منتديات بنات مصر - الحلقه الـ ( 12 ) من ( لمن يجرؤ فقط ) معانا ( big bốss )

بسم الله الرحمن الرحيم

اهلا بيكم جميعا

وحلقه جديدة من برنامجكم

( لمن يجرؤ فقط )

ضيف حلقه النهاردة عضو مميز ونشيط

موجود فى المنتدى بشكل يومى

خلال الفترة الاخيرة نشط قسم ( النقاش ) هو مشرفه

القسم السابقه ( جبل عاااالى ) .

ضيف حلقه النهاردة النشيط /

big bốss

http://forums.banatmisr.com/image.ph...ine=1377512351

فى البداية تعالو نشوف الـ ( 8 )

نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق

تعالو نشوف الحوار

( الاختيار الاول )

( كلام فى السياسه )

اولا :

ايه رئيك فى أداء الحكومه الحاليه وشايف ان ( عدلى منصور ) رئيس مصر فعلا ؟

اداء الحكومه كويس جدا فى ظل الظروف الى بنعشها
و اتخذت قرارات حاسمه كتير و اقتصاديه ،
يمكن بس لولا ظروف الامن و اللخبطه الى عملها الجماعه
المحظوره الاخوان المسلمين كانت
حققت حاجات كتير للبلد خصوصا انها فيها كفاءات كتير
و كفايا انها حدة تسعيره جبريه ع الخضروات و اقرت الحد الادنى
للاجور و قننت مجانية التعليم و ازمة الوقود اختفت و الامن و هيبة
الدوله بدات ترجع .
اما عدلى منصور مش هنكدب على بعض هو مش حاكم لوحده
لانه ميعرفش فى السياسه للدرجه دى فاكيد فيه مش لوحده
فى الحكم المهم ان الدوله ماشيه صح .

ثانيا :

( السيسى ) لو اعلن ترشيحه للانتخابات الرئاسيه هترشحه والا لا مع العلم انه اعلن عدم ترشحه قبل كدا وشايف انه هينجح باكتساح فى الانتخابات ؟

هو اعلن عدم ترشيحه علشان لا يذكر التاريخ ان الجيش
عمل انقلاب من اجل اعتلاء الرئاسه . و هو قال كلمته
شرف تحقيق ارادة الشعب اعلى من حكم مصر و هو عنده حق .
اما لو حصل ضغط شعبي و نزل الانتخابات فعمار يا مصر
هيكتسحها و هيعمل حاجات كتير للبلد يمكن مجد بعد الناصر
يعود من جديد و انا اتمنى ذالك لان البلد محتاجه لرجل عسكرى
شباب مش زى العواجيز عنان او شفيق

( الاختيار الثانى )

( صورة وتعليق )

مطلوب منك تقولنا ايه رئيك فى اداء

الاعضاء دى فى المنتدى وهل يستحقو الاشراف .

( واد حبيب )

http://forums.banatmisr.com/image.ph...ine=1376872180

واد حبيب بيحب الشعر و له مجهوده المحفوظ فى قسمه
بس مشاغله كتير للاسف ربنا يوفقه
اكيد يستحق الاشراف

( براءة حلم )

http://forums.banatmisr.com/image.ph...ine=1367141676

هى كان لها مجهود فى ما مضى لكن دلوقتى
اختفت فى قسم ادم
فاكيد لازم تنشال

( حرف هجاء )

http://forums.banatmisr.com/image.ph...ine=1379002981

اسيل افكارها حلوه و متجدده
بس عندها مشاغل كتير منها هتلاحق على ايه و لا ايه
نزول مظاهرات و تصليح عربيتها الى بتخبطها كل شويه
و لا الاتليه :18:
تستاهل الاشراف اكيد :04:

( الاختيار الثالث )

( وجع دماغ )

اولا :

من فترة كنت سبب فى عزل ( نفرتيتى ) من قسم ( الخزعبلات ) ودا كان بسبب طلبك انك تكون مشرف معاها على القسم ولما تم تعينك رفضت وطلبت الانسحاب من القسم وكان رد الادارة انها شالتك انتى وهى ؟ شايف ان كان هيكون ليك دور فى قسم الخزعبلات وليه مالكش نشاط فيه حاليا مع انك كنت عايز تكون مشرف عليه ؟

السؤال دا قديم نفرتيتى يا عم اتجوزت حبيبها :D

هو الى حصل انها حدثت مشكله بينى و بنها فبعد ما وافقة
على الاشراف مع بعض رفضته بعد كدا حصلت مشكله مع محمود
معرفش ايه سببها فراح شلها من الاشراف و شلنى معاها بس
من نحية نشاطى قليل فى الخزعبلات علشان عندى مشاغل
فى الشغل بس فمش عندى هاله ابداعيه للخيال :18:

ثانيا :

من فترة كنت عملت استبيان لاشهر اعضاء المنتدى وكان سبب الاستبيان غريب جدا ان عضو كان قلل منك او من وجودك فى المنتدى حتى انتا قولت ووضحت ان سبب الاستبيان انى اعرفه ان ( بيك بوص ) معروف فى المنتدى ؟ شايف ان دا كان تصرف سليم مع انك طلعت تقريبا التانى او التالت فى الاستبيان مع العلم ان انتا الى عامل الاستبيان وعارف مجاملات الاعضاء كويس لما عضو يبعتلهم رابط ويقولهم صوتو واسم العضو فى التصويت ؟

فيه حكمه قلهالى الحب الصامت مره
الشجره المثمره يتقاذفها الناس بالحجاره
هو فعلا فيه عضو من غير ذكر اسماء استفزنى و رد عليا فى توبيك
و قلى مين البيج بوص فجت فى بالى فكرة الاستبيان وقتها علشان ارد
عليه بواقع ملموس
فعملت الاستبيان و طلعت من اشعر خمس شخصيات فى المنتدى
سيبك من موضوع المجمله او لا الحمد الله عارف نفسى كويس
رحم الله امرىء عرف قدر نفسيه ، بس انا عملت الاستبيان علشان ارد عليه
من خلال الاعضاء شيفينه هو ازاى و انا ازاى و حتى هو محدش ذكره
- و مش شايف فى تصرفى اى غلط

ثالثا :

مع بدايه تعينك كمشرف على قسم النقاش تم فصلك
بعديها بيومين والى عرفته ان السبب انك غلط مع الادارة
ودا بسبب انهم وعدوك بانك تكون مشرف على قلم الاعضاء
ودا محصلش ؟ ياريت توضحلنا الحكايه دى وكمان عرفت وقتها
ان ( جبل عالى ) كان ليها دور كبير فى رجوعك مرة تانيه للاشراف ؟

اسئلتك غريبه يا اخى تموت فى تقليب الماضى ^_^
الحكايه انى كنت هشرف على الاقلام دا اتفقاقى مع امجد و منه
و بعدها بيومين قالوا القسم مش محتاج مشرفين
و كنت نشيط فى النقاش فحطونى على النقاش
( مع العلم وقتها كان قلم الاعضاء اهم اقسام المنتدى و من انشطهم و النقاش فى وعكه صحيه )
بعدها بكام يوم عينوا مشرفه
فأتنزلت عن الاشراف وقتها احتاج ع التصرف دا و محمود وافق عليها
بعد كدا حصلت مفاوضات مع طارق
اتفقنا يحول النقاش للحصريات و رجعت الاشراف
و دلوقتى الاشراف انشط الاقسام
و مبسوط جدا و بفخر ان كنت قد المسئوليه و انى اثبت وجودى فى الاشراف
و للعلم طارق الى رجعنى الاشراف عادى محدش اتوسطلى لا جبل و غيرها

( الاختيار الرابع )

( سياسه المنتدى )

اولا :

ايه رئيك فى سياسه المنتدى فى عمليه الترقيات
خاصه وانك نزلت توبيك فى قسم المشرفين من فترة
قصيرة ان الترقيات اتاخرت ؟ وكان رد الاعضاء انك ماتستعجلش والاعضاء شافت انك عامل التوبيك عشان تقول انا عايز اترقه ؟

للاسف فيه عقول بتفهم غلط
انا لما نزلت اقتراح للترقيه كان قصدى تغير فى عرف الترقيات
المتبع من زمان فى المنتدى مش اكتر مش قاصد نفسى
علشان انا شايف نفسي فى الاشراف و يكفينى اشوف مجهودى
فى ان القسم بعد شهر بقى انشط الاقسام
بعد ما كان مهجور قبلى
و بعدين يا مورشو
الاشراف على النقاش هو اقصى طموحاتى ولا اطمح الى اكثر
من ذالك

ثانيا :

خلاص قسم النقاش رجع المواضيع السياسيه مش شايف ان الادارة لما منعت المواضيع السياسيه كان خطا ولازم كل عضو يعبر عن رئيه ورجوعك للمواضيع السياسيه كانت بعلم الادارة والا لا ؟

انا ضد تقيد الحريات بس فترة قبل رمضان كان فيه تعصب شديد
بين مؤيدى و معارضى الاخوان فى المنتدى و كان الرابط بين
الاعضاء سيهدم فالحظر جه فى وقته
اما رجوع المواضيع السياسيه انا عرفته صدفه :D لان مش
نزل تنبيه فروحت نزلت تنبيه فى القسم علشان الاعضاء تعرف
لان فيه كتير سالونى و انا اقلهم لا لسه محظوره
و شكلك انت كمان متعرفش :04:

( الاختيار الخامس )

( اعضاء المنتدى )

عايز اعرف رئيك فى اعضاء المنتدى الفترة الحاليه وشايف ان المنتدى بيمر باحسن فتراته والا اسوء فتراته ؟ ايه السبب ؟

الاعضاء الجدد الفتره الاخيره انا لحظت فيهم حاجه
انهم اصحاب عقليات و فكر و ثقافه و اقلام مبدعه بجد
علشان كدا لازم ناخد بالنا منهم و ننمى قدراتهم
اما المنتدى بيمر بفترة خمول بسبب الظروف و الدراسه
و كان المنتدى بيسقط كل شويه و هى فتره مؤقته
هيعود لطبيعته ان شاء الله
و بصراحه ان معرفش المنتدى بعد ما طارق ساب الاداره
و المشرفين الى مش بيشتغلوا اتشالوا بعد الاستبيان الاخير
و حاسس الدنيا اتغيرت فى المنتدى

ثانيا :

( جبل عالى ) الحلقه الى فاتت قالت ان مفيش خلافات حصلت بينكم مع العلم انك دخلت وكلامك كان بيقول عكس كدا ودا مش عيب ان يكون فى اختلاف وجهات النظر بين المشرفين ؟ شايف الفترة الحاليه انتا وجبل بتعيشو اجمل فترات اشرافكم والا الامور بالنسبالك عاديه وكل واحد شغال بدماغه فى القسم ؟

لا كل واحد شغال بدماغه و مفيش اى تعامل
المهم ان القسم شغال كويس و دا المهم
اما احنا كشخصييتين بنحترم بعض و بنقدر بعض

بكدا بتخلص الحلقه الـ ( 12 )

من حلقات البرنامج .

انتظرونا الحلقات القادمة

تحياتى