|
بنت شمال !! السلام عليكم ورحمة الله وبركاته طبعا كلنا عارفين أن دلوقتى كل شويه تلاقى ولد يقولك البت دى بت شمال -_- عارفين ليه الولاد طلعو لقب بنت شمال :11: -عشان حضرتك دلوقتي اي بنت مش عجبك شكلها او لبسها تقول عليها غفر :45: -عشان حضرتك خليت نص بنات مصر تخسر ثقتها بنفسها بسبب تريقتك و إنتقادك التافه ليها :45: -عشان دلوقتي حضرتك نازل إهانة وتجريح ف بنت بلدك وبتقارنها ببنات اوروبا غريبة ! :102: مع انها لما جت تقلد بنات اوروبا عشان تبطل تريقة إتقال عليها شمال! :20: موضوع يستحق النقاش !! |
اختلف معاكى يا جميلة ده مش تبرير للانحضار التام ال وصلتله البنت :| ع كدة عادى لما ابرر للسارف جريمته فالسرقة بأن المجتمع هو ال خلاه بالمنظر ده و مش لاقى ياكل لقلة العدل و اكتساد المال عند طبقات معينة كدة خسر مبدأه :\ اومال ربنا بيختبرنا ليه بقى ؟! علشان نقول دى كانت محنة و نخسر مبادئنا ؟؟ البنات عمتًا عمرهم مكانوا غفر :) لأن اى حاجة ربنا خالقها بتبقى جميلة :) و يبقى غير محبب لو اتريقنا على شىء نعمة من ربنا علشان كدة لما نقول ( مبحبش الكوسة يا ماما ) يقولوا حرام كدة مش تقولوا على نعمة ربنا مش بنحب قولوا الحمدلله كل شىء جمييل بس البنات عمتًا بيحبوا يبانوا مختلفين و مفيش زيهم ^^ فالموضوع بدأ منهم و لأن نظرتك لنفسك هى نفسها نظرة الناس ليكى ابتدى الموضوع هكذا و انتهى بأن البنت خسرت حيائها باسم الحرية و التفرقة العنصرية و مع أن القضايا دى ليها اسس و مبادىء بس تم التحوير فيها و انتهى الحوار ان سبنا فرصة لقوم اخرين يطلعوا علينا مثل هذة الكلمات :\ حتى البنت ال فحالها مش سايبنها " البنت الخام " دايمًا اى مشكلة بيبقى الطرفين مشتركين فالسبب و هنا لو الولاد مشاركين ب نسبة 50% فالبنات مشاركة بنسبة 200% ! و ربنا يصلح الاحوال بقى :| و يشيل من على رقابنا هذا الضياع و نروح للاحسن :| |
بصراحه ليست التريقه او المعاكسه التى تغير اسلوب البنت او تغير من نمط حياتها انما هيا تغير من نفسها بسبب اصحابها التى تعاملهم او بسبب ما تراه او شئ اعجابها لان الفتاه عكس الولد عندما تريد ان تفعل شئ تفعله انما بكلمه بنت شمال ليست تقال على الملابس انما تقال على الاسلوب عندما ارى فتاه محجبه او حتى منتقبه والاحظ فى اسلوب كلامها او اشارتها بيدها شئ عكس ما تلبسه تماما او عكس ما يامر بيه ديننا او بشكل لبسها اقول عليها فتاه شمال لانها لا تعمل بما تلبس هيا لبساه لللاخفاء فقط انما لو فتاه متحرره لابسه منى جيب او حتى لابسه بكينى وماشيه به ولكن فى حالها دون ان تلفت انتباه اى شخص لاسلوبها لن ينتقدها احد انما تتعاكس باروع الكلمات ولو الاسر تخفض طالبتها على الشباب ولا تزيد همهم بطلبات المعيشه كان كل الشباب اتزوج ولن ترى هناك معاكسات ولا قله ادب فى الشارع يسلموووووووووووو على الطرح الجميل |
اقتباس:
أمييييين ياااااااااارب فعلا كلامك اللى قلتيه صح المفروض البنت تكون واثقه من نفسها وميهماش رأى حد فيها بس للاسف فى بنات كتيير ف مجتمعنا عشان بتكون مش حلوه ف بتعمل اى حاجه تخلى نفسها حلوه عشان مفيش اى ولد يقولها اى كلمه تريقه عليها ف الشارع وفعلا انا بشوف ولاد كتير لو عدت قدامهم وحده مشحلوه بيقولواها كلام مش كويس بكون نفسى اضربهم واقولهم دى خلقه ربنا وروحو شوفو نفسكو الاول ميرسى كتييير لردك نورتى :) |
بصى ي قمر البنت المحترمه اللى ماشيه برده محترمه بيكون عندها ثقه ف نفسها لانها عارفه انها صح مش مبرر ان واحد تافهه يقول ع البنت " غفر " أنها تبدأ تقلد بنات أوروبا سواء فى اللبس أو الاسلوب فى حاجت اسمها عادات وتقاليد وقبلها فى شرع بيحكم مجتمعنا البنت المحترمه مش هى اللى انحرفت عن الطريق السليم ، لكن الولد اللى بيتريق هو اللى عقله أكيد قى حاجة |
اقتباس:
اهااا كلامك صح بس مش كل الشباب كده فى شباب بتقول ع البت انها شمال عشان لبسها بس حتى لو محترمه واصلا الاحترام مش باللبس انا عن نفسى شفت بنات منقبه ومش كويسه وبنات لبسهم بناطيل وعادى ومحترمين أووووى بس للاسف مش كل الشباب بتفهم كده ان الاحترام مش باللبس |
لكل واحد وجه نظر وعلى فكرة دلوقتى اللى يعاكسو مش شباب وبس لا وكمان اطفال ف سن 12 سنة والولد الصغير لما يعاكس بنت بيفتكر ان هو كبر وبقى راجل يعنى كتير اوى بتكون علامة رجولة تقبلو مرورى |
اقتباس:
فى ناس عايزه الحرق بسبب تفكيرهم الغلط ده دول بقا اللى ينطبق عليهم " مجتمع حافظ مش فاهم " ميرسى لردك ياقمر نورتى :) |
اقتباس:
اه والله حاجه تقرف تلاقى الولد لسه مطلعش من البيضه وتلاقيه بيعاكس ويقول كلام اكبر من سنه هنعمل ايه بقا دى ترجع للتربيه يلا ربنا يهدى الجمييييع ميرسى لردك نورتى :) |
عندك حق والله يا جيجي بس برضوا منقدرش نلقي اللوم كلة علهم زي ما هما غلطوا البنات غلطت لانها عاندتهم ولأن البنات ناو زاد لبسهم عن الحد جداً فكل منا غلط موضوع جميل منك |
| الساعة الآن 05:06 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب