منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   أبــــو الْـعِــيَــــالْ (https://forums.banatmasr.net/msryat443840/)

أحمد الجمل 11-19-2013 06:44 PM

أبــــو الْـعِــيَــــالْ
 

أبــــو الْـعِــيَــــالْ

**********************

قالولى يابْنى مِشْ كفاية أربعةْ
هُوَّا انْتَ فاتحْ جُوّا بيتكْ مَزْرَعَةْ

ولاّ انت ناوِى تجيبْلِنَا دَسْتِةْ عِيَالْ
يِصَدّعُونا من الصِّريخْ والْفَرْقَعَة

ويزْعِجُوكْ ويْقِلُّوا راحتك لو تنام
ولا حَدّ فِيهُمْ يِقْضِى بِيتَكْ مَنْفَعَةْ

الْوَادْ دَهْ مِ الشِّباك بيرمى كل شئ
والتانى بالكبريت يولّعْلك حريق

والبتّْ دِى قال أيْهْ بتطبخْلَك طَبِيخْ
وِتْغَرَّقْ الْمطبخ يا عينى بالدِّقيق

والتانية تِضْرَبْ كُلّ عَيِّلْ مِ الْعِيَالْ
وتْشِدّ شَعْر الْكُلّ وتْسُوقْ الدّلالْ

وتِجْرِى تِشْكيلَكْ وتُعْصُرْ دَمْعِتِينْ
وتقول يا بابا الْحَقْنِى أُسْتَاذِةْ خَيَالْ

وتُطْلُبْ احْمَدْ تِنْسَى وتْنادِى لْعِصَامْ
وتقول يا فاطمةْ وانْتَ بِتْبُصّْ لْهَيَامْ

وتِنْسَى إِنّ الجُمْعةْ راحَةْ وتِبْتِدِيهْ
تِلْبِسْ هُدُومْ الشُّغْلْ وتْقُولْ يا مُعِينْ

تقول مِرَاتَك بَعْدْ مَا تِضْحَكْ عَلِيكْ
حبيبى قُلْ لى إِنْتَ رايِحْ بَسّ فِينْ

الجُّمعة راحةْ ولاّ ناسِى الْيُومْ دَهْ إِيهْ
ولاّ انْتَ هَرْبانْ م الْعِيَالْ انْطَقْ يا بِيهْ

أُسْبوعْ بِحَالُهْ وانْتَ مِرْتَاحْ م الْعِيَالْ
والْيُومْ دَهْ راحَةْ لِيَّا مِشْ لِيكْ ولاَّ أيْهْ

************************

بقلمي
أحمـــ الجمل ـــد

دمعه حائره 11-19-2013 06:53 PM

الله جميله جدا وبتحكى واقع فعلا بنعانى منه
تسلم استاذنا ويدوم الابداع

اميره الشعر الشجين 11-19-2013 07:07 PM

أخى الرائع حقا كلمات قبل ان يقال عنها شعرا يقال عنها واقعا اجتماعيا يناقش مدى المعاناه مابين الزوج والزوجه والاولاد ان زاد عددهم عن المطلوب

تنظيم وسرد رائع ماعدمنا تميزكم دام نبض قلمكم الراقى

ويبقى الأثر 11-19-2013 07:20 PM

ادى نتيجة اللى يقول العزوه ياخال
مش كفايه متجوز اربعه وكمان عيال
هيجننوك وهينسوك كمان اسمك
ربى يصبرك ويقويك على ده حال


الله عليك
رائع بحق استاذ احمد
عاميه جميله متناغمه وسلسله مضمون وسرد رائع
مرحباََ بك استاذنا وبقلمك الراقى بالقسم العامى
تشرفنا بوجودك
دمت ودام نبض القلم والقلب
ارق التحايا
ونجومى




جبل عالي 11-19-2013 07:41 PM

استاذنا الراقي ماشاء الله

عامية متقنة ووصف لحال واقع

دائما بمتصفحك الكثير والكثير مما يجب ان نتعلمه

لك كل الشكر والتقدير

Lamees 11-19-2013 08:17 PM

عامية راقية وخفيفة جميلة توصف
حال بعض الاسرة المصرية
راقي في خيالاتك
وراقي ايضاً في كلماتك
دومت مبدع يا نجم العامية
كنت هنا
روني..~

صمتى كلام 11-19-2013 11:18 PM

لانت لك العاميه فصنعت منها مل صنعت
سلمت يدك

همسه دموع 11-20-2013 12:04 AM

تسلم ايدك احمد

رائغ ومبدع

تحياتى

جبل عالي 11-20-2013 12:39 PM

تم التثبيت لمدة 3 أيام
20\11\2013

أحمد الجمل 11-21-2013 05:02 PM

اقتباس:

المشاركة الأصلية كتبت بواسطة دمعه حائره (Post 4248003)
الله جميله جدا وبتحكى واقع فعلا بنعانى منه
تسلم استاذنا ويدوم الابداع

سلمك الله من كل مكروه وسوء
وأهلا ومرحبا بك أختي الفاضلة
كل الشكر على مرورك العطر
وتقبلي وافر احترامي وتقديري
وخالص الود
دمت في أمان الله


الساعة الآن 01:14 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w