منتديات بنات مصر

منتديات بنات مصر (https://forums.banatmasr.net/)
-   حواديت وقصص الأطفال (https://forums.banatmasr.net/f258/)
-   -   تصدقو نمل وسمك خلو الفقير أمير؟! تعالو أحكيلكو ||تـآبع للحملـهه || (https://forums.banatmasr.net/msryat443304/)

Nàdøỡsha 11-15-2013 12:59 AM

تصدقو نمل وسمك خلو الفقير أمير؟! تعالو أحكيلكو ||تـآبع للحملـهه ||
 
http://im42.gulfup.com/2umf2.gif

كان فى ولد اسمو سمير ماشى فى بلاد الله لخلق الله بيدور على رزق ومعاه أكل بسيط يكفيه فى طريقو
وهوا ماشى وبيستريح على صخرة من تعب الطريق وطلع ساندويتش عشان جاع
ولسة هايحط الساندويتش فى بقو بص لقى نملتين


http://im42.gulfup.com/LZqXa.gif

بيبصو عليه وبيقولولو: احنا هانستنى الفتافيت اللى هاتقع منك علشان احنا وصحباتنا النمل جعانين جدا
صعب النمل على سمير وقال أنا هاقسم الساندويتش انا وانتو عشان تاكلو انتو وصحباتكم
النمل فرح وقال: ده كرم كبير قوى منك أحنا كنا طمعانين بس فى الفتافيت لكن انت طلعت كريم وطيب ومسيرنا هانردلك الجميل بتاعك ده
ضحك سمير وقال: أنا مش منتظر رد أنا دايما بعمل الخير لله وانا لما عملت معاكم ده وانا واثق ان انتو حشرات صغيرة جدا ومش ممكن هاحتاجلكم فى يوم يعنى أنا مش بعمل حاجة عشان مستنى مقابل.
راحت نملة قالتلو: متستقلش بينا ياسمير مسيرك تحتاج لنا برضو ومسيرنا نردلك الجميل.
وقام سمير وقال للنمل سلام يمكن نتقابل تانى


http://im42.gulfup.com/LZqXa.gif

شى شوية سمير وكان جمب بحيرة صغيرة وسمع صوت غريب بص تحت رجليه لقى سمكتين على الشط وبيعيطو عشان ليهم فترة بعاد عن المية ومش عارفين ينزلو البحر تانى

http://im33.gulfup.com/H8gcE.gif

بصو لسمير وقالولو: لو سمحت الحقنا ونزلنا المية لحسن قربنا نموت
وبسرعة سمير مسك السمكتين ورماهم فى المية وفضل واقف لغاية ما اطمن انهم بقو كويسين
وقال: الحمد لله انتو دلوقت بخير
قالت لسمير سمكة: الحمد لله أحنا بقينا بخير وشكرا ليك جدا ومسيرنان نردلك معروفك ده



ضحك سمير وقال: العفو العفو أنا عملت كدة ومش مستنى منكم رد للمعروف وانا عارف انكم مش هاتنفعونى فى حاجة لكن انا بعمل المعروف لوجه الله
وقالهم سلام ومشى


http://im42.gulfup.com/LZqXa.gif

ووصل سمير لمدينة كبيرة ولقا على باب المدينة إعلان كبير مكتوب فيه
أيها الناس قرر الملك تزويج ابنته الأميرة الجميلة
كل من يجد نفسه مناسب أن يصبح أمير يتقدم للملك وينفذ شروط الملك
ناس كثير خافت تتقدم عشان أكيد شروط الملك صعبة
لكن سمير قال توكلت على الله واتقدم للملك وقالو أنا عايز اتزوج الأميرة

بص الملك لسمير وقالو: هاطلب منك طلبين ولازم تنفذهم وهما دول شروطى عشان تتزوج بنتى الأميرةوتبقى أمير
وشاف سمير الأميرة وعجبتو خالص وقال للملك : بإذن الله هاحارب عشان أنفذ طلباتك


http://im37.gulfup.com/mNnSb.gif

الطلب الأول
وسقف الملك بإيده ودخل الخدام ومعاهم شوال كبير
بص سمير على الشوال ومش فاهم ايه اللى جوا الشوال
الملك قال: الشوال ده فيه رز وعدس والمطلوب منك تفصل الرز عن العدس وقدامك 24 ساعة بس
سمير خد الشوال وقال: الله المستعان
ومشى سمير وهوا محتار ازاى هايفصل الرز عن العدس فى 24 ساعة بس دول عايزين سنين وبال طويييييل
وفجأة وهوا قاعد محتار شاف النملتين اللى ساعدهم بالأكل
قالت نملة: ازيك ياسمير مالك زعلان وحيران ليه؟
قالها: الملك طلب منى طلب غريب قوى علشان أتجوز بنتو وأبقة أمير
وحكالها على شوال الرز والعدس
قالت النملة: يااااه دى سهلة قوى مش قلتلك انك مسيرك هاتحتاجلنا؟
وبسرعة جمعت النملة صحباتها النمل وقعدو يفصلو الرز عن العدس
وفى وقت بسيط بقة الرز لوحدو العدس لوحدو



وفرح سمير فرح شديد قوى وقال للنمل: أنا مش عارف أشكركم ازاى
النمل قال لسمير ده رد لجميلك ياسمير عشان انت اللى سبقت بالخير
وشكرهم سمير وراح للملك
وذهل الملك أول ما شاف سمير فصل الرز عن العدس
وقال الطلب التانى
عايز جوهرة تكون غريبة وجميلة تقدمها هدية للأميرة وقدامك 24 ساعة
وبرضو مشى سمير وهوا محتار
ووقف عند البحيرة
وشافتو سمكة من السمكتين اللى أنقذهم وقالتلو: مالك ياسمير محتار ليه
قال سمير: الملك طالب منى جوهرة ثمينة وأنا فقير مش عارف هاجيبها ازاى
قالت السمكة: سهلة قوى ياسمير ولا تحير نفسك
قالها: إزاى؟
قالت السمكة: عندنا جوة فى قاع البحر مجوهرات كثير قوى أنا هانزل أجيبلك أحلى جوهرة وأبقة كدة رديت جميلك ليا
وجابت السمكة جوهرة جميلة لسمير


http://im31.gulfup.com/zwtik.gif

وفرح قوى سمير وشكر السمكة
والسمكة قالتلو: انت اللى سبقت بالخير
وقدم سمير الجوهرة للملك وسمير الفقير صار أمير
وتوتة توتة فرغت الحدوتة
وطبعا الحدوتة علشان تعلمنا اننا دايما نعمل الخير مع كل الناس مش مع الناس اللى تقدر ترد الجميل بس

جبل عالي 11-15-2013 09:09 AM

دعوة جميلة لفعل الخير وعدم انتظار الرد

فقط لوجه الله ورضاه

وتيقن بأن الله سيكون أرحم بنا في وقت ما

تحيتي لروعة القصة والعبرة والترغيب

في كل عمل الخير بلا انتظار مقابل

تحيتي وتقديري

Nàdøỡsha 11-15-2013 10:38 AM

تسـلممى حبيبتـى
منـوره

بحر النسيان 11-15-2013 12:33 PM

هذه دعوه لصنع المعروف مع كل الناس ، ولافرق بين الغريب والقريب فــي معاملته الانسانية

قصة رائعه

تقبلى مرورى

ولكى تحياتى

العاشق الذى لم يتب 11-15-2013 03:54 PM

قصة جميلة فيها الكثير من المواعظ
وانتقاءجيد
جزاكم الله خيرا
تسلم الايادى
مودتى

شاعر الانسانية 11-15-2013 09:02 PM

سبحان الله له فى ذالك حكم قصة تحتوى على امور
نحن نسينها وتجهلنها سويا
وهى الصبر وعدم الاهمال والتقليل
من اى شىء مهما كان بسيط فى حياتنا
لعل الله يجعل فيها نافع واهمية قد لاندركها
وكما يقلولون فى المثل يوجد سرة فى اضعف خلقه
سبحان الله

ساحر الأحزان 11-15-2013 09:11 PM

حدتوتة وقصة جميلة ندوش

سمير فعل الخير

من دون مقابل

ورجعلة على افضل ما يكون

Nàdøỡsha 11-15-2013 09:20 PM

اقتباس:

المشاركة الأصلية كتبت بواسطة بحر النسيان (Post 4244038)
هذه دعوه لصنع المعروف مع كل الناس ، ولافرق بين الغريب والقريب فــي معاملته الانسانية

قصة رائعه

تقبلى مرورى

ولكى تحياتى

تسـلم لمـروركـ
ممنـوور ^^

اقتباس:

المشاركة الأصلية كتبت بواسطة الرجل المتواضع (Post 4244241)
قصة جميلة فيها الكثير من المواعظ
وانتقاءجيد
جزاكم الله خيرا
تسلم الايادى
مودتى

جزآنـآ وإيـآك :)
منـور
اقتباس:

المشاركة الأصلية كتبت بواسطة رجلا بلا عنوان (Post 4244473)
سبحان الله له فى ذالك حكم قصة تحتوى على امور
نحن نسينها وتجهلنها سويا
وهى الصبر وعدم الاهمال والتقليل
من اى شىء مهما كان بسيط فى حياتنا
لعل الله يجعل فيها نافع واهمية قد لاندركها
وكما يقلولون فى المثل يوجد سرة فى اضعف خلقه
سبحان الله

سبحـآن آلله ،
منـور :)
اقتباس:

المشاركة الأصلية كتبت بواسطة ساحر الأحزان (Post 4244475)
حدتوتة وقصة جميلة ندوش

سمير فعل الخير

من دون مقابل

ورجعلة على افضل ما يكون

ميـرسي ، مروركـ أجممـل ،،

Stop Ana Eltop 11-15-2013 11:27 PM

حدوته جمييله جداا وفعلا الى بيعمل الخير بيلاقيه
تسلمى على مجهودك الجميييل

ياسمينااا 11-17-2013 08:34 PM

ياريت فعلاً نعمل الخير ومش نستني مقابل من اللي عملناه فيه الخير دا
وفي مثل بيقول ( إعمل الخير وإرميه في البحر )
لإن أكيد ربنا هيديك علي أد أفعالك اللي بتعملها
ممكن اللي عملتله الخير دا مش يساعدك بس
هتلاقي ناس تانيه يساعدوك في وقت الشده عندك
وهنا سمير مش كان مستني رد الجميل لما عمل الخير فيهم
بس جه وقت وإحتاجهم وردوا الجميل ليه
قصه جميله ندوشا
تسلم إيدك ي قمري
بإنتظار جديدك



الساعة الآن 12:32 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w