منتديات بنات مصر - حلقه جديدة من ( لـــو ) معانا ( رائحة القهوة )

بسم الله الرحمن الرحيم

قسم ( الخواطر ) فى المنتدى يمكن انا مهتم بيه لانه فعلا

اتثبت انه قسم ( مظلوم فى المنتدى )

بعد ما عرض ( الظاهرة الاخيرة )

الخاصه بالقسم رد الادارة مكنش مقنع مع ان الحل موجود
وسهل جدا

ليه مانخليش مواضيع القسم ( تحت المراقبه ) ونعمل قسم

فرعى ( للخواطر المنقوله ) ومشرفى القسم قبل اعتماد التوبيك

يقررو اذا كانت الخاطرة ( منقوله ) والا ( حصريه ) ويتم

اعتماد المواضيع وتنزل

فى ( صندوق اخر ابداعات الاعضاء ) زيها زى

( الاقلام و اليوميات والنقاش والهوايات والابداعات )

ومش عيب لما يكون فى حل قدام الادارة انها تطبقه فى

اسرع وقت واعتقد ان دا الحل الامثل للقسم والا اعتقد بعد

حكايه ان القسم مسموح

بيه للمنقول ( يبقى مشرفين القسم مالهمش اى دور )

اهلا بيكم جميعا

وحلقه جديدة من برنامج

( لـــــــــــو )

ضيفه حلقه النهاردة البرنامج كان وشه حلو عليها

تانى يوم على طول تم تعينها مشرفه لقسم

( النقاش العام )

معانا المتميزة /

رائحة القهوة

http://forums.banatmisr.com/image.ph...ine=1376498459

تعالو نشوف مع بعض المواقف الـ

( لـــــــــــــــو )

ضيفتنا اتحطط فيها هتتصرف فيها ازاى

الاسئله الخاصه بالمنتدى

( لـــــــــــــو )

1 / جاتلك رساله خاصه من عضو وبيقولك ( ياريت لما تنقلى توبيك تكتبى انه منقول ) ؟ هتقوليله ايه ؟

هشكرو جدا لاني مخدتش بالي وهروح اكتب منقول لو منقول لكن لو بيستعبط هعمل نفسي مقريتش الرسالة

( دا معلش انتى الى بتستعبطى بقى مش عارفه التوبيك منقول والا لا لسه هتقولى مخدش بالى :18: )

2 / قومتى الصبح دخلتى المنتدى لقيتى نفسك مشرفه قسم وتانى يوم الادارة بعتتلك رساله
( عفوا على الخطأ الادارى ) واتشلتى من الاشراف ؟ هتعملى ايه ؟

هههههه في اول الصبح اكيد هتبسط وهزقطط وممكن ابعت اشكرهم كمان زوقيا
بس بعد الرسالة بتاعهم هدايق وهتكسف الصراحة لانه موقف محرج

( زقططى ياختى بقيتى مشرفه اهو اى خدمه :113: )

3 / نزلتى توبيك وعضو انتى على خلاف معاة وسابلك رد
( اسلوبك مش قوى فى الكتابه ياريت تحسنى من اسلوبك ) ؟ هتعملى ايه ؟

هقولو رايك واحترمو ومتدخلش توبيك ليا تاني عشان مش تدايق من اسلوبي
وبعدين زوقيا لو اسلوبي مش عاجبو يدخل ليه عشان يبين نفسه مثلا ولا عشان
يحرجني ولا يكسف نفسه وخلاص

https://fbcdn-sphotos-g-a.akamaihd.n...58003509_n.jpg

4 / لقيتى عضوة ماتعرفهاش وماتعملتيش معاها قبل كدا
وبتقولك ( لو سمحتى انتى تعرفينى منين عشان تقولى عنى الكلام دا ) ؟ هتتصرفى ازاى ؟

هستغرب من طريقتها واسالها حصل ايه فهميني وبعدين اتكلم معاها
بهدوء لان ممكن يكون حصل لبس عندها في موضوع
واتسرعت في الرسالة بتاعتها او كلامها معايا ولو حصل انها فاهمة الموضوع غلط
هيبقى الحمدلله ولو هي مصرة اني اتكلمت عنها او حد ناقلها كلام هتكلم مع الي ناقلها
كلام واحطهم في مواجهة واخلي الطرف التاني يجيب دليل اني اتكلمت عليها في ايه
ومن غير دليل لا معنى للكلام

( كل دا هيحصل ياجدعان ^^ هتجبيهم وطرف تانى والامم المتحدة وامريكا وروسيا والصين كل دا ليه يا مفتريه :04: )

5 / الادارة بعتتلك تختارى قسم تشرفى عليه وبعد ما اخترتى بعتولك ان مشرف القسم
مش موافق تكونى مشرفه معاة ؟ رد فعلك هيكون ايه ؟

هههههه هتكسف اوي ومش هطلب اشراف خالص في اي قسم تاني وهشكركم وخلاص
ولو المشرف ليا كلام معاه هسالو سبب الرفض ولو امتنع عن الاجابة هكتفي اني عملت
الي عليا وانتهى

الاسئله الشخصيه :

( لــــــــــو )

1 / ماشيه فى الشارع ولقيتى شاب جاى يسلم عليكى ويقولك ان
فلان مش فكرانى وانتى اصلا والا تعرفيه ؟هتعملى ايه معاه ؟

هضحك واحاول افتكر يمكن اكون عارفاه من جامعة ولا حاجة ولو مقدرتش افتكر
هعتذر منه واقولو غلطان وامشي لانه ممكن يكون فعلا مشبه عليا
اصل المواقف دي محرجة خاصة لو حد فعلا فاكرك وانت مش قادر تفتكرو

( طيب طالما لسه هتحولى تفتكريه يبقى يله يا شباب ضيفتى ساكنه فـ 11 ش ابو صلاح بالحبانيه :D )

2 / واقفه فى البلكونه وفجاة لقيتى ناس متجمعه وعمالين يشورو عليكى ويقولو ( هى دى ) وخدو
بعضهم ومشيو ؟ هتعملى ايه ؟

هخاف وادخل واقفل البلكون واقول للي في البيت حصل كذا كذا عشان اتفادى اي لخبطة
انا خوافة جدا يعني ممكن اتلبش ومعرفش اتكلم ولا اعمل اي حاجة

( اعتقد هتبقى عامله كدا ساعتها :D )

https://fbcdn-sphotos-b-a.akamaihd.n...90499022_n.jpg

3 / راكبه باص على اساس انك مروحه وفجاة لقتيه ماشى من طريق غريب واكتشفتى انك ركبتى غلط ؟هتعملى ايه ؟

في الاول لو المكان اقدر انزل فيه واخد تاكسي هنزل واخد تاككسي واروح
لكن لو في حتة مقطوعة يعني معرفهاش هستنى لغاية يمقف في محطتو وانزل
واخد حاجة تروحني

( لا انتى تروحى معاة لحد اخر الخط ويقولك الاخر يا انسه انزلى عشان تروحى تعمليله انتى كدا )

https://fbcdn-sphotos-b-a.akamaihd.n...21806919_n.jpg

4 / روحتى عند زميلتك وليها اخ رخم جدى وبيعاكسك وعايز يتعرف عليكى ؟ هتعملى ايه معاه ؟

هقولو في وشو لو سمحت متتكلمش معايا او اقول لاختو لو اتكسفت انها تقولو
يبعد عني او اني امنع نفسي خالص اني اروحلها
اصلا تصرف رخم منه انه يحاول يدايق صحبة اخته

( صح المفروض يرميلك رقمه فى ورقه وانتى تتصرفى بقى :18: )

5 / قاعدة انتى وخطيبك فى البيت عندك وادالك جواب وقالك ماتقرهوش الا لما امشى وفعلا فتحتيه لقتيه كاتبه لبنت تانيه بس غلط وادهولك ^^ ؟ هتعملى ايه ؟

هقراه وبعدين هكتب رسالة بنفس طريقته باسم شب غير اسمو وهدهالو وهشوف
رد فعلو سعتها اكيد يهولع فيا بس مش هديه فرصة يفتح بقو هطلعلو الرسالة
وادهالو وافهم بقا مين دي وعمل كدا ليه
لانه ممكن يكون عاملها مقلب فيا وعايزي شوف رد فعلي ويتحل الموضوع
بس لو جد هيكون فيها كلام تاني وافهم ايه حكاية البنت وليه مستمر معايا
وفي حياته وحدة تانية وممكن جدا انسحب بهدوء بدون شوشرة ولا ازعاج
لكن لو مقلب هزعل منه وهسيبو يصالحني بس بعد مطلع عنيه

( ههه ولما يعمل عبيط ويقولك ايه الجواب دا وبعتيه لمين اعمليله كدا )

https://fbcdn-sphotos-h-a.akamaihd.n...11536873_n.jpg

وبعد الخطه الجهنميه الى هتعملها ضيفتنا

يبقى خلاويص انتهت حلقه النهاردة

انتظرونى وحلقه جديدة من

( لــــــــــــــــــــــو )