منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   بنادى حبيبى يخدونى (https://forums.banatmasr.net/msryat438282/)

أمواج الرحيل 10-03-2013 09:07 PM

بنادى حبيبى يخدونى
 
https://encrypted-tbn2.gstatic.com/i...zhYFhZdY63cGSv

اترسمى ياأحزان على الخد ولونيها يادموعى

حملى ذاد فوق الحد وزاد مرارى وجروحى

سافرت مع الايام ضحكه حلوه وفرحتى

مبقاش غير الاحزان تزيد الدمع بجفونى

قالولى ليه الدموع فى عينيكى وسببها

وكمان ليه الجفون للنوم قفلت بيبانها

مش لقيه رد عشان اقول وكمان هقول ايه

زادت بالدنيا حمولى يا اما انا فوق احتمالها

القلوب جواها ضلمه .... والسكك ملهاش ملامح

كل ما القى فرحه جيه ... القى الدمع سابق وجراح

يقتل اى بسمه فيا... وسهمه جوا قلبى دابح

ودور على الاحبونى... مشو عنى كمان وسبونى

لوحدى فى الدنيا اعافر ومفيش غير دمع فى عيونى

خلاص يا حياه.... قفلت الباب ....شبعت عذاب

وفرحى اهو غاب..وبنادى حبيبى يخدونى

وقلبى اهو داب ومفيش اسباب ترجع فرحى لعيونى

هموم بتزيد ونيران بتقيد وكأنه و عيد وكلو يزيد فى همومى


خلاص يا حياه.... قفلت الباب ....شبعت عذاب

وفرحى اهو غاب..وبنادى حبيبى يخدونى


هذيان قلم باكى

™Amiliya 10-03-2013 09:57 PM

حزينة اوي كلماتك

ربنايفرح قلبك بفرحة تستبدل كل الحزن

مجدي الحفناوي 10-03-2013 10:11 PM

طول عمرنا دينا بيعذبنا الحب
لاحبينا ولا العذاب بعد عننا
كلمات نؤلمه جدا وماقساها
احترامي لحروفك الحزينه
مجدي سكر علي الكلام
وقفل الباب

اميره الشعر الشجين 10-03-2013 11:41 PM

ايه يا بنتى الحزن دااااااااااااااا ايه كل دا بس بجد انتى ملكيش حل فى اختيار الكلمات المعبره اضحكى وبلاش الحزن دى

ويبقى الأثر 10-03-2013 11:46 PM

كلمات كلها حزن وشجن

اضحكى للدنيا تضحك لك
واوعى تندبى يوم حظك
دى بعد الضيقه فرج
سيبها على الله يفرح قلبك


احسنتى غاليتى
ربنا يسعد قلبك ويبعد عنه كل الم
تحياتى ووردى

El 3alamy 10-04-2013 11:14 AM

برغم ان الكلام حزين
بس بجد كلام يوصل للقلب
رائع

أمواج الرحيل 10-04-2013 02:45 PM

اقتباس:

المشاركة الأصلية كتبت بواسطة رائحة القهوة (Post 4195989)
حزينة اوي كلماتك

ربنايفرح قلبك بفرحة تستبدل كل الحزن

اشكرك مرورك اختى الغاليه

جبل عالي 10-06-2013 01:31 PM


همسة باكية وحزينة

ترسم الألم المتربص بكل القلوب

الطيبة ..... ابدعتِ غاليتي

لروحك كل الدعاء بحلو الأمل

ونتمنى مزيد من ابداعاتك



إيلاانا 10-07-2013 11:35 AM

كلام كله حزن وألم

وليس به بصيص من الأمل

لا الوم قلمك بذلك نحن هكذا

حين نفقد من نحب فمن يلوم القلب اذا

بكى والقلم إذا اشتكى

قمة الروعة واشكرك على الطرح الرائع

لك تحياتي ودعواتي بالسعادة

بقايا صمت

عاشقه الورد 10-07-2013 11:42 AM

كلماتك جميله وحزينه
تسلمى لروعه قلمك


الساعة الآن 06:49 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w