تضامنا مع الشباب الطفسه مع (سارة.سهر.آيه.مورى.ايميليا) السلام عليكم ـــــــــــــــــــــــــــــــــــــــ حمد الله على سلامتى الاول وحشتونى كتير كتير بعد غياب دام مش عارفه اد ايه رجعتلكم تانى بالدروس الجامده فى الحياة الزوجية هتخلى الشباب والبنات ميه مية ودرس النهارده عن الاكل وخصوصا عند الشباب تعالوا نشوف عضوتنا الامامير قالوا ايه ومع أول عضوة سارة بنت مصر والسؤال كان لو مخطوبة وخطيبك من النوع اللى لما بياكل تحسى انه بيتخانق ويقطع الاكل اكنه بيدبح وكل شويه يخبط ويرزع فى الطبق رد فعلك هيكون ايه وهل طريقته دى تخليكى تعيدى تفكير فيه مره تانية ؟ ردت سارة وقالت انتى احرجتينى اولا هعلمه اتيكيت التعامل مع الاكل واقوله كده مينفعش وطريقته دى عادى هتعامل معاه لغايه مايتعلم (عثل وربنا:110: تبئى خلى الاتيكيت ينفعك بئا) http://img84.imageshack.us/img84/5426/ra6gcofusszj.gif تانى عضوة Aya 7ekaya والسؤال كان لو مخطوبه وعزمتى خطيبك عندكم ولقتية من النوع اللى مش مهتم بنوع الاكل ولا يقول حلو ولا وحش ولا محتاج ملح ولا مستوى ولا بيعلق اى تعليق هتعملى معاه ايه وهل ممكن طريقته دى تخليكى تعيدى تفكير فيه مره تانية ؟ ردت ايه وقالت هههههههه لالا زى العسل والله ده جيه ف ملعبى وراجل طيب مش احسن من واحد كل مااعمل اكله يقعد يعلقلى عليها هههههههههههههه هاتيلى من ده (البت واقعه ع الاخر ههههههه:109: وبالمره كل يوم كده احكيله حدوته قبل النوم ) http://img84.imageshack.us/img84/5426/ra6gcofusszj.gif تالت عضوة موري كول والسؤال كان لو مخطوبة وخطيبك من النوع اللى لما ياكل يا كل بسرعه واكن فى حد بيجرى وراه هتعملى ايه معاه وهل طريقته فى الاكل ممكن تخليكى تعيدى تفكير فيه مره تانية ؟ ردت مورى وقالت لا الحمدلله مش مخطوبه لسه بدري عاده الاكل بسرعه دي حاجه وحشه اوي وتكسف بس لو خطيبي كده وانا بحبه طبعا هحاول اغير فيه العاده دي اما لو انا مش بحبه فــ ساعتها هغير رأيي واعيد تفكير فيه (فى حد عنده عريس :116: اهااا حنينه اوووى يابنتى ) http://img84.imageshack.us/img84/5426/ra6gcofusszj.gif رابع عضوة رائحة القهوة والسؤال كان لو مخطوبة وخطيبك بيحب الاكل زى عينيه ومعظم حوارته معاكى عن الاكل وجى عندكم وكل مره يجى يقولك الله ريحه الاكل تجنن هتقولى عنه ايه وهل ممكن طريقته دى تعيد تفكيرك فيه ولا لاء ؟ ردت وقالت ايه الطفاسة دي ههههه ع كدا اكيد هيكون بكرش وانا بكره شكل الراجل بكشر وخاصة لو همه ع بطنه بس لكن لو هو طيب وكيوت ولزيز ومثقف بس بيحب الاكل معايا هيكره الاكل لاني مبعرفش اطبخ اصلا ولسة بادية اتعلم وع موصل لمرحلة يقول فيها الله ايه الريحة دي قدامو زمن المفروض يعني ميكونش محور كلامنا عن الاكل لانو كدا ممكن يشبعني اصلا ومكلش وانا اخس وهو يتخن هحاول معاه وهتكلم معاه في الاكل خاصة اني بحب اتذوق وريحة الاكل بتجذبني لكن بحدود اكيد هقولو ع الي بحبو والي مش بفضلو عشان ياخد باله عشان فعلا الموضوع ممكن يطور ويطلع زي مسلسل مذكرات زوج كرشو قدامه والاكل بالنسباله هو الجنة وصحيح كل راجل بيحب الاكل ومعدته دي عاملة زي قلبه بس ياخد بعين الاعتبار ان الست الي معاه مش شيف يعني وهتقعد تتفنن ليه طول الوقت يهدى كدا ويركز في حاجات اهم عشان علاقتنا تنجح مع اني اشك ان مع حد بيحب بطنه تنجح وشكلي كدا هعنس فعلا وهعيش single حتى الموت (ياختى احسنلك تعيشى سنجل :113: بدل ما تقولى عااااش الكرش عاااااش وتبئى انتى وهو شبه بعض واهو بردوا الراجل من غير كرش زى البيت من غير عفش :24:) http://img84.imageshack.us/img84/5426/ra6gcofusszj.gif خامس عضوة SaHaR..! والسؤال كان لو مخطوبة وخطيبك من النوع اللى بيقرف من الاكل ويقولك يع السمنه كتير ويك الملوخية تقيلة والمكرونه معجنه هتعملى ايه معاه وهل طريقته دى ممكن تخليكى تعيدى تفكيرك فيه مره تانية ؟ ردت سهر وقالت خطيبي انا اصلا فاشله في المطبخ ومش بعرف اعمل حاجه فهو بئا هيعلمني هو بيحب الحاجات ازاي وامري لله (جبتك يا عبد المعين تعينى طلعت ياعبد المعين خيبه ههههههه) (وانا هقولك جوزك على ما تربييه هههههههه مش هو اللى يعملك ) :102: http://img84.imageshack.us/img84/5426/ra6gcofusszj.gif نيجى للدرس يمكن تستفيدوا حاجه ولو مش استفدتوا احسنلكوا اكيد هههه لو خطيبك عنيف فى الاكل ده ياختى شخص عصبي جدًاااا.. ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين.. يهدى.. ويقول لك: "سوووري يا روحي هي جت فيكي.. معلش" وانتى بئا نيجى نزورك فى المستشفى اما بئا لو من النوع اللى مش مهتم بالاكل اذا كان حلو او لا يبئا انسان مالوش لرمه وزى قلته وانصحك بدل ما تتجوزية اتبنية احسن :24: :24: لو خطيبك بئا من النوع اللى بياكل بسرعة ده بئا شخص بيجيله حالة صرع معوي.. ويقوم من ع الأكل قبل أي حد تاني يبئا متسرع.. ومتهور في اتخاذ قراراته وممكن بعد الجواااز يكتشف إنكلستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..إخلعي إنتي بدري أحسن لكرامتك نيجى بئا للطفس بتاع بطنه هههه ده بئا ويقعد ياكل ويحشي لحد ما يغمى عليه.. يبقى إنسان.. وهوائي..وطايش.. وأوعي تتجوزيه أحسن ياكلك وانتي نايمة :24: :24::24: نيجى بئا للى بيقرف اللى يفقع المراره نصيحتى توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زى الشعرة م العجيييين :18: :18::18: والأحسن من ده كله..... مالها القعدة ف بيت أبووووووووكي ارحم بكييييير ههههههههههههههه نصايح من دهب اهى اظن ولا هتلاقوا حد ينصحكوا كده :112: استنونى فى الدرس اللى جاى مع اعضاء جداد |
خطيبى طلع مالوش لزمه هههههههههه كده ي اسيل ماشى بس انا موافقه |
وربنا انتي مشكله يابنتي والله انا كان هيغمي وافطس من الضحك وانا لما بتفتح في الضحك مش ببطل يعني ممكن افضل اضحك زي الهبله لحد الصبح هههههههههههههههههههههههههههههههههههههههه درس يموت من الضحك والله وخصوصا التعليق اللي في اخر كل نصيحه اقتباس:
|
مش لما حد يعبرهم ويتخطبو الاول تبقى تسئليهم دى اتخن واحدة فيهم بتعمل ( بطاطس محمرة ) وبتحرقها |
ههههههههههه فكل الاحوال بلا خطوبة بلا نيلة ايه القرف ده يا بنتي بس دروس مفيدة جدا الصراحة :d |
هههههههه جامد ياقمر |
هههههههههههههههه وحشتنا الدروس دى :102: دا طلع كله فاشل فى المطبخ :18: آه يا حوستى انا خلاص هطبخ و امرى لله :04: و من هنا ورايح ممنوع حد يدخل النقاش بكرش لازم تعمل دايت الاول علشان مشرفة النقاش ايمليا |
لا هما كلهم فاشلين فى المطبخ اخرهم يعملو مكرونة مقلية وحيغلطوا فيها كمان خديهم واعملى ليهم دورة طبخ وبعدة كدة اسئليهم بسى حوار ظريف اسيل |
حوار لذيذ جداًَ لكن الست لازم تكون بتعرف تطبخ والا هنقضى بقيت حياتنا فى المطاعم ومع بتوع الدليفرى :d تسلم ايدك - |
تسلمي ياحرف هجاء ع التوبيك والاستضافة الخفيفة اللزيزة دي وع فكرة الكرش مبيديش منظر ظريف لا للست ولا للراجل بحس انه زمان كانو بكروش وحاجات كتير وامراض المفروض دلوقي نكون اكتر وعي ولا النوادي الصحية ليه فاتحينها وكتير اوي ولا كل مكترت النوادي زادة الاوزان في الشرق والامثلة الكتير الي بتتقال عن الكرش تلاقي حد مكرش هو الي طلعها عشان يرضي نفسه:04: |
الساعة الآن 08:32 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب