانيه كل الاعضاء اللي فيهم من منتدي بنات مصر لو انا او اللي انت بتقول عليكم بعتنا للاعضاء علشان يجو المنتدي التاني اكيد كان حد فينا اتحظر او اتوقفت الرسايل بتاعتو زي ما انت اتحظرت لما كنت مدير منتدي تاني وكنت بتبعت للاعضاء امال مفيش حد فينا اتحظر ولا اتوقفت الرسايل بتاعتو علشان مفيش حد فينا بعت لعضو هنا واحب اقولك حاجه برده اه نعم المنتدي التاني ده بتاع اقرب الاعضاء ليه مش في المنتدي بس لا كمان في ****************** بس انا مدخلتش المنتدي بقالي اكتر من 3 شهور وموجود هنا بس الفقرة الرابعه اخترت ( سؤال من مجهول ) السؤال : فى البداية احب اشكرك يا احمد على اختيارى عشان اسئل الضيف وانا حابه اسئلة سؤال واحد فقط واتمنى الامانه فى الاجابة وسؤالى مش طويل والا حاجا سؤالى . ياترى قولت لكام بنت فى المنتدى ( بحبك ) ووهمت كام بنت فى المنتدى بالكلمه دى ؟ حلو السؤال ده يا احمد اوي طيب بتعرف تعد لكام 1 2 3 4 5 6 اه والله انا قولت ل6 اعضاء كلمه بحبك منهم 5 اعضاء قولتلهم بحبك من لحبيب لحببتو لا قولتلهم بحبك من اخ لاختو وكل يوم بكلمهم علي التلفون وبطمن عليهم علشان مش بيدخلو المنتدي الفتره ده مش معني اني بقول لبنت بحبك تكون حببتي لا يا احمد لما تقول لبنت بحبك كا اخت وتخاف عليها ولما تغلط تحاسبها علي الغلط افضل من مليون بنت تقولها بحبك وتضحك عليها كده احنا قونا 5 باقي واحده من ال6 صح دي فعلا اللي قولتلها بحبك بجد وال5 اللي فوق كانو عارفنها وعارفين اني بحبها الكلام ده اول ما دخلت المنتدي وكل المنتدي كان عارف اني بحب البنت دي لكن وده الاهم من ده كله اني في الوقت الحالي مفيش بنت علي النت كله وعلي الحياه بحبها غير بنت واحده بس هيه خطبتي وزوجه المستقبل ان شاء الله انا بحب خطبتي وبسسسسسسسسسسسسس مع احترامي لجميع البنات مفيش بنت تملا عيني غيرها ولو اي بنت في المنتدي انا قولتلها بحبك وضحكت عليها اتحاسب قدام الكل هنا واي بنت قولتلها كده تدخل تقول هنا ان انا ضحكت عليها الفقرة الخامسة اخترت ( اعترافات ) اولا / مش شايف ان غريبة تعلن قدامنا انك قولت لـ ( 5 ) بنات بحبك بس على اساس انهم اخواتك يعنى مفيش واحدة منهم قولتها وانتا حاسس معاها بحاجا ؟ ثانيا / اية الاعتراف الى حابب تقولة للاعضاء المنتدى بس يكون اعتراف اول مرة تعلن عنه فى المنتدى ؟ اولا : مش غريبه والله حاجه والله اكتر من 5 كمان في حاجه اسمها حب حبيب وحب اخويا حب الحبيب ده صعب ان القلب يحب اكتر من بنت ويفكر في اكتر من بنت وانا الحمد لله بحب خطبتي ودايما بفكر فيها ومش مخليني احتاج لاي حد ليه بقا اروح اضحك علي بنت واقولها بحبك لو فكرت صح هتستفاد ايه لما تقول لبنت بحبك وفي الاخر تضحك عليها افرض دعت عليه وقالتلك ربنا ينتقم منك وابواب السماء كانت مفتوحه ساعتها ساعتها هتشوف الويل طول عمرك ههههههههههه اما اللي بحبهم زي اخواتي فيهم اصغر مني وفيهم اكبر مني وفيهم من سني كمان وقبل ما نتكلم كل واحد فينا بيكون عارف اننا اخوات مش اكتر بنتكلم مع بعض ونضحك مع بعض ولما مش بيدخلو بطمن عليهم علي الفون وعلي فكره يا مروشو اللي بيقول لاكتر من بنت بحبك ده بيكون انسان مريض في كل حاجه ومش طبيعي وبيتعرف بسرعه هوه اسم واد حبيب ده اللي موديني في دهيه هههههههه ثانيا : والله يا احمد مفيش اي اعتراف ولا حاجه بس ممكن اقولها علي حاجه اول مره اقولها ان انا اجوز في شهر 6 اللي جي وكلهم جيين طبعا ههههههههههههههههه وبكدا الضيف خلص اختياراته ودلوقتى من حقى اختار ( نقطه ) اكلم فيها مع الضيف الاختيار ( حياتى ) شايف انك راضى عن حياتك حتى الان بكل الظروف الى مريت بيها وبكل تصرفاتك الى عملتها ؟ ولو فى تصرفات حسيت بندم بعديها قولنا اية هى التصرفات دى ؟ الحمد لله راضي عن حياتي الي حد ما انا الحمد لله حياتي الخاصه غير هنا في المنتدي خالص يمكن هنا بضحك وباخد اغلب الامور ضحك لكن في حياتي الخاصه واخد اغلب الامور جد وبذات بعد 2011 بعد وفاء والدي الله يرحمه وكان لزم اعمل حساب كل حاجه وكل تصرف كنت بعملو او كلمه كنت بقولها كنت بتحاسب عليها مع الناس لاني اتحملت مسؤليه بيت كامل واسره كامله واخت كانت لسه مخطوبه وعوزه حاجات للفرح وبيت عوز تشطيب كامل كان لزم اعمل حساب كل تصرف بعملو علشان مطلعش صغير وسط الناس وحد يقول مش عارف يشيل مسئوليه بيت الحمد لله كل حاجه عملتها وكل تمام التصرف الوحيد اللي انا ندمت عليه فعلا اني انا منزلتش مصر ايام مرض والدي بس هما كانو مخبين عليه انه مريض جامد ثانيا : شايف ان صح تدخل حياتك الخاصة فى المنتدى وتربط بينهم ودا عملتة فى حكاية اعلان خبر وفأة خطيبتك ؟ شايف ان تصرفك صح ؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بكدا بتخلص ثالث حلقات البرنامج . انتظرونا الحلقات القادمة تحياتى . |
حلقة حلوة فضفض فيها حبيب بكل صراحة وهو فعلا انسان حبوب واى شخص يعرفة هيحبة على طول لأن تصرفاتة رجولية بكل معنى الكلمة ربنا يوفقة فى حياتة القادمة بالتوفيق مورشو وبانتظار الحلقة الجاية . |
حوار جريء فعلا يامورشو وضيف يملك الجراءة والشجاعة موفقين دايما يارب ان شاء الله |
حلو الحوار جدا تسلموا بقا فى انتظار الجديد بالتوفيق :) |
حوار جميل استمتعت بيه ومحمد اتكلم بصراحة حلقة جامده مورشو وفى انتظار ضيفك الجديد |
ـحلقة جميلة جداً يا احمد وجرئية جدا منور امحمد هي طبعاً حلقة جامدة وصريحة وجرئية بس ليا تعليق ع نقطة اقتباس:
محمد من الاشخاص الي احترمتهم جداً لما اتعرفت علية اكتر وبعدين يا حبيبتي كل وآحد بيحب يفهم زي ما هو عايز يعني لو انا بكلموا ع انا اخوات وعارفة كدة كان لما يقولك بحبك بتكوني انتي عارفة ان ه بيحبك ع انك اختة اما لما تكوني حاطة في دماغك ان هو بيحبك حب تاني يبقي ساعتها لما يقولك بحبك هتفتكرية ان هو بقي بيحبك الحب التاني كل وآحد بيوهم مفسوا وبعدين ...مش عارفة اقولك اية وانا الصراحة من يوم ما انا بكلمة حتي الآن مشفتش منة اي سوء انما كل وآحد بيفكر في الي هو عايزة ومع احترامي طبعاً لرأيك وسؤالك ومنور بئة يا محمد ومنتظرة بقيت الجرئين يا احمد |
يسلام سلم مرشو هو مرشو مافيش فايدة فيك ولانافع فيك جواز ولاطلاق يمكن ينفع لماربنايرزقك بحتة عيل يلهيك عننا شوية قول آمين عليك حاجات يااحمد ياصحبى وأسئلة مليانة خلابيص روح ياشيخ ربنا هديك وخليكو شاهدين محمد قال انابحب 6 ويقولو رفعت بيحب بنات المنتدى يامافى السجن مظاليم بس انا هعترف انى بحب البنات مش بس هنا فى كل مكان فى الشوارع فى المصانع فى البخت الضايع فى كل مكان مطفى ولاوالع حبيبى محمد يااخى قلتلك ابعتلى كام دينار ابشرأ بيهم نفسى وأخوك بيحب جديد علشان أعزم الموزة على كوز درة جميل انت يامحمد وإجاباتك زى العسل وراجل صريخ وألبك أبيض أناعارف دى والله كويس بس صراحة حكاية الدويتات دى خلتنى أغير منك ممكن تسلفنى عضواية نتوتوت دوتاية انا وهى بالمرة ننشط القسم ونخليه ولعة عارف اخوك رفعت بجد سعدت وانا معاكم هنا تقبلوتحياتى وودى |
حلقه جميله ولو ان لتذكر اسمي فيها وده انا ماحبهوش والاعتذار ده خلاص عدى لانه سؤ تفاهم بسيط وعدى محمد زى اخويا برضو بس للاسف ماقاليش بحبك حب اخوى ولا حب حبيب لحبيب هههههههههههه الحمد لله طلعت بره ال5 والله انت مجنون ودماغك ضاربه وهتفضل طووووووووول عمرك كده مجنون مشكور ياعم مارشو ولوانى انا شايفه حاجه غريبه بس هبقى اقولهالك بعدين يلا تتمسو بالخير |
حلقة جريئة فعلا دام تميزكم |
اقتباس:
يا ابني اللي يعرفك لزم يكون رجوله معاك لانك انت راجل بجد تسلم يا غالي |
| الساعة الآن 12:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب