|
أمير يعرف معنى رمضان " تابع مسابقة حدوتة رمضانية للأطفال " _ كان يا مكان كان فيه ولد عسول وصغير اسمو أمير وفيوم من الأيام أمير : بابا بابا انا شفت حاجات ملونة كتير اوي كده معلقينها فالشارع هي ايه ده ؟ (( قالها الطفل الصغير الذي يبلغ من العمر 5 سنوات )) أيمن والد أمير : حبيبي دي أسمها زينة بيعلقوها عشان رمضان خلاص قرب ييجي أمير : بابا طب رمضان عندو اولاد العب معاهم ! أيمن : حبيبي رمضان ده مش انسان ده شهر بييجي مرة واحدة فالسنة أمير : طب اشمعنا رمضان اللي بتعلقوا فيه زينة ؟ أيمن : عشان رمضان ده احلى الشهور يا حبيبي هو الشهر الوحيد اللي احنا بنصوم فيه وبنصوم دي يعني من الفجر لحد المغرب نفضل مناكلش ولا نشرب أمير : ليه ؟ أيمن : عشان ربنا أمرنا بكده ورمضان ده شهر مبارك من عند ربنا يعني انت لو نفسك فحاجة ودعيت ربنا هيحققهالك كمان الشياطين كلها الوحشة دي ربنا بيحبسها طول شهر رمضان ’ أمير : اه فهمت طب انا عايز اصوم زيكم يا بابا ! أيمن : طيب يا حبيبي يبقى مينفعش لا تاكل ولا تشرب من الفجر للمغرب زي ما قولنا أمير : بس يا بابا انا كده هجوع اوي وهعطش أيمن : عشان انت لسه صغنون :) طيب إيه رأيك من الفجر للضهر حلو ! أمير : اه حلو ماشي طيب بنعمل ايه تاني فرمضان ده ؟ أيمن : الأول طول ما احنا صايمين لازم نصلي كل الفروض عشان ربنا يقبل صيامنا وكمان نقرا قرآن كتير أمير : طيب انا هبقى اصلي معاك فالمسجد بس انا مش بعرف اقرأ لوحدي يا بابا اعمل ايه ! أيمن : أنا هبقى أقعد اقرأ معاك وانت تقول ورايا اتفقنا ؟ أمير : ماشي يا بابا هو بقى رمضان جاي أمتى ! أيمن : بعد أسبوع يا حبيبي لما ييجي هقولك ، عدى أول يومين فرمضان ، أمير نازل يلعب مع اصحابه محمـد : أنا عطشان اوي تعالى نشرب من الكولدير اللي هناك ده أمير : ماشي يلا بعد ما شربوا أمير : هه ! انا نسييت اني صايم اعمل ايه دلوقتي ! محمد : صايم ازاي يا أمير أمير : يعني مش باكل ولا بشرب المفروض لحد المغرب بس بابا قالي عشان اانا صغير ومش هستحمل ففخلاني اصوم لحد الضهر بس انا شربت دلوقتي انا كده مش صايم وبابا هيزعقلي s2 محمد : روح قوله طيب يمكن ميزعلش منك ! راح امير لباباه عشان يقوله أمير : بابا انا نسيت وشربت مع محمد بس والله نسيت اعمل ايه ! أيمن : طلاما نسيت يا حبيبي ربنا بيسمحلنا اننا نكمل يومنا صايمين عادي أمير : ايه ده بجد ازاي ! أيمن : يعني لو انت نسيت انك صايم واكلت او شربت ينفع تكمل صيامك عادي أمير : ااه ماشي يا بابا شكراً بعد اسبوعين فرمضان ، أمير : بابا انا عايز اصوم كتير زيكم مش قليل أيمن : خلاص شوف انت تقدر تصوم لحد امتى وانا اوعدك لو عملت كده هجيبلك كل اللي انت عاوزه عدت الايام وأمير بقى بيصوم لحد العصر واحيانا كان لبعد العصر بساعة وهككذا وامير كان فرحان جداا لأن باباه كان بيجيبله كل اللي هو عاوزه واللي نفسه فيه وكان كل ما يصوم عدد ساعات اكتر كان باباه بيجيبله حاجات حلوة اكتر وأمير علم كل اصحابه ازاي يصوموا زي ما باباه قله بالظبط وأصحابه بقو بيحبوه اوي لأن كمان اصحابهم باباهم كان بيبقى مبسوط منهم جدا وتوتة توتة خلصت الحدوتة ،، |
حدوته جميله جداً سيلينا بتفهم معني رمضان بطريقه سهلة وبسيطة جدا تسلم إيدك حبيبتي وبالتوفيق إن شاء الله |
قصة جميلة جدا اختى سيلينا فيها حدوتة جميلة اوى وافكار اطفال وعقولهم الصغنونة الجميلة كان سردك لا؛داثها جميل اوى ومنمق تسلمى اختى فكرك عالى اوى بالتوفيق ليك فى المسابقة تقبلى تحياتى وودى |
حلوة القصة يا سيلينا بس من شروط المسابقة انها تكون باللغة العربية الفصحى بس مجهود جمييل منك يدووم وبالتوفيق فى المسابقة |
| الساعة الآن 05:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب