انام انا فين بقى ؟؟ مسائكم \صباحكم زي الفل اول مرة اكتب في يوميات الاعضاء حاجة بس الفكرة بصراحة فرضت نفسها على القسم زي ما شفتوا العنوان انام انا فين بقى ؟؟؟؟؟:102: خليكم معايا كده وانا هحكيلكم الحكاية من الاول قبل سنتين تقريباً او اقل شوي كنا ساكنين في عمارتنا في حي شبه شعبي يعني التعاون ،، الحب ،، الخوف على بعض ،، المشاركة في الافراح والاحزان ،، في الاكل برضه ميضرش :18: يعني الناس الحشرية ،، يعني التدخل فيما لا يعنيهم ،، يعني العيون ترصدك من اول باب العمارة لحد ما تختفي عن الانظار يعني لو كلمتهم خنقوك ولو تركتهم نعتوك بالتكبر كل ده مش مهم كنت متكيفة معاه بس نيجي بقى للمشكلة الكبرى :06: الصبح في عز نومي ويا سلام بقى على الصبحية ونومه زي ما يكون الواحد واخد منوم ومش عايز حد يفوقه s2 بس تنام مين بقى وسط الاصوات المزعجة ستات شغلتهم الوحيدة الصبح الرغي بقى ومن غير اي مجهود تعرف منهم اخبار الحي كله واسرارهم والضحك بقى والكلام الواو اوي اوي :08: المهم ربنا كرمنا كده من عنده وانتقلنا من الحي ده رحنا فين فين خمنوا معايا شويا :06::06: ها تعبتوا طب خلاص اقول انا سكنا جمب فيلا المحافظ ومدير الامن واو واو واو :113: فين بقى هنا المشكلة حد يسألني بسرعة :110: الحياة كانت ماشية زي اللوز وعنب يا خوانا عنب خالص :78: لحد بقى يوم فض الاعتصام من بعدها مش عارفة انام ليه بقى الصبح خلصت من رغي الستات اللاقي بقى اصوات الدبابات ماشية والمدرعات رايحة جاية زي ما تكون بتلين :102: وشوية طايرات ميضرش انا بقى ربنا رزقنا بغرفة على الشارع ولو جدعة نامي يا روني وسط الحرب دي :107: بقيت اردد بقى طول اليوم انام انا فين بقى ؟؟ حد بقى يستظرف ويقولي :112: في المطبخ في السطوح في الجنينة في اي داهية :49: كان معكم من قلب الحدث محدثتكم روني ..~ |
ههههههههههههههههههههههههه مش بيقولوا فى المثل اللى مايرضاش بالخوخ يرضى بشرابه ههههههههههههههههههههه حد يسكن جنب الناس دى ؟؟؟ الله يكون فى عونك مع تحياتى |
هههههههههه الله يكون في عونك اعملي حيطة مانعة للصوت وانتي هتنامي مبسوطة |
يابنتى هى ( مدينه نصر ) ناقصاكى بصى هقولك حاجا دلوقتى الناس بقت تخرج برا ( مدينة نصر ) لعدة اسباب منها القرف والزحمة مع انك بتكلمى عن مكان المفروض انه من احسن الاماكن فى مصر عموما عايزة تريحى دماغك اطلعى على ( العبور ) ( التجمع ) ( الرحاب ) ^_^ زى مانا ماعملت كدا ^^ |
وتنامي ليه اصلا هيه البلد ناقصه حد ينام في الوقت دي لزم تسهري علشان مصر تكون في امان هههههههههههههههههههههه |
اقتباس:
هو في حد بيعرف يهزر مع الجماعة دول نورتيني ايمليا |
اقتباس:
يعني اتكل على الله وانفذ ^ــــ^ |
اقتباس:
مهو مش بمزاجي لوحدي نورتني بس برضه مقلتش انام انا فين بقى ؟ |
ههههههههههههههه لابجد صعبتى عليه بصى محدش فينا اصلا بينام تنامى ليه بقى واحلى حاجه تعمليها عشان تنامى اضربى حبيبتن وانتى هتبقى كويسه ان شاء الله |
اقتباس:
ده انا اول واحدة اتسرقت مش لما احمي نفسي الاول ^ـــ^ |
اقتباس:
مش تقوليلي بقى ^ـــ^ |
مقدرش اقول عشان المكان كلو متراقب ياقمر ^_^ |
اقتباس:
هههههههههههههههههههههههه مصر كلها تعلم ان المعادى طول عمرها هاديه وامنه جربى وقوليلى على النتيجه |
طيب انتى اهون انا بقا سكنه جمب المطار ههههههههههههه الله يكون بالعون |
اقتباس:
|
اقتباس:
تمام تمام تمام |
تعالى عندنا الصعيد يا رونى :( مش عندنا الوش دا خالص اى حد هيتظاهر من الاخوان هنطخه بعيار على طول مش ناقصين وجع دماغ و سوهاج عندنا اخر فرفشه و روقان و هنجمعلك عريس من هناك كمان يلآ افرحى ^_^ |
ههههههههههههه بجد قلبي عندك ربنا يصلح الحال يااارب ونقدر نغمض عيوننا من تاني بأمان تعالي نامي عندنا احنا نتشرف بيكي ياقمر |
هههههههههه انا بقول تعملى خطه اول خطوه تطلعى فى البلكونه او الشباك وبعدين تخلى اى دبابه معديه وتصوريها ومش تنسى الفلاشات وكده يتقال انك بترقبيهم يجوا ايه بقآآ يجوا قبضين عليكى اشتباه وتلبس كمآآن =)) يقوم ايه بقآآ يدخلوكى نزيله لها مكانتها طبعا ويجبولك لبس جديد لونه ازرق وابيض وياكلوكى ببلاش وتنااااااااااااااامى شوفتى الخطه الكميله دى يلا ادعيلى بقآآ ههههههههههه |
مفيش احسن من العبور ولا بدر ما حتسمعى اى صوت خالص وتنامى برحتك خالص |
هههههههههههههههه يا قلب امك الحل تهجي م البلد خالص انا اصلا مش عايشة في مصر :09: يعني بنام براحتي :18::d |
الساعة الآن 09:00 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب