منتديات بنات مصر - نتيجة التصويت لاافضل رد صعيدى

مساء الخيرات اجمل اعضاء بااجمل منتدى
اليوم الاعلان عن افضل رد صعيدى عن الموضوع ده

اقتباس:

المشاركة الأصلية كتبت بواسطة قيثارة الصمت (Post 4216745)

http://www.mayyar.com/album/data/thu.../32/saeedi.gif

الحقنى ياخوى الحقنى
عليوه عيضيع عقلى
ياريتَــــــــه ماتجوزنى
طخه ياخوى ريحنى
مالك يابت انطقى
كاتمه ياخوى ف قلبى
عاوزنى اقلد نانسى
مش عاجبه ياخوى خلقتى
قال ايه قال اتمكيجى
احمر واخضر واتذوقى
يبص ويقولى اتفرجى
طب مانا زى ماخدنى
ناسى ساعة ماغزلنى
وان قولتله لع يافقرى
يسبنى وع النت عيجرى
يكلم بنات اجنبى
يعاكسهم يابوى ويغيظنى
وان روحت اشتكى لامى
تقولى روحى يابتى
ده جوزك برضك ياعنى
طاوعيه وبلاش تعاندى
كنها ماخلصت منى

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

سلام عاد كبير قوى لـ اجدع صعايده بالمنتدى
بس ياريت الرد يكون بشروط ياخوى
يكون كلامك حلو وزين
رد صعيدى عترد بيه وراح نختار اجمل رد فى اللى اتقال
لجل مايكسب
كام ياخال ؟؟؟؟
25 مشاركه

واشوف بقا ردودكم الصعيديه

ودى كانت الردود بالترتيب

اقتباس:

المشاركة الأصلية كتبت بواسطة طبيب الهوى (Post 4216812)

خيتي جايه تقول الحقني ياخوي

يا ام عين تندب فيها رصاصتين

نسيتي عركتك مع بهانه مرتي

وعاوزاني اطخ جوزك عيارين

يا قسوتك وبجاحتك يا بت ابوي

تبيني اخسر عِليوه وِلد حَمَدين

واعصىَ امي برديك يابوووووي

ارجعي لدارك وربي عيالك

وحِبي على يد جوزك وحماتك

والا بيدي اوديك سراية المجانين :24::24::24:

اهو اخلص منك واورث الفدانين :24::24::24:

شوفي بئا يا منه ده الرد اللي جه في بالي دلوقتي

يمكن بكره لما اقراها تاني يتغير

بس من غير ما تحلمي كتير

بالصعيد ما في شي اسمه عصر الحريم

اللي تعصى بوها ولا خوها ولا جوزها

تتقطع قطيع وديتها ملاليم :24::24::24:

اقتباس:

المشاركة الأصلية كتبت بواسطة خارج عن القانون (Post 4216851)

يا بت متسيبى نفسك ليه

ومالغالى قوام طلبيه

احمر ازرق وهاتيه

يقعد جمبك ويحبك

لشقرة تلهفه منك

وتجيلى تنوحى وتبكى

وتقولى الحقنى يا خوى الحقنى

اقتباس:

المشاركة الأصلية كتبت بواسطة بلدنا في القلوب متشاله (Post 4216863)

يا بوووووووووي

ايه الكلام الجميل جوي دِه

اجولك ايه عاد..

صعيديه بحج وحجيجي

انتي يا بت بلدياتي ولا يه؟

يلا يا بتي العوافي انا بجا...

اقتباس:

المشاركة الأصلية كتبت بواسطة Ro♥ony (Post 4216866)

اجري يا بت روحي لجوزك
بوسي على ايده ودلعيه
اتكحلي ومن الاحمر والابيض وريه
مرة نانسي ومرة هايفه ودوقيه
من الحب والجواز يا بنتي شبعيه
خليه يقول قطيعة تقطع الجواز
واللي شار عليا بيه

اقتباس:

المشاركة الأصلية كتبت بواسطة السفيره عزيزه (Post 4217146)

بسم الله الرحمن الرحيم

يا ماكلهم أكتمى كفينا طخطيخ
ورَاجلك دا جستمتك عرفه البطيخ
اقفلى خاشمك واسكتي وكفياك نفيخ
والكبير كبير يا حرمه وبطلى صَرِيخ
اصل وراس بوى عتريس وِلد الشيخ
أَتَويكِ والدبان لزرق ما يعرف لك تاريخ
تغورى بوسى على يده. عوزه تفضحينى
إياك.واله اطخك بيدى طخيخ

مع احترامى الشديد للصاعيده
اصل دى اول مره اتكلم فيها صعيدى
بس مش اخر مره. لهجتهم حلوه

السفيره

اقتباس:

المشاركة الأصلية كتبت بواسطة ابو احمد الهلالى (Post 4217663)

مالك يابت ابوى
احنا ماورناش غير عليوه ولا اييه

شوفى اسمعى كلام امك زين

ربنا يهديكى

اكتبى ياحبيبة اخوكى

هكون دايما متابعك

دول الاعضاء اللى شاركو
وكانت النتيجه لصالح
طبيب الهوى هنا بالرابط ده

http://forums.banatmisr.com/msryat440639/

الف مبروك 25 مشاركه

وانتظرونا الاسبوع القادم مع موضوع جديد وقضيه جديده ومع افضل رد
ومفاجأة اخر الشهر ان شاء الله