منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   نار الغيره تدمرنا تابع لمسابقه قول ياعم (https://forums.banatmasr.net/msryat437355/)

أمواج الرحيل 09-26-2013 06:44 PM

نار الغيره تدمرنا تابع لمسابقه قول ياعم
 
ولاعمره كان قرارنا ولاحتى كان بايدينا

https://encrypted-tbn3.gstatic.com/i...hGvlTmEG2rJ9Ug
لو هتقول دا اختيارنا يبقى الله يعوض علينا

عشنا مع بعض عيشه حلوه وشفنا ايام جميله

بس الغيره عبرت حدودها ودمرت حلو ليالينــا

بتغير عليا احساس جميل بس فين روح الثقه

لو صحيح ثقتنا كبيره ليه الغيره تقضى علينــا

غير عليه واغير عليك فى حدود شرعها ربنـــــا

ليه حقد الغيره يسكنا والشك يدمر احلى مالينا

الحب قبل ميكون كلام صدقنى حبيبى بيكون ثقه

ووالله ما محتاجه كلام دى الغيره حبيبى تمحينا

انا كلى ليك وملك ايديك وشاهد عليه ربنا

كلمتك عليه سيف واوامرك بتنفذ كلها

انا مش بحاول ان اهينك حبيبى بس اعرف حاجه

انا عيزه بس افضل بعينك اغلى وحده بالوجود

والغيره لو عمت عينيك هتمحى منا حبنا

هيدمر كل حلمنا وبيتنا هينهد فوقينا

الغيره مطلوبه حبيبى بس بحدود وانتا عارف كده

ومتنساش ما بينا وعود منرضاش تتدمر بالشكل ده

غير يا سيدى منتا سيدى وسيد الناس كلها

غير بس اعرف انى انقى حاجه عرفتها

طب منا بغير عليك وانت كمان حبيبى عارف

ادا ايه بغير عليك وبعينيك انت شايف

بس عشان وثقه فيك مش فرقه معايا وربنا

ليه بس الغيره تدمرنا وكلام الناس يهزنا

الغيره حبيبى هدمرنا وهيضيع كل حبنا

الا مبنا مش ثوانى دى سنين حبيبى حرام

تتهدر كده فى ثوانى و لهيب الغيره يهدنا

بتهنى بكلام حبيبى كتير ومصبرنى ربنا

ومقدرش اقول كلمه ليك واجى على نفسى انا

مش معنى انى كلمت غيرك يبقى خلاص انا

بعتك فى ثنيه وشفت غيره بالذمه دا يرضى مين

انا عمرى ما بيعك لو لحظه طب قولى لمين وفين

وهلاقى قلب زى قلبك يعوضنى السنين

حبيبى اعقل وكفايك خلاينا نعيش عمرنا

من غير خناق ومن غير زعيق وبادينا ندمر حلمنا

ولمره اخيره هقولها ليك يقلبى وروحى وعمرى انا

والله انا بموت فيك ومليش غيرك حبيبى انا

بس اسمعنى الله يخليك الغيره زاد حدها

اعقل واهدى وبلاش تغير عشان زهقت منها

غير حببى بس بلاش الشك فى الغيره يكون

اصلك كده هتفتح بيبان عيزين نقفلها مهما يكون

انا والله بغرتك دى مش فى سجن لاء فى سجون

بخاف عليه من كل وقت تضربنى او تسبنى اموت

اوامرك زى السيف تتنفذ بكل حرف من الحروف

هو دا جزاتى منك اعيش فى قلق وفى خوف

لاء اكيد حبيبى فكرك اكبر من كده

وعشان ثقتى الكبيره انا حبيبت اقولك كده

بلاش الغيره تملى قلوبنا وتدمر احلامنا حبيبى

تعالى هات ايدى فى ايدك ونبدء حبيبى من جديد

والنار الا فى عينيك بكره حبيبى تروح وتطيب

وبثقتنا حبيبى هنتطفى نار االغيره من حوالينا



https://encrypted-tbn1.gstatic.com/i...WduDM64btQR6GA








اميره الشعر الشجين 09-26-2013 08:37 PM

رائعه رائعه وجميله جدا وحولتى تحفظى على التناسق فيها الاجزاء دى عجبتنى اووى
[img]بتغير عليا احساس جميل بس فين روح الثقه

لو صحيح ثقتنا كبيره ليه الغيره تقضى علينــا

غير عليه واغير عليك فى حدود شرعها ربنـــــا

ليه حقد الغيره يسكنا والشك يدمر احلى مالينا

غير يا سيدى منتا سيدى وسيد الناس كلها

غير بس اعرف انى انقى حاجه عرفتها

طب منا بغير عليك وانت كمان حبيبى عارف

ادا ايه بغير عليك وبعينيك انت شايف

بس عشان وثقه فيك مش فرقه معايا وربنا

بالتوفيق ليكى ياقمر ^_^

دمعه حائره 09-26-2013 08:45 PM

الغيره نار بتحرق صاحبها وبتدمر اى علاقه
تسلمى كلمات جميله
موفقه

ويبقى الأثر 09-26-2013 09:21 PM

كلمات راقيه من قلم أرقى
وصف الغيره وماقد ينتج عنها ان زادت عن الحد
غاليتى أبدعتى
بالتوفيق ان شاء الله

Lamees 09-26-2013 10:27 PM

جميل اوي حبيبتي
كلمات رائعة
واحساس جميل
موفقة

العاشق الذى لم يتب 09-27-2013 08:47 PM

الغيرة مطلوبة وحميدة
ولكن لابد ان تقنن
ويكون لهاحدود
فكل شيئ يزيد عن الحدينقلب للضد
شكرا لك اختى
كلمات روعة
ومضمون اروع
بالتوفيق لك فى المسابقة
سلمت ودمت بخير
مودتى

أمواج الرحيل 09-29-2013 02:56 PM

اقتباس:

المشاركة الأصلية كتبت بواسطة اميره الشعر الشجين (Post 4187485)
رائعه رائعه وجميله جدا وحولتى تحفظى على التناسق فيها الاجزاء دى عجبتنى اووى
[img]بتغير عليا احساس جميل بس فين روح الثقه

لو صحيح ثقتنا كبيره ليه الغيره تقضى علينــا

غير عليه واغير عليك فى حدود شرعها ربنـــــا

ليه حقد الغيره يسكنا والشك يدمر احلى مالينا

غير يا سيدى منتا سيدى وسيد الناس كلها

غير بس اعرف انى انقى حاجه عرفتها

طب منا بغير عليك وانت كمان حبيبى عارف

ادا ايه بغير عليك وبعينيك انت شايف

بس عشان وثقه فيك مش فرقه معايا وربنا

بالتوفيق ليكى ياقمر ^_^

اشكرك اميره الشعر الشجين ديما مرورك يسعدنى

أمواج الرحيل 09-29-2013 02:57 PM

اقتباس:

المشاركة الأصلية كتبت بواسطة دمعه حائره (Post 4187493)
الغيره نار بتحرق صاحبها وبتدمر اى علاقه
تسلمى كلمات جميله
موفقه

تسلمى للمرور الطيب

أمواج الرحيل 09-29-2013 02:58 PM

اقتباس:

المشاركة الأصلية كتبت بواسطة قيثارة الصمت (Post 4187569)
كلمات راقيه من قلم أرقى
وصف الغيره وماقد ينتج عنها ان زادت عن الحد
غاليتى أبدعتى
بالتوفيق ان شاء الله

اختى الرائعه اشكرك لكلماتك الراقيه فى حقى

أمواج الرحيل 09-29-2013 02:59 PM

اقتباس:

المشاركة الأصلية كتبت بواسطة Ro♥ony (Post 4187650)
جميل اوي حبيبتي
كلمات رائعة
واحساس جميل
موفقة

تسلمى للمرور الطيب


الساعة الآن 10:24 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w