|
حملة فى (حب مصر بدايتها من منتدى بنات مصر السلام عليكم ورحمة الله وبركاتة فى حب مصر مصر فى قلوبنا كلنا نعمل أية على شان حبنا يوصل لمصر ألى مأيد بيقول بحب مصر وألى معارض بيقول بحب مصر ؟ دلوقتى مصر محتاجة مننا أية ؟محتاجة أننا نضرب فى بعض ونطعن فى بعض ونقتل فى بعض ونشتم ونسب فى بعض , هل دة مصر ألى عايزاة مننا ألى مسافر دة ومتغرب وخايف على بلدة لما يكون عندة أسرة وأهل وعايز يرجع يشوفهم بالسلامة, وألى جوة مصر شغال طول اليوم وعايز يرجع لولادة يطمن عليهم وألى محتاج للأمان والأستقرار, الاستقرار هو الأستقرار حيجى مع الدمار ولا حيجى من تدهو الأوضاع. لو بصينا للعملية حتلاقى أن كلة بيكمل بعضة أستقرار يعنى أمان أمان يعنى أستقرار ,استقرار بيعنى أستثمار بيعنى أنشاء وتوفير فرص عمل وتحقيق رخاء تشغيل بيعنى محاولة القضاء على البطالة , أنشاء مصانع وتصدير وحركة تجارة بيعطيك طفرة فى الأقتصاد شغل وحركة فى المقومات ألى عندنا فى مجال السياحة فى مجال البناء والتعمير , من حق كل شاب وكل فتاة وكل راجل وكل طفل وكل أمراة أنة يعيش حياة كريمة, دة حقهم يا ترى حقهم على مين على مصر ولا علية وعليك على كل واحد مسئول, فين شباب مصر فين طبقة المثقفين الى مع بعض متخانقين وفى كل حوار فى بعض ماسكين ألى حتى على الكلمة لبعض ماسكين فين دورنا أحنا كشباب خايف على وطنة هو فية وطن حيقوم كدة لوحدة من غير حد ما يسندة , التغيير مطلوب أنت أخوية وأنا أخوك ودى بلدنا ألى تربينا عليها وعشنا فيها وكل واحد ليها فيها ذكريات سوء حلوة أو مرة عايز تعرف قيمة وطنك أسال أى حد بعد عن وطنة وبيتمنى أنة يرجع هو الى متغرب دة مش حابب يرجع بلدة لو لقى ألى يوفرلة حياة كريمة حيفضل متغرب عنها على طول؟ القضية هى صعبة ومش سهلة بسى يا ترى حنفضل كدة على طول ؟ اليوم حنزل حملة فى حب مصر لنبذ العصبية للحب للتأخى للكلمة الطيبة للذكرى الحلوة لزيادة سعة روح المحبة والأحترام للتسامح حملتنا هنا ألى شايف حاجة غلط يصلحها ألى زعلان من حد يصارحة ويعاتبة أنا الواحد عاش اليوم مهو ضامن يعيش بكرة , تعالو نحط أيدنا فى أيد بعض وأنا أولكم ألى زعلتة فى حاجة يقلى وألى مزعلنى فأنا مسامحة ,لأن الى بيحاسب هو ربنا وأحنا بشر ومحدش معصوم من الغلط , الحملة دى فى حب مصر وحنبدأها من هنامن جوة منتدى بنات مصر وهى من غير جوايز لأنها فى حب مصر هو حب مصر محتاج جوايز مننا ؟ ألى حاب يشترك معانا فى الحملة يحط أى صورة من الصور دى فى توقيعة, وألى ما حابب يشترك لة حرية الخيار,, http://banatmisr.com/up3/uploads/1384016306163.jpg http://banatmisr.com/up3/uploads/1384016306071.gif http://banatmisr.com/up3/uploads/1384016376671.jpg فى أمان الله |
اكيد كلنا بنحب مصر ومستعدين نقدم اى حاجه عشان تبقى احسن بلد فى الدنيا وده هايبدأ من جوانا ومن علاقتنا ببعض نبعد عن اى خلاف وفتن ممكن تزود الفجوة اللى بينا وكل واحد فينا يفكر ازاى هايطور ولو جزءبسيط من بلده لو البيت اللى ساكن فيه او الشارع يساهم فى بناء بلدة ويبعد عن الفتن والنزاع ينجح فى دارسته ويكافح فى عمله ويخلى اهم واول حاجه فى حياته حب مصر تسلم على المبادره الجميله ياامجد واكيد كلنا هانشارك وهانشوف الفرق قريب ان شاء الله |
من يحب بلده لا يحتاج الا لان يكون مؤمنا بحب وطنه من الاعماق معاك في الحملة سلمت ع المبادرة |
لفته جميله منك امجد كلنا اخوه وياريت من موضوعك ده نمحى اى خلافات موجوده ونبدا من جديد بدايه جديده فى حب مصر رخاء وتعمير وود معاكم انشاء الله |
اكيد طبعا معاك يا أمجد عشان الوضع بقى يزعل فعلا تسلم ع الأفكار :113: |
الله ^__^ كااان ناااقص التفاااؤل ده كتيـــر :) اكيــد مهما حصــل و مهماا بيحصــل لااازم نتخذ موقـف لكل ده و ننسى الكســل بقى و نبدأ من جــديــد ^^ معــاك اكيـــد و بالتووفيق يــارب بقى ^^ |
اكيد كلنا بنحب مصر وعايزين نشوفها اجمل بلد وهذا لا يتأتىالا بالعمل ونبذ العنف لكى تكون مصر ام الدنيا لفته جميلة فى حب مصر |
والله بحبك يابلدي وبحب أهلي وناسي جاري وصديقي وانتي قبلهم فوق راسي ومهما تعبت وخاصمني حلمي هفضل احبك مهما شفت فيكي مآسي معاكم ان شاء الله ومن قلبي والله على ما أقول شهيد بضم صوتي لكم جميعا شكرا لك كل الشكر لهذه الحملة ويااااارب نتجمع من تاني على قلب واحد قلب محب للخير ولمصر |
الله على الحمله دى بجد احلى فرجه كمان اننا فى المنتدى نكون اول ناس يقومو بيها مصر امنا اتربينا واتعلمنا فى مصر الغالييه |
يجب ان ننبذ التعصب ولنعلم جميعنا أننا بنحب البلد دى واننا كلنا نريد لها الأفضل ، مبادره رائعه يا أمجد ومشاركه ان شاء الله موفقين |
انا معاك باذن الله يا امجد كلنا باذن الله |
مبادره جميله فعلاالله معكم والله يوحد كلمتكم |
مصر هى امنا وطننا اللى نشأنا فيه ومهما كان عمرى ما اكرهها او اسيبها و هعيش واموت على ارضها لان حبها بيجرى فى دمى مشكور اخى مبادره جميله بمعنى الكلمه معاكم ليت نعمل حاجه لمصرنا تحيتى |
لازم تحبه مصر بانكم تكونو ايد وحدة رغم اختلاف الديانة والانتماءات انتم مصريين اتفقو وكونو ايد وحدة عشان مصر تسلم ايدك |
ياله كلنا يد في يد في حب مصر |
حمله جميله جدا ي أمجد تسلم علي الأفكار الجامده دي فعلا محتاجنها في الوقت دا بالذات لإن الوضع مش بقي كويس خالص أكيد كلنا بنحب مصر ونعمل عشانها أي حاجه وكل واحد يقدر يعمل حاجه في المكان اللي هو فيه يعملها وياريت نبعد بقي عن التعصب والكراهيه ونخلي مكانها التسامح لإننا في الأول والأخر أخوات والبلد عمرها ما هيحصل فيها أي تقدم طول ما احنا عمالين نشد مع بعض أكيد معاك في الحمله ي أمجد وأي حد أنا زعلته ياريت يقولي وبتمني إنه يسامحني وأنا مسامحه أي حد أنا زعلانه منه تسلم ي أمجد |
فكـرةة جميـلهه أوي ^^ تسـلم افكارك |
حب مصر مش مجرد كلمه حب مصر مش شعار اخبطه فى توقيع حب مصر احساس وشعور وانتماء وقيمه حب الارض ممتد دربها الى شرايين دمك اه متخلفين اه عندنا سلبيات بس مش مستحيل الموضوع مش كلمات وشعارات وخطب عصماء الموضوع فى الممكن مش المستحيل ممكن نحولها لمجرد شعار نحطه فى توقيع الى نسجل كل يوم هنا عملنا ايه ليها سؤال تساله كل يوم لنفسك مش عشان تفخر بنفسك لا عشان عارف ان ابنك يوم من الايام هتسلمها له وهى احسن من ما اتسلمت ليك عشان تضمن ان بكره هيكون حلو لازم تشتغل فعشان كده لازم يكون كل شىء غايه العمل وسيله لغايه انسانيه مش عشان وسيله لماده او فلوس او تحقيق مطمع فردى لازم قيمه العمل تكون واصله للكل بشتغل عشان احسن بلدى عشان اعمل فرق فى العيشه هتفرق ؟؟ اكيد هتفرق لان لو بصيت بنظره اعمق هيكون هدفك اعظم ساحر معاكم فى حمله ده عنوان لمعانى كتيره لا اطيق انا ابوح بها نايس موضوع ودعوه عار علينا اذا لم نلبيها :) |
وسيبقى الوطن حلم الجميع ... مبادرة جميلة جدا ً يا أمجد ربنا يكرمك يا غالي وحفظ الله مصر وشعبها لكل خير خالص تقديري وتحياتي |
ربنا يحافظ على بلدنا مصر ويدينا القوه والصبر والايمان والمحبه علشان نقدر نعدى بيها لبر امان فكره جميله امجد احيك |
اعظم مارأيت لك اخى امجد وماأجمل ان نتعاون ونتسامح ونتحابب نعم معا لنبذروح العداوة نعم لروح المودة والمحبة فعلا مصرتعتبت كتير من العصبية العمياء واللى عمرشعب مصرماكان كده ابدا نقتل النساءوالاطفال نقتل الشباب والشيوخ لاحرمة لدم مصرى ليس هكذا يكون الخصام السياسى فى كل دول العالم توجد المعارضة ولكن ابدا لم تكن مثل ماآل إليه حال مصروالمصريين ومن غيرماأحط توقيع مصرهى دمى هى روحى وكل حياتى تجرى بالشرايين مادام القلب ينبض الله احفظ مصروكل المصريين شكرا لك امجد جزاك الله خيرا |
بشكر طبعا كل من أهتم وأشترك معنا فى الحملة الحملة أن كان الغرض منها معنوى فبقدر أننا هنا أشخاص تجمعنا فى المنتدى من خلف الشاشات وهناك من يعرف البعض معرفة شخصية ومنا من كانت معرفتة بالأخر عن طريق المنتدى حتى ولو بأقل القليل نقدر نعبر ونلم شملنا حتى ولو بأبصط الكلمات سوء هنا أو فى موقع التواصل الأجتماعى هى الحكاية أية فكرة وتجمعنا عليها وبنفرح لما تكبر قدام عيونا لأن ربنا جعلنا كلنا سبب فى أننا نقدم ولو أقل البسيط لوطننا الغالى مصر |
سواء مؤييد او معارض كلنا بنحب مصر جميلة اوى اللفته دى منك امجد تسلم يارب |
مهما حصل فى الدنيا هنفضل كلنا ايد واحدة ونحب بعضنا ونحب مصر يعطيك العافية على الموضوع الرائع |
الحب مش بس كلمة مش كفاية نقول ان بنحب عشان نكون على قدر مسؤولية الحب دا وحب الوطن مسؤولية كبيــــــــــــــــــرة مش كفاية بس نقول بنحب مصر واحنا بنضعفها بنحبها يبئا نرتقي بيها أو ع الأقل مش نساهم في ضررها الحب انتماء والانتماء للوطن مش للشخصيات .. أنا أنتمي لـ مصر .. شكراً أ.أمجد .. |
برافوا الحملة وبرافوا ساحر وربنا ينصر مصر اكيد كلنا بنحب مصر واكيد اللي هيشترك بيحبها واللي مش هيشترك بيحبها حتي لا يكون المقياس هنا هو الاشتراك حبوا من اجل مصر معاكم |
بالتاكيد كلنا بنحب مصر ونريدها احسن بلد فى العالم وهذا لن يتاتى الا باحترام كل منا لرائ الاخر والقضاء على الفساد فلن توجد اى اصلاحات طالما منظومه الفساد باقيه مشاركين معاك طبعا .. ويارب الخير لمصر وشعبها الطيب تقبل تحياتى |
الله موضوعات جميله فعلا |
بجد موضوع جميل جدا وكلام عين العقل ربنا يهدى احوال مصر يارب وترجع احسن من الاول |
اكيد كل كلامك صح ومصر ليها حق علينا الطال يجتهد ليفرح اهله والاهل بيعملوا ال عاليهم والموظف يشتغل بضمير وكل مصرى يعمل من اجلها |
ربنآ يحفظ مصر وكل أهلهآ امتنآني وأكثر |
مصر له حب بالقلب مصر صمامي ومضر عيني وفكري مصر نبضي ودمي ولحمي صحيح لست مصري ولكن مصر هي امي... مجنون بلا ليلى ,,,, |
يا سادة الأحقاد مصر بشعبها بتراثها بصلابة الإيمان مصر العظيمة سوف تبقى دائما فوق الخداع.. وفوق كل جبان مصر العظيمة سوف تبقى دائما حلم الغريب وواحة الحيران مصر العظيمة سوف تبقى دائما بين الورى فخرا لكل زمان يا من تريدون الزعامة ويحكم مصر العظيمة كعبة الأوطان فاروق جويدة ,,,,, |
حفظ الله مصر واهلها والف بين قلوب ابناءها صغارا وكبارا نساءا ورجالا وابعد عنها كل سوء ومكروه و انعم عليها من نعماءه وزادها من فضله امين يا رب |
كلنا مصريين وكلنا اخوات مؤيد بقا ولا معارض مش هتفرق كتير المهم في الاخر ان دمنا واحد فكرة جميلة جدااا وانا معاكم طبعا ان شاء الله |
حمله موفقه ان شاء الله بالتوفيق للجميع.. ويارب انصر مصر وانصر الحق في اي مكان كان |
ادم
|
صح اني يمنيه بس والله لو ماكنت بحب مصر ما كنت شاركت بالمنتدى والله لو بعطي روحي لمصر بحس اني يلي قدمتولها شي صغير كلنا بنحب مصر لانها ام الدنيا كلها لو بتعدب بحياتي علشان خاطر مصر معنديش مشكله كلنا اكيد مشاركين بالحمله خيو وعفوا لاني طولت بالكلام بس لو بضل اتكلم على مصر سنه كامله ما بقدر اعبر عن حبي لها بحبك يا مصر يسلموا كتير خيو الله يعطيك العافيه |
مبارده طيبه امجد كلنا مع بعض في حب مصر وعلشان بلدي بحبها اعمل كل حاجه في حب بلدي انا معاكم ان شاء الله |
بارك الله فيك اخوى |
| الساعة الآن 05:27 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب
