مسابقة أسبوع سفارى الموضوع(2) مشاعر داخل الأتوبيس الموضوع الثانى من مسابقة أسبوع سفارى مشاعر داخل الاتوبيس. حطيت رجلى فى الأتوبيـــــــس كان يوم أربع بكرة خمـــــــــــيس ربك يبعت صحبة جمــــــــــــــيلة حد يسلى ويبقى ونيــــــــــــس ــــــــــــــــــــــــــــــــــــــــــــــــــ ـــ وربك ســــــــــــهل جانى الوعد حـــــــــــــــــــتة بنت إنما شهد أخـــــــــــــــــلاق عالية إنما إيه إســـــــــــــــــمك إيه قالت رغد ــــــــــــــــــــــــــــــــــــــــــــــــــ ـــــ يالاّ ياعم الأســـــــــــــــــــطة يالاّ يومك أبيـــــــــــــــــــض زى الفلة سوق على مهلك واحدة بواحدة معانا الصحبة ويّا الشــــــــــــــلة ــــــــــــــــــــــــــــــــــــــــــــــــــ ــــ وفجأة سرحـــــــت بعيد بخيالى فى أيام فاتـــــــــــــت ويّا ليالى أغمض عينـــــــــــى وأفتح تانى ألاقى بكــــــــــــــرةبصوته ندالى ــــــــــــــــــــــــــــــــــــــــــــــــــ ــ ساعة والتـــــــانية الوقت يفوت بكلم نفســــــى من غير صوت هى الدنيا طـــــــــريق والناس واحد ياجى والتــــــــانى يموت ــــــــــــــــــــــــــــــــــــــــــــــــــ ـ خدنا طريق صحراوى على طول سحر طبيــــــــــعة مش معقول لو تلمح مساحــــــــــات الأرض راح تنطــــــــــــــــــق الله وتقول ــــــــــــــــــــــــــــــــــــــــــــــــــ ـ صحرا بتوســــــــــــع اكبر واكبر عاوزة إيادى فيــــــــــــها تعمر تغرس فيــــــــــــــها نوايا الخير يصبح توبـــــــــــــها أخضر أخضر ــــــــــــــــــــــــــــــــــــــــــــــــــ ـــ آه يا بـــــــــــــــلادى ليه الزنقة وليه الدوشــــــــة وليه الخنقة ميدوا إيدكو الخــــــــــير كتران لو راح نســـــعى برضه هنلقى ــــــــــــــــــــــــــــــــــــــــــــــــــ ـــ فى نص طريقنــا فيه كافتريا قلنا نريح فيـــــــــــــها شوية شفت فيها جمال الـــــــنوبة ناس بالطيبة يا خال محشية ــــــــــــــــــــــــــــــــــــــــــــــــــ ضحكت واحدة لىّ ســـــــمارة آه يانا غلبى وآه يا خســـــــارة تقولش النور شقشق فى البق وســـــــــــــط الليل ضىّ قمارة ــــــــــــــــــــــــــــــــــــــــــــــــــ خدنا طريقنا وقلنا نكــــــــــمل يالاّ يا أسطة عجل عجـــــــــل خلينا نوصل يالاّهنـــــــــــــاك لمحت عينى خلاص أبو سمبل ـــــــــــــــــــــــــــــــــــــــــــــــــ بقلم/ حجازى فارس المصرى |
أخي حجازي الله الله الله بسم الله ما شاء الله عليك أخي خاطرة عامية بنظام الرباعيات صورها لنا قلمك المُبدِع مشاعر وأحاسيس على الورق جعلتني أشعر أني بجوارك أرى ما تراه عيناك أسلوب بسيط وسلس تلقائي وعفوي بدرجة كبيرة تقييمي البسيط + ***** 5 لروعة ودقة الوصف التلقائي العفوي العذب بالتوفيق إن شاء الله تحياتي لقلمك المُبدِع والعذب أبو عصام |
الله حلو اوي جو السفاري واللمه الجميل ده اللي وصفه لنا قلمك تسلم ايدك وان شاء الله موفق |
الله عليك اخى الله عليك بجد روووووووعه اووى وعجبتنى جدا بالتوفيق ليك اخى |
اقتباس:
الجميل الرائع أبو عصام أشكر لك صديقى الجميل هذا التواجد المشرق الرائع فأنت صاحب حس شعرى راقى ...خالص تحياتى لك. |
اقتباس:
مورى سعدنا بك وبإطلالتك الراقية خالص تحياتى |
اقتباس:
أميرة تحياتى لشخصك الكريم سعدنا مرورك الراقى عزيزتى تحياتى |
كلمات جميلة منك يا حجازى اسلوبك جميل رحلة سعيدة وموفقة بالتوفيق ليك |
بسم الله ماشاء الله فعلا حجازي انت موهبة قيمة ورائعة جدا اكتر من موقف واكتر من رباعية تمكن من ادواتك ولغتك ورباعياتك ننتظر كل جديد لك اخي بوركت يمينك الراقي |
ايه الجمال ده حجازى عظمة على عظمة صراحة تمنيت لو رحلة الاتوبيس تفضل ماشية بيك لمدة شهر مش يوم وصف دقيق لخطوات الرحلة بنظم نثرى رائع نجومى وورودى لك ووفقك الله باقى الرحلة رفعت كان هنا |
الساعة الآن 09:02 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب