رحلتى السياحية (الموضوع الثاني) سفارى بسم الله نبدأ ماكنش اليوم خميس كان يوم الثلاثاء ليه بئا علشان لمانوصل هنكون أرقهناجدا من السفر المسافة بين بلدتى والغردقة حوالى 600 كيلو فعلشان كده فكرت نوصل فى صباح الاربعاء لأن الرحلة هتستغرق يوم كامل ولمانوصل المكان والفندق أنامحتاج للنوم عميق آه أصلا بيتعبنى السفرخالص ركبنا الاتوبيس وأنتوافاكرين الواحد مابيروحش الغردقة غيرلمابيكون فصل الشتاء والجوبارد ولمابيروح الغردقة يتمتع بجوها الدافى كما هم أهل سكانها الأصليين ركبنا الاتوبيس أنا مابحبش أقعد على الكراسى الأمامية ولاكمان الأخيرة أخدت بيد حبيبتى وروحت اناوهى قاعدين تقريبا فى نص الاتوبيس بالظبط ليه بئا علشان لاقدرالله الاتوبيس لودخل فى العربية النقل اللى قدامه يموتوا اللى قاعدين من قدام وانالأ ولو دخلت فيه العربية من الخلف يموتوا اللى قاعدين ورا وانالأ ماأطولش عليكم وقبل مانقعد على الكراسى مسكت الشنطة بتعتى وبتاعت حبيبتى علشان أحطهم على الرف قالت أستنى سيب شنطتى وحط شنطتك حطيت الشنة وسألتها مستغرب ليه قالت أستنى ماتستعجلش على رزقك أصلا أناعرفاك نحيف وجسمك على أدك والجوبارد جبتلك معايا جاكت أطلعهولك لوحسيت بالرد يسلام ياحبيبتى أنتى ربنابعتك لى هدية لاياعمرى أنتى أحلى هدية تعرفى لو مش خايف من الناس يقولوعليامجانين كنت أديتك 11 بوسة عارفاك مجنون وتعملها واشمعنى 11 يعنى آه بوسة انهرده وبتاعت أمبارح لحسن من كترالتفكير فى الرحلة نست أديهالك والبوسة لماتبات تصبح بعشرة الحسنة بعشرامثالها صحبى كمان هو وحبيبته قعدوا فى الكرسى اللى ورانا كل المسافرين قعدوا مكانهم السواق شغل الكنتاك سخن العريبة راجل ربنايديله الصحة تخين أوى وزنه مقرب على نص عدد الاتوبيس وعليه حتة دين حنجرة سمعت أنفجار عنيف بيقول هاااا جاهزين مافيش حد مااركبش توكلنا على الله قريت دعاءالسفر ومعايا بتردده حبيبتى وتوكلناعلى من بيده الأمر والسواق شغل شريط قرءان وكل واحد جنب صاحبه ولاحبيبته هات يارغى وتمرساعة وفى الطريق مطب صناعى هو فى الحقيقة مأب يدبك دب وعمنا السمين ناسى نفسه وسرعة ايه العربية تطير وتنزل واحنا نخبط فى بعض كل شوية أفكرعينى تغفل شوية أصلا ماعرفتش انام امبا رح كويس أتغظت أوى من السواق ومن غير ماأعرف روحى زعقت وقولت حاسب يااسطى شوية كسرتنا الله يسترك قال حضرته حاضر ياأستاذ هو يعنى كنت أنا عملت المطبات حبيبتى الله يسترها قالت سيبك منه يارفعت اشمعنى انت بس اللى مقهور منه ولسة بتقول كده ولقيت روحى مخبوط فى سقف الاتوبيس فوقت من الخبطة وروحت قايل شكلك ناوى اتموتنا غضب وقال أييييييييه فيييييييييه أييييييييه هو أحنا مانعرفش نسوووووووووووق ولاأييييييه بينى وبينكم خوفت وقولت لأ أنت أجدع سواق بس إحنا مابنعرفش نركب مشينا كتير ماأعرفش كام كيلو مشناهم وفى استراحة حود السواق علشان يملا كرشه أكيد فضى من كتر المطبات نزلنا وكل واحد أخد صحبه صحبته وقدعت أناوحبوبتى وجمبينا صحبى وموزته أكلنا اللى فيه النصيب وأنابحب الكابتشينو وخاصة لمااكون مسافر طلبت اربعة خلصنا ودفعنا الحساب وركبنا تانى ومشينا وفى وسط الطريق ووقفنا يا ألبى ليه ياعم الاسطى قال انت مش سامع ضرب النار آه صحيح دا أحنا فى قلب الصعيد وربناكرمهم وراس مالهم ذخيرة وسلاح أنتهزت اناالفرصة ومافيش حركة قولت اغمض شوية ماحصلش قالت غاليتى شايف يارفعت بص الراجل راكب الجاموسة بصيت قولت سبحان الله الفلاحين عندنابيركبو الحمير وهنا الحكاية غيرناخالص أفتكرت أنا لما روحت اناوحبيبتى زيارة مرة للأهرامات وهناك شوفنا الجمال وهى أصرت تركب الجمل وركبت ولسة الجمل بيقوم راحت صارخة وقالت للراجل حلفتك بربنا تنزلنى ضحكت وفكرتها الحكاية خلاص قربت الشمس تودعنا والليل شايفه جاى من بعيد والسقعة بتاعت الليل لبست الجاكيت لسة قدامناحوالى سعتين كمان على بال مانوصل حسيت بجوع أخدت ساندوتش وعصير فواكه بالحليب وقالت حبيبتى تعرف يارفعت أنا اتوحشت أمك غريبة اول مرة تقولى كده وكمان عمرى ماشوفت وحدة تحب حماتها خالص وهات ياضحك كنا وصلناباب الفندق وأشوفكم فى الحلقة الجاية ونكمل الحكاية مع السلامة أحبابى كان معكم أخوكم رفعت |
يا حكاياتك يامتواضع وياتحبيشاتك يامتواضع !!! طيب منتظرين بقا باقي الرحلة ربنا يستر ان شاء الله |
اقتباس:
ربنايرجعنا على خير بعد مانتمتع بالرحلة شرفتينى مودتى |
هههههههههههههههههه ايه يا عم رفعت ده هو انت حظك كده دايماً سواق وزنه وزن نص الاتوبيس ومطبات كمان طيب بذمتك غازلت حبيبتك ازاي في الجو ده أنا لو منك كان ساعات الرحلة بالنسبة لي يمروا كأنهم لحظة بجوار حبيبة القلب الله يتمم لك على خير فيما يحبه ويرضاه آمين ومبروووووك على الماجستير وعقبال الدكتوراه إن شاء الله وسوري بئا يا رفعت للتأخير لأني لسه عارف النهاردة بالتوفيق إن شاء الله في المُسابقة تقييمي البسيط + ***** 5 للمطبات الصناعية واصطدام رأسك بسقف الأتوبيس :24::24::24: تحياتي لقلمك المُبدِع والراقي والعذب أبو عصام |
هههههههههههههههه من اولها كده طيب ربنا يستر وترجع بالسلامه ورحله موفقه |
اقتباس:
بارك الله فيك على تهنئى للماجستير وبعدين ماجتش متأخرة ولاحاجة كلها كانت يوم الاربع الماضى واشكرك جدا على التقييم والردالذى اثلج صدرى ربنامايحرمنيش منك ياغالى تقبل تحياتى وودى وادعيلى ارجع من الرحلة سالم |
اقتباس:
كويسة دعواتك ربنايستجيب ونرجع اناوحبيبتى سالمين مودتى |
ههههههههههههههههههههههههههه أحلى حاجة عندل إنك بتغلب عليك روح الفكاهة جمييييييييييييييييييل ورائع عرضك للرحلة لكن. .ياعزيزى مابلاش حكاية السلاح فى الصعيد والجاموسة اللى بيركبوها دى .ههههههههههه أنا من الصعيد واحنا مش للدرجة دى يعنى لكن زى بعضه ياعم مقبولة منك ههههههه تحياتى |
اقتباس:
طبعا يشرفنى ويسعدنى أنك من أهل الصعيد الكرام وأنابرضو ابن عمك من الصعيد ولاحضرتك ماشوفتش البيانات ومحل الميلاد مكتوب بالعربى قدام حضرتك أسيوط ومن البدارى لوكنت تعرفها يعنى جنب سوهاج مباشرة شرفتنى ونورتنى بمرورك ياغالى وحكاية السلاح دى مش محتاجة أناأعرفها للناس يارجل مافيش بيت واحد إلا ومليان سلاح أنت الغالى وانت أسعدتنى بتواجدك مودتى |
هههههههههههههه لاء حلوه طب مش اتعورت من المطب ايه ده هههههههه جميله اخى بالتوفيق |
الساعة الآن 05:28 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب