|
( حكايات وبنعشها ) مع ( morshooo ) ( خطوبه ماتمت ) بسم الله الرحمن الرحيم اهلا بيكم جميعا وحلقه جديدة من برنامجكم ( حكايات وبنعشها ) http://files.w-enter.com/uploadcente...yatlogomk5.png حكاياتنا فى الحياة كتير جدا بتكون متشابهة ممكن يحصل معايا موقف ونفس الموقف يحصل معاك ممكن الموقف الى انا فيه اطلع انا غلطان ولكن . الموقف الى حصلك تطلع انتا صح مش غلطان فى الاول والاخر كلها ( حكايات وبنعشها ) تعالو نشوف الحكايه بتاعت النهاردة وبعد كدا اشوف رئيكم فيها ايه . حلقه النهاردة بعنوان ( خطوبه ما تمت ) http://files.w-enter.com/uploadcente...yatlogomk5.png الابطال ( هو ) شاب مصرى لديه طموحات يتمنى حقيقها ( هى ) فتاة وحيدة والدها ووالدتها ( هم ) شخصيات مختلفه فى الحكايه المكان : جميع محافظات مصر http://files.w-enter.com/uploadcente...yatlogomk5.png البــــدايه : ( هو ) : صباح الخير ياست الكل ( والدته ) : يا صباح النور مش هفرح بيك بقى يابنى ان شاء الله مانتى الى مقصرة ياست الكل انا برضو دا انا نفسى افرح بيك طيب خلاص شوفيلى بنت الحلال وانا هوافق عليها وانا مغمض خلاص يا حبيبى مالكش دعوة انا هتصرف دا حوار كان حصل بين البطل ووالدته والحوار دا تقريبا كتير منا بيحصل معاة بس ياترى دا صح والا غلط اننا نعتمد على اختيار الاهل لارتبطنا بس تعالو نشوف الحوار دا كمان . http://files.w-enter.com/uploadcente...yatlogomk5.png ( والدته ) : اسكت مش لقيتلك بنت الحلال الى تستهلك ( هو ) ايه يا ماما بالسرعه دى انتى لحقتى طبعا وانا عندى اغلا منك يعنى ( والده ) مامتك ياسيدى مانتا عارفها مش هتسكت هههههه طيب هى مين ومنين واسمها ايه وعرفتيها منين العروسه ياسيدى جارة خالتك وهى الى قالتلى عليها طيب حلوة يعنى وبنت ناس محترمه زى القمر وخلاص كلها يومين وهتشوفها بنفسك هههههه بص يابنى المهم انك ماتستعجلش وتغلط غلطه ابوك هههههه ودا يحصل برضو يا بابا انا زيك فى كل حاجا الا دى ههههه والله انتو الاتنين هتستهبلو يعنى يعنى انا وحشه لو وحشه مش هجيب القمر دا وطبعا البطل راح وشاف العروسه وفعلا تمت الخطوبه بس البطل كان عامل حسابه كويس وكان مقرر من البدايه ان فترة الخطوبه هى دى اهم فترة فى حياته . فتعالو نشوف ياترى حصل بينهم ايه . http://files.w-enter.com/uploadcente...yatlogomk5.png ( هى ) : اية يا حبيبى ها بقى هتشتريلى فستان للفرح ( هو ) والله يا حبيبتى حسب ظروفى خليها لوقتها لا انا عايزة فستان يبقى ليه واشيله يبقى زكرى ماشى بس لو وقتها الفلوس موجودة اكيد هجبلك الى عايزاة اة صحيح زميلتى عامله شغل حلو قوى فى شقتها لازم نعمل زيها ان شاء الله لو هينفع وظروفى تسمح هنعمل الى عايزاة انا كل لما اقولك حاجا تقولى كدا شكلك بتضحك عليه يا حياتى انا قولت حاجا لو الفلوس متوفرة معايا مش هبخل عليكى بحاجا طيب لما اشوف ياسيدى بس على فكرة مش هتضحك عليه . واضح ان البطله مدلعه شويتين هههههههه عموما الموضوع بدء يبقى ثقيل على البطل وواضح ان طلباتها فوق امكانيات البطل حتى دا اتاكد منه فى المكالمه دى . http://files.w-enter.com/uploadcente...yatlogomk5.png ( هو ) ازيك يا حبيبتى وحشانى ( هى ) الحمد لله كويسه وزعلانه منك برضو طيب اعمل ايه تانى عشان ارضيكى تعمل الى قولتلك عليه وتحجز فرحنا فى النادى الى ورتهولك يا حبيبتى دا هيتكلف كتير وانا امكانياتى مش هتسمح ماليش دعوة هو فرح واحد فى حياتنا لازم يكون اهم يوم طيب بس انا مش هقدر على حجز القاعه دى طيب ايه رئيك بقى يا انا يا الفرح فى القاعه دى ماينفعش تقارنى نفسك وتحطى علاقتنا قصاد حاجا زى كدا لا انا بقى هحط علاقتنا قصاد الفرح وشوف هتعمل ايه وقولى سلام . شكل الموضوع كبر بينهم ^_^ وشكل البطل تفكيرة ابتدء يروح لبعيييييييييد حتى شوفو كدا الحوار دا قال فيه ايه . http://files.w-enter.com/uploadcente...yatlogomk5.png ( البطل ) مبقتش عارف اعمل ايه ياترى هى دى البنت الى بحبها فعلا فجاة اتغيرت ليه كدا معايا بقى معقول تحط علاقتنا وحبنا قصاد ( فرح فى قاعه ) وعايزانى اشتريلها فستان ولازم اعمل زى ما صحبتها عامله فى شقتها والا ابوها دا كمان الى عايز يجبرنى ان ( المؤخر ) يكون ( بالالاف ) طيب دلوقتى ( بابا ) مش موافق على المبلغ دا كله و ( ابوها ) قالى خلاص نكتب زى ما ابوك عايز والباقى اكتبلى بيه ( كمبياله ) انا الحل الوحيد انى ( انفصل عنها ) http://files.w-enter.com/uploadcente...yatlogomk5.png الخــــــلاصه حكايه النهاردة بنسمعها كتير جدا فى مجتمعنا مش شرط ان اختيار الاهل يكون غلط زى ما مش شرط يكون اختيار الاهل يكون سليم ولكن فترة الخطوبه معموله عشان التعارف مش عشان الاستعجال وزى ما بيقولو الخسارة القريبه احسن من الخسارة البعيدة :D http://files.w-enter.com/uploadcente...yatlogomk5.png النهايـــــــه بعد حكايه النهاردة اكيد النهايه الى حصلت للبطل هى دى النهايه المثاليه ليهم مع بعض وهى الانفصال والانفصال مش عيب والا حاجا بالعكس زى ماهو هيلاقى البنت الكويسه الى تستهله هى كمان هتلاقى الشاب الى هيرضيها . فى النهايه اتمنى الحلقه تنال اعجابكم انتظرونى وحلقه جديدة من ( حكايات وبنعشها ) تحياتى MORSHOOO |
عشان كده التفاهم اهم من الحب احيانا لانه بيجيب الحب بعده ونوعيه البنات دى لسه مش مؤهله تفتح بيت والانفصال فى الخطوبه افضل من بعد الزواج اكيد لازم فتره خطوبه كافيه عشان يفهموا بعض اكتر حتى لو كانوا بيحبوا بعض لان بعد الخطوبه نوعيه المواضيع اللى هايتكلموا فيها تختلف وعمليه اكتر بتكشف الشخصيه الحقيقيه حلقه ممتازه تسلم مروشو |
الاول برنامج رائع يا موروشو واحلي حاجة ان القصه دي مش طويلة زي اللي فاتت :04: الاول الجواز دا عمر مش لعبه ولا يومينهم وهييجي غيرهم مظنش انه صح ان الواحد يسيب الاهل يقرروا حاجة زي دي ااه الاهل بيخافو علي ابنهم اكتر من نفسه حتي لكنهم مش هيفهمو احتياجاته ف الجواز انا شخصيا بفضل الجواز عن حب وقناعه من الشخص نفسه اظن مشكلة الجواز الاولي حاليا هيا المغالاه ف الطلبات من الاهل يعني تلاقي الاب عايز مهر معرفش ايه وشبكه ومؤخر ايه والام عايزه اثاث ايه وادوات ايه والعروسه عايزه فرح ايه وفستان ايه وشهر عسل ايه طبعا اساس المشكلة دي هيا حكاية بنت خالتها ولا صاحبتها جابت كذا فلازم انت تجيب الاعلي منها للسنيوره ! رغم اننا في بلد ظروفها علي قدها وامكانيات الشباب محدوده وكل حاجة غالية و الفلوس بتيجي بالعافيه ( الا لو شمال ) مفيش تقدير نهائي للحاله , ماديات حقيرة :49: عالعموم اظن لو عن حب او اختيار خاص للشخص كان عرف من الاول اذا كانت اللي قدامه تصلح له ولا لا هل هيا مقدرة للظروف ولا من بتوع بنت خالتي وصحبتي هل هيا بتفهم وجدعه ولا متدلعه و فروفوره تسلم ايديك للطرح يا موروشوو استمر |
كون انها تحصر كل ماتطلباتها فى شريك حياتها ف الماديات هى غلطه غلط عمرها كان من باب اولى تدور على حاجات اهم لحياتهم تزرعها فيه ويوم ماتقدملها اكيد كانت عارفه ظروفه يعنى متجيش بعد كده وتضغطه كان ممكن تكون اكثر تفهما لحياته وكان هو هيقدرلها ده ويقدرها ويحترمها ان شايفه هنا الاهل ماختروش ولا حاجه كان مجرد اقتراح عادى بس فى الاغلب نظره الاهل بتكون عن خبره ومستقبليه اكتر على فكره هى البنت السطحيه وهوائيه وماديه وهو كان اكثر حكمه لانه فاهم اهميه فتره الخطوبه حلقه جميله موفق |
فعلآ حكـآيــآت بنعيشههـآ .. وههـى البنت فعلا زي مـآ سـآد أيز قـآل إنهها مـآديهه حقـيرهه ^^ وكمـآن قـله أدب منهها أوى :@ انها تقـآرن علاقتهم وحبهـم بـفرحه ولا قـآعه !! ده لـو مش هيعملـوآ فـرح أصلا بس يبقـو مبسـوطيين .. وكمـآن ،، ولـو الأتنيــيّن رآضّيين عن بعـَض البـآقى بيحـطوآ التـآتش بتاعههم .. عبـرت عن الحكـآيهه بأسَـلوب حلـو أوي وممتـع تسـلم ,, إيدكـ تقـييّمي , +5 |
المفروض بيكون فيه اتفاق وتفاهم بين الطرفين والاصول تقدير الظروف ومش تطمع وانت جبت المفيد الانفصال خساره قريبه بس نوعيه البنت ديه عمرها ما هتكمل مع حد لان طبعها الطمع جميله احمد تسلم ايديك منتظرين الحلقه الجديده دعواتى |
الخطوبة من أهم أركانها هو التعارف والتفاهم وأن يدرك كل منهما الآخر وطباعه وصفاته ماذا يحب وماذا يكره سلوكه قيمه تفكيره يعني هي البداية لحياة أبدية ولا بد أن يتم تأسيس تلك الحياة منذ البداية ع أساس قويم وصلب حتى لا تنتهي أو تسقط لأضعف المواقف أو الإمور هناك أسر تنظر للأمر من زاوية مادية وكأن الأمر صفقة بيع لا أكثر نعم لا أنكر المال والشروط التي لا بد من وضعها بما يتناسب مع الزواج ولكن ليس شرط أن أضع ع هذا الشاب عبئ كبير أكبر مما هو عليه لأنه في النهاية المكسب الحقيقي هو الشخص الطيب المحترم الذي يمتد من أصل طيب وعائلة محترمة ... المال يأتي ويذهب بينما القناعة والتفاهم هي الأسس الثابتة والأساسية لقيام زواج مستقل ناجح ... هناك أسر مثلا ً لا تريد سوى أن يكون زوج إبنتها مهندس أو دكتور وهذا دارج في مجتماعتنا ...وذلك تحت عنوان أنه مقتدر ماديا ً لذا ستعيش سعيدة ! من قال ذلك المال ليس كل شيء المال جزء من كل وربما كثرته تأتي بشكل عكسي لذا فالزواج السليم هو الذي يبدأ على صح ...والصح لا يكون سوى بالتفاهم والتحاور ما بينهما اي نعم من العادات التي تمر بها مجتماعتنا أن أحد الزوجين يختلف في طباعه وسلوكه ما بعد الزواج عنه كما كان في الخطوبة ولكن ؟ كن ع ثقة تامة أن الحياة الزوجية لا تقوم سوى ع الود والمحبة وهذا لا يأتي سوى من خلال التفاهم وتقبل كل منهما الاخر منذ البداية لتستمر حياتهم صح ..وهذا لا يعني أن لا يكون تصادمات او سلبيات مستقبلية بل هذا وراد في كل اسرة ولكنه لن يؤدي لهدم الاسرة كما هو دارج في بعض الاسر التي لا تقوم ع اساس سليم منذ البداية احمد الغااااالي موضوع غاية في الرقي والاهمية دام تميزك ياااا غالي |
ماديين ياعم البنات دول ..و ياريتهم ماديين على حاجه عدله يعني لو مادية على موبايل تستخدمه و لا بلايستيشن يسليها نقول ماشي ههههههههه لكن مادية على فستان ! و فرح و نادي و العجيب ان هما اكتر ناس بيخافوا من الحسد و بيتخلوا في مشاكل ما بتخلصش بسببها و في نفس الوقت بيحبوا يتفشخروا في الفرح :)) |
وهي لو ما اتنازلتش من دلوقت ووقفت جمبه يبقى في اقرب مشكلة هتواجهم هتتخلى عنه ومش هتقدر تستحمل ظروفه ابداً يبقى الحل الوحيد الانفصال وفي فترة الخطوبة افضل بكتير من بعد الزواج وهي اصلاً فترة الخطوبة اتعملت ليه عشان يعرفوا بعض ويشوفوا هيقدروا يتكيفوا مع بعض ولا لأ |
لو حاصره كل حاجه فى الفستان والقاعه والفرح تبقى تفكيرها سطحى وكمان ماديه تهتم بالقشور عن الجوهر مش شايفه اذا كان الانسان ده جدع محترم راجل بيحبها متفهم متعاطف اب كويس لولادها ومسكت فى الفستان والفرح :d فاكيد نهايه محتمه وكمان فى الوقت المناسب مورشو تسلم الايادى والافكار فى انتظار جديدك تحيتى |
| الساعة الآن 06:20 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب