|
المدرس وحاله هذه القصيدة من اوائل ما كتبته فى فترة الثانوية تقريبا من تمن او تسع سنين المدرس وحاله يامدرس يا مسكين يابو العيــــــــال بكرة تتعدل وتتغير الاحــــــــــــــوال هتاجى الحوافز إتنين جنـــــــــــية وهتبقى هيصة وعــــــــــــال العال ******* شد حيلك وامسك الطبـــــــاشـــير افرد وشك وبلاش كدا تكشيــــــــــر علّى صوتك خلّى العيـــــــال تفهم العبد فى التفكير والرب فى التدبير ******* أوعى تدى دروس أوعـــــــــى تدى مع الحوافز جايبينلك بــــــدل نقدى يبقوا خمسة جنية ويا الــــــــحوافز قول لمراتك افــــــــــــــرحى وعدّى ******* واوعى تنسى أساس المــــــــرتب أصحى وفوق قوم من على المكتب احنا مقدرين كل أتعابـــــــــــــــــــك هو انت عاوز تسرق وتنـــــــــــــهب ******** يامدرس يامسكين يابو الحس منحور مقق عنيك فتش بين الســــــــــطور مع كل احترامى وكــــــــــل اعتزازى .......و ...... فى الساقية بيــــــدور ******** اصرخ وقول يا اهل الله انا المـــدرس ما أول الشهر واقف مفلـــــــــــــس يادوبها تكفينى موصــــــــــــــــــلات وف-باقى الشهر حــــــــالى يجرس ********* استر علينا يارب يــــــــــــــــــاساتر خلاص بقيت م-الهم مش قــــــــادر أكفى نفسى ولا العيـــــــــــــــــال والله حالنا يصعب على الــــــــــكافر ********* نظرة لينا ياناس بعين الرحــــــــــــــــــمة احنا المدرسين وتهنا خلاص فى الزحمة طول النهار فـــــــــــــــول وطعمــــــــــــية لما البطون من جوا بقيت فحــــــــــــــمة ******** آه يانا آه طول النهار مــــــــــــــدبوح ياخلق ياهو بطلع خلاص فى الروح كفاية الطباشير اللى كبس صدرى الدرس فهم الدرس خلاص مشروح ******* هقولك كلمة يا استاذ خدها ببساطة كلمة من غير هبل ولا فيها أبدا عباطة سيب التدريس دا ماعدش أبدا ينـــــفع أسرح بعربية وقول يلا يا بطاطــــــــــــة ******** بقلمى/ صعب نساينك |
ههههههههه كان زمان بقا دلوقت الكل بيحسدوا المدرسين من بعد الكادر لكن من ناحية تعبهم مش تقول اسأل مجرب قرب يجيلنا ضغط تسلم اخى ويسلم قلمك |
جميلة جداً فى انتظار المزيد تحياتى |
اقتباس:
الاستاذة الرائعة (قيثارة الصمت)اشكرك على هذة الاطلالة المشرقة ودام ودك اختى الفاضلة ...تحياتى |
اقتباس:
game010.....الاجمل هو تواجدك اخى لك منى خالص التحية |
ههههههههههههههههههههه حلوة بجد بس لوترك المدرس التدريس من راح يدرس ورغم كل دا بيأخد على رأسه وحقه مهضوم في وزارة التربية والتعليم المدرس الأن والله مسكين والبعض منهم زي الشياطين كلماتك جدا جدا جدا اعجبتني وراقت لي كثير تسلم أخي الفاضل في انتظار جديدك دعواتي لك بالخير والسعادة بقايا صمت |
اقتباس:
الراقية (بقايا صمت) خالص شكرى وتقديرى الى شخصكم الكريم مرورك هل علينا بعبير المسك والعنبر...دامت محبتك ايتها الجميلة |
|
اقتباس:
|
جميلة وراقية خصوصا بتحكي عن حال بالفعل كتير عايشينه ولامسينه ورغم محاولة الإصلاح إلا إنها أتت متأخر فلابد من المعاناة لبعض الوقت حتى تتوازن تسلم الايادي لطرح قيم ومميز تحيتي وتقديري |
| الساعة الآن 06:15 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب