منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   ( الاخوان ) و ( الداخليه ) (https://forums.banatmasr.net/msryat442231/)

morshooo 11-05-2013 12:17 PM

( الاخوان ) و ( الداخليه )
 

بسم الله الرحمن الرحيم

مزاج الخيرات :d

طبعا كلنا تابعنا امبارح احداث محاكمه ( المعزول )

وشكل المنتدى كدا هيرجع تانى لجو المشاحنات ودا طبيعى اصلنا فـ ( مصر ) ^^

الموضوع انا هكلم فيه باختصار شديد وكلامى طبعا بيعبر عن رئى الشخصى

1 / جماعه الاخوان و مؤيدى رابعه

2 / الشعب والداخليه ( البلطجيه )

(الاخوان ) الاغلبيه خلعو عباءة الاخوان ومبقتش تسمع عن اخوانى

كل اخوانى ( سابق ) بقى يستعر من حزبه السابق ويقولك لا انا ( رابعه )

طيب ( مؤيدى رابعه )

انتا اخوانى

لا انا مش اخوانى والا مؤيدهم

طيب انتا بتدافع عن ( مرسى ) ليه

عشان ( الشرعيه )

طيب هى ايه الشرعيه

انه يكمل فترته

يعنى يكملها حتى لو انتا متاكد انه لا يصلح

اصل انا ضد ( الانقلاب )

وهى رغبه الشغب والاغلبيه من الشعب بقت ( انقلاب )

طيب ما احنا كمان من الشعب وعايزينه يكمل

يكمل مع انك متاكد انه لا يصلح

............. الخ

دا حوار حصل وبيحصل وهيحصل كتير

بس السؤال الدائم الى هم اصلا مش عارفين يجوبوه ( مؤيدى رابعه )

ازاى بتدافع عن شخص لا يصلح بحجه ان دا ( انقلاب ) ؟

وقدامك حاجا من اتنين يا تقول وتفخر بانك ( أخوانى ) ودا مش هيحصل

يا اما تقول سبب ( دفاعك ) عن ( شخص ) لا يصلح .

حاجا كمان قبل ما اخلص النقطه دى .

مفيش حد محلل ( موت ) الاف الناس الى ماتت سواء بسلاح

الداخليه او الاخوان

ومفيش حد هيحلل ان كل واحد فى كل حوار يقول

انا ( ماتلى ) فلان وعلان وزميلى ........ الخ

لان ملاحظ سواء هنا او عموما كل واحد ( مؤيد لرابعه ) لازم

واجبارى ان يكون فى حد يعرفه ( مات ) فى احداث رابعه

وبخصوص هنا فى المنتدى طبعا ( صفحات الاعضاء ) موجوده

وهنلاقى بنسبه 80 % كل اعضاء المنتدى المؤيدين ( ماتلهم ) حد .

2 / الشعب والداخليه ( بلطجيه )

فى ناس بتقول ان الناس الى نزلت فى ( الاتحاديه ) و ( التحرير )

ناس مابتفهمش واغلبهم كانو المسيحيين .

والجيش وهمهم بالتصوير

ان دى ملايين مع انهم اعداد قليله وتيجى تكلم مع واحد منهم

لازم يقلل من الاعداد الى نزلت .

مع ان فى الاول والاخر احنا ( دوله ) يعنى لازم يكون فى

اغلبيه و اقليه فى ( الرئى )

وبما انكم بتطالبو ( بالديمقراطيه ) يبقى لازم ( رئى ) الاغلبيه يتنفذ

ودا اتعمل من ( الجيش ) الى البعض بقى يقولك انا ( لا افتخر ) بيه

( الداخليه ) الناس بتكلم عنهم وكأنهم ( عدو ) ناس قتله فقط

مفيش حاجا بيعملوها الا انهم ( بيقتلو ) والانقسام الحالى طبيعى جدا

ناس ( مع ) و ناس ( ضد ) .

وطبعا شغل الفيديوهات اشتغل وشوفو بيعملو ايه

وشوفو الداخليه الى فضت ( اعتصام رابعه ) و ( النهضه )

مع انى ممكن انا كمان اقول .

شوفو الداخليه الى حمتنا من ( الاخوان )

صحيح حاجا بس بسيطه كدا .

لو واحد جالك تحت بيتك معاه يجى ( 50 واحد )

ووقف وقعد يشتم فيك انتا واهلك والعائله الكريمه

تصرفك هيبقى ايه ياترى هتطلع تحييهم من البلكونه

وتقولهم اطلعو كملو عندى فوق وتعزمهم على شويه شاى

والا هتتصرف معاهم ازاى ^^

مع العلم ان الناس الى تحت دى جايين ومعاهم ( سلاح )

حتى لو ( سلاح واحد فقط ) وبيضربو بيه .

انا مش بدافع عن ( الداخليه ) من باب الدفاع ولكن .

الداخليه اتغيرت دلوقتى غير الاول انا كنت فى وقت من الاوقات

بشوف تصرفاتهم فى الشارع واقل عسكرى كان يحسسك انه والا ( مبارك )

دلوقتى الوضع اختلف ومش عيب لما يتغيرو نقول انهم اتغيرو .

فى منهم لسه ماتغيرش اكيد مش كله هيتغير بس الاغلبيه بيحاول .

مع العلم : انى مقتنع تماما ان الداخليه ليها تجاوزات كتيره

مع المتظاهرين والعكس كمان .

اخيرا :

سواء انتا مؤيد او معارض كلنا ( مصريين ) والتغيير لازم يبدء بينا كشعب

الاول لو كل واحد عرف ليه ايه وعليه ايه فى المجتمع هنتغير

لو الرشاوى والاستغلال انتهو من البلد هنتغير لو بطلنا نضحك على بعض

بكلمتين ونوهم بعض ان الدنيا حلوه البلد هتتغير .

كمان فى المنتدى كلنا لازم نتغير كل واحد وليه رئيه السياسى يعرضه

مفيش مشكله . بس مش شرط اننا ندخل نقول كلامك صح .

ملحوظه :

كل واحد يدخل اليوتيوب ويكتب الاتى :

تطاول الداخليه على المتظاهرين

وكمان

تطاول الاخوان على الداخليه

:04:

game010 11-05-2013 12:27 PM

دونت ميكس :)

حَرفُُ هجآءّ 11-05-2013 12:29 PM

والله تستحق تقييم و5 ستارز
وتثبيت كمان

حَرفُُ هجآءّ 11-05-2013 12:32 PM

صحيح نسيت اقول حاجه انا مش اخوان

morshooo 11-05-2013 12:33 PM

اقتباس:

المشاركة الأصلية كتبت بواسطة حَرفُُ هجآءّ (Post 4233785)
والله تستحق تقييم و5 ستارز
وتثبيت كمان

اخيرا حد ثبتلى موضوع فى القسم
تسلمى على التثبيت
والتقييم والنجوم
بس مستنى التقييم ^_^
عشان موصلش

أمواج الرحيل 11-05-2013 12:34 PM

اخى دول اصلا تقولهم يمين يمين شمال شمال مع احترامى للمؤيدين لشخصهم ليس اكتر

يعنى انت بتقول انهم كل الا يعرفو عن الشرعيه انو يقضى فتره حكمه حتى لو على حساب البلد ودا بقى يعنى الا هينقذ البلد اصلا البلد واقعه دا واحد من اول ما ممسك يقولك حق الشهداء فى رقبتى حق الجنود الا ماتو وهما وقت الفطار برمضان برقبتى انا ابن عمى كان فى رابعه ومصور احداث الجزيره الخنزيره الا مبيتفرجش عليها غير المغيبين مش بتجبها واقفش اكتر من فيديو للجزيره مضروب على الموفى ميكير والسونى فيجس يعنى يلبسو كل حاجه للجيش ياما يجيبو بلطجيه ويلبسوهم لبس جيش ويقوللك شوفو الجيش بيعمل ايه

بصراحه المشكله بقت دلوقتى مش فى انك مؤيد او معارض المشكله مين الا يمشى رئيه على التانى حتى لو با الباطل

واد حبيب 11-05-2013 12:36 PM

ياريت والله الكل يعمل لمصلحت البلد
مش لمصلحه جماعه او حزب
احنا كلنا اهل بلد واحده وعايشين علي ارضها

حَرفُُ هجآءّ 11-05-2013 12:39 PM

تم التقييم

واد حبيب 11-05-2013 12:47 PM

انا عوز تقيم انا كمان
ههههههههههههههههه

حَرفُُ هجآءّ 11-05-2013 12:52 PM

اقتباس:

المشاركة الأصلية كتبت بواسطة أمواج الرحيل (Post 4233802)
اخى دول اصلا تقولهم يمين يمين شمال شمال مابيفهموش بمعنى الكلمه مع احترامى للمؤيدين لشخصهم ليس اكتر

يعنى انت بتقول انهم كل الا يعرفو عن الشرعيه انو يقضى فتره حكمه حتى لو على حساب البلد ودا بقى يعنى الا هينقذ البلد اصلا البلد واقعه دا واحد من اول ما ممسك يجعر ويقولك حق الشهداء فى رقبتى حق الجنود الا ماتو وهما وقت الفطار برمضان برقبتى روح يا شيخ ان شاء الله تقطع رقبتك فى نار جهنم يا بعيد انا ابن عمى ان فى را بعه ومصور احداث الجزيره الخنزيره الا مبيتفرجش عليها غير المغيبين مش بتجبها واقفش اكتر من فيديو للجزيره مضروب على الموفى ميكير والسونى فيجس يعنى يلبسو كل حاجه للجيش ياما يجيبو بلطجيه ويلبسوهم لبس جيش ويقوللك شوفو الجيش بيعمل ايه

بصراحه المشكله بقت دلوقتى مش فى انك مؤيد او معارض المشكله مين الا يمشى رئيه على التانى حتى لو با الباطل


لو سمحت ممنوع اهانه الاشخاص


الساعة الآن 02:02 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w