منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   حالة (https://forums.banatmasr.net/msryat438393/)

جـــــراح المشــاعر 10-04-2013 07:23 PM

حالة
 


http://1.bp.blogspot.com/-zD0anLARUi...vidShannon.jpg

حالة ملل 00 حالة وجع 00 حالة كلام
حالة ما بين وجع الهوي 00 وبين الغرام
مالشمس نورها بينطبع
وبينشر علي الدنيا السلام
حالة ببان متقفلة
منعانا من شم الهوي
حتي المطر منع الكلام
منع التامل لسماء
والصمت ساكت مانعنا حتي م الكلام
الاه بتنهش قلبنا
تاكل حشانا ولحمنا
والبعد مهما يطول قصير
والغربة راسية بشطنا
بس الغرام سافر خلاص
غادر بلادنا وحيانا
مهاما اتمدينا ف حلمنا
الوحدة ماشية بدمنا
بتضم اهات الغريب
حتي الوطن برضة غريب
والعين ما تهوها الدموع
ولاقلبي يهواه الوجع
كان حلمي طفلة حنينة
طفلة ادفي بحضنها
تسكن اماني ودنيتي
لكن خلاص باعت هوي
طب لية رحلت طب لية هربت
طب لية تسبني بالسماء
لية انتقام
لية الوجع جواك بيسري اكتر من الغرام
لمين اروح ولمين ابوح
ولمين جراحي تشتكي
ولمين تبوح
غاب المدار عن كوكبي
غاب القمر والضلمة جت
من كتر جري منها وخوفي
خلاص تعبت
فات المعاد وقتي وقف
بس الوجع قاعد معاي
ساكن هنا قاعد معايا بغرفتي
نايم معايا بفرشتي
وطفالي ناري
اللي بيومي ما انفطت
اشكيك لمين
والهم مالي غربتي
كفايك وجع كفياك بعاد
لية قلبها اختار العناد






همسه الجوارح 10-04-2013 10:49 PM

كليمات فوق الوصف
خيال وسرد للاحداث
طرحت باقتناء وابداع
دام نبض قلمك
فى انتظار المزيد

مجدي الحفناوي 10-04-2013 11:05 PM

جراح المشاعر
كلمات رائعه ولكنها قفاسيه ومؤلمه حقا
ابداع رائع واحساس فريد عبرته به في تلقائيه
وقلم مبدع ومتميز حقا
شكرا لك علي تلك الرائعه والفريد بااحساس شاعر ومبدع كبير
لك احترااامي

السفيره عزيزه 10-04-2013 11:44 PM

بسم الله الرحمن الرحيم

حاله وهتفوت وتعدى
و بكره تئول انا مين أدى

دوس على الصعب ولا تهدى
واحلف ولا دمعه تنزل على خدى

وارفع راسى بين الناس .ودئات
البى ما يوم تنداس ولا مشاعرى
تمنها رخاص

دا انا كنت بحبها اكتر من ابوها
وامها . ولا كنت هبعد عنها
وطولت بالى على صدها

مع السلامه يا ست الحلوين
ولا أسئل تانى انتى فين
صحيح انا لسه حزين وبضحك
وجوايا انين .ولكن على مين

بكره تسمعى خير. وتعرفى خط
السير . عدَاكى ووخدها طير

انا أوى و مش ضعيف وهتعدى
سحابة الصيف . وهستنا تانى
وليف

بيعرف يحس بيه ودايما يخاف عليه
ونكمل ايده فى ايديه .وأول أيا سيدى
على الهديه

اصل انا مظلمتهاش . صدئونى صحيح
يا ناس .وربى هيعوض عليه

ودعوه من ألبى دوه .يا رب الِ
فى ألبى جوه. يدوئه ألبه هو
ولا ليه دعوه بيه


سلمت وكل الخير لك
اتمنى
السفيره

ابتسامة الزهر 10-05-2013 02:13 AM

رغم مرارة الحزن واليأس
الا انه يوجد بصيص من الضوء والأمل
وبالرغم من الألم فقد اجدت التعبير
فى انتظار جديدك

Angel Smile 10-05-2013 01:01 PM

مراحل من حياتنا نمر بها .. تكون صعبة كثيرًا ولكن الحياه تستمر
و تمُر .. و بعدها سنتلاقى السعادة بنا و نعود من جديد لحياه الفرح ..

طرح راقى كتيــر
سلمت اناملك

الفنان الهادى 10-05-2013 01:26 PM

تقييمى لهذا الموضوع
موضوع ممتاز

مِسكُ الشَهادة 10-05-2013 02:29 PM

كلمات رائعة جدا ً وتحمل معنى ثمين وقوي
عبرت عن مشاعرك بقوة واحساس كبير جدا
دام تميزك اخي

ويبقى الأثر 10-05-2013 09:47 PM

ألم وفقد وغربه
معانى حملتها رائعتك
ثق دائما بربك وكن على يقين انه مااشقانا الا ليسعدنا
اسعد الله حياتك بكل خيراستاذنا
ارق التحايا لك ولقلمك
تقدير

الابتسامه المصريه 10-06-2013 12:41 AM

الله على هذا الاحساس

من جمال انسياب الكلمات
اعجبتنى فقرأتها كلها كلمة كلمه

رائع تعبيرك عن الحب والعناد


الله عليك

بارك الله فيك


الساعة الآن 04:07 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w