ضد ولاد المنتدى البنات احسن من الولاد بكووتير اوى وده بسبب حاجات كتير هانشوف ليه دلوقتى بس رجاء لكل الولاد الى عندو الضخت او السكر مايدخلش موش ناقصين مصايب عشر اسباب ليه البنت احسن من الولد (1) لو البنت فى وسط المحاضرة وعطشت وحبت تشترى كانز تقول للدكتور من قضلك يا دكتور عايزه اخرج يسالها ليه تقوله عندى ظروف ومن غير ما يعرف ايه الظروف تلاقى الباب اتفتح اماالولد لو جاله تليفون ان ابوه مات واخواته اتحرقوا وامه فى الانعاش يقوله هى دى جامعة ابوك روح اترزع مكانك ومش مهم تحضر الدفنه كفايه تحضر العزاء (2)لو البنت زعلت مع باباها مش حيطردها شخطتين وقلم خفيف عشان البنت عضمها طرى اماالولد هاتك شلاليت وضرب ويطرده من البيت وعينك متشوف الا النور ويدوبك يلحق مكان ينام حنب البواب (3)لو فى اتوبيس وبنت دخلت وملقتش مكان كل واحد يعمل فيها صلاح الدين الايوبى وابو العريف والشهامه ويقوم واتفضلى يا انسه اماالولد اول ما يدخل التكشيره تترسم على الوشوش وكل واحد يطلع راسه من الشباك يتفرج على المحلات (4)لو البنت سقطت اخر السنة تروح تعيط لمامتها شويه ومامتها تقولها معلش خيرها فى غيرها البنت مسيرها لبيت جوزها اماالولد يا خرابى يا تعبى يا خسارة تربيتى فيك يا ابن ال روح شوف ابن عمك بيطلع من الاوائل كل سنه (وهوه كل سنه بيعدها وبيسقط) انت من بكره تنزل تشتغل مع الاسطى بليه الميكانيكى تعمل بلوقمتك (5)لو بنت فشلت فى التعليم تقعد تستنى العريس وهيا بتغنى البحر بىضحك ليه وانا نازله ادلع واغسل الحلل اماالولد ينزل يشتغل صبى ميكانيكى او ينزل يبيع مناديل فى الاشارات (6) لو حرامى دخل الشقة الاب والام يدخلوا على البنات ويطبطبوا عليهم ومتخافوش اما الولد الاب يمسكه يضربه ويقوله مانا لو كان عندى راجل مكنش حد دخل البيت لكن الكل عارف ان انا عندى نيفين يا ابن ال... (7) فى الشتا لو جيه ضيوف للبنات ازيك يا اونكل وهاتك يا بوس واحضان فى بناته اما الولد انزل هات كذا وكذا ..ويا سلام لو البنات حيباتو مع بعض يتلموا كلهم مع بعض فى اوضة اما الولاد يسحبوا مخدة وبطانيه ويطلعوا يناموا جمب لاكى الكلب فوق السطح (8) لو حصل خناقة فى المنطقة البنات تقعد تتفرج من الشبابيك اما الولاد الى يشد سكينه والى يشد جنزير والى نبوت ويرجعوا الى السكينة فى بطنه والر النبوت فى ودنه والى الجنزير على قفاه (9) لو الحرب قامت البنت تقعد تتفرج على الاحداث على قناة الجزيرة وتازاز لب وسودانى وتقلب شويه على قناة ميلودى وروتانا اما الولد يرجه ومعاه الالى وودنه مقطوعه وفاقد الذاكرة وشايل رجله على كتافه ويشوف باباه يقول امال فين اخواتى يا ماما (10) الولد لو رايح مشوار مع اخته يصحى بدرى ويحط جل ويكوى هدومه وبعدين ينام من كتر الانتظار ولما اخته تطلع تبقا برنسيسه بالميكب والرفيو وهوه طبعا الهدوم اتكرمشت والجل نشف وبقى زى الفرخة والناس يشوفوه يتريقوا عليه ويقولوا الحظ لما ياتى يخلى الشيك قراداتى اه يا جماعة نسيت الدلع البنات سنتين : ياختى كميله 5سنين :يا عسوله 12 سنه:يا عروسه 18سنه :يا هانم 30 سنة: ياست الستات 60:يا حاجة الولاد اربع سنين : انت ياد 18 سنة :انت يا شحط ايه ده انت بقيت طول الباب اهوه 40:يا راجل 50:يا عم الحاج 60:يا راجل يا عجوز مناخيرك اد الكوز متنسوش الردود مردتش اكتر فى الكلام زياده مراعاة لمشاعر الولاد اه انا مابحبش اجرح حد ابتا ابتا اصلى حونينه كانت معكم انا :04: من منتدى بناااااااااات مصر :09::09::09::09: |
غفر الحله ع الباجور عشي عيالك |
ايون بقة والله العظيم انتى عسل .. وكديهم كدة فعلا البنات فى اى مكان ليها مركزها والشباب فى اى مكان المركز بيبقة على الارض و البنات البنات محدش يقدر عليهم ..استمرى بقة :) |
اقتباس:
ههههههههههههههههههههههه يلا ياقميله من هنا امشى بسرعه قال غفر قال امال بتموتو وتكلمونا ليه ياموكووووووووسين :71: |
اقتباس:
والله انتى الى قمرررررر وبتقولى حكم ياحبيبتى احنا عارفين مركزنا ومكانتنا من ايام ادم وحوا انما هما متمرمطين من ايام ادم وحوا بردو ولا حول ولا قوة الا بالله ههههههههههههههههههههههههههههههههههههههه منوره ياسكر |
هو مفيش غير ساره ال مش غفر :p كلكم غفر نياهاهاهاها |
اقتباس:
يانهار اسود وبتنهق كمان اخسسس عليك ياااااااااااااوله اهبل وكبشه واقرع وبتنهق كمان لالالالا كده كتييييييييييييييييييييييير :24: |
ههههههههههههههه ربنا ما يحكمك على ولايا يا خوخه بس الكلام جامد تسلم ايدك اصحبتى ^^ |
اقتباس:
هههههههههههههههههه ليه بس ده انا غلباااانه منوره احبيبتى:05: |
لا يا شيخه ! انتوا كلكم بتدلعوا في الشارع بكلمة واحده : يا أبلة:04: |
الساعة الآن 03:44 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب