http://im37.gulfup.com/ICf4X.gif
كان يا مكان يا مكان ميحلى الكلام الابذكر النبى عليه الصلاة والسلام
كان الفار فرفور فار حلو صغنون عايش مع ماما وبابا واخوة التؤام الفار فشكول
http://im31.gulfup.com/Wmdck.jpg
كان فرفور اعد علطول ادام الكمبيوتر يلعب العاب ويتفرج على افلام وكمان فرحان اووى ومبسوط وبينسى الاكل علطول
http://im31.gulfup.com/sAIPw.jpg
انما بقى اخوة فشكول علطول بقى بقه مشغول وبالاكل دايما مليان لا بيفضى ولا بيرتاح
وسنانه علطول بتقرقض فى الجبنه و فى الحلويات
http://im31.gulfup.com/fRM6D.jpg
وماما كانت مديقه اوووى وزعلانه من فرفور واخوة فشكول
مهما ماما تنصح وتكلم لافرفور بيسمع ولا فشكول يتعلم
ودايما فرفور بيعلى فى صوت الكمبيوتر وخبط ورزع وتهبيد ولا بيراعى جيران ولا بيراعى ماما التعبانه لما تكون عايزة تنام وهى ياعينى جعانه
http://im31.gulfup.com/Ka58X.png
انما بقى فشكول دايما ياكل كل الاكل ولا بيهمه بابا التعبان
http://im36.gulfup.com/KU54P.jpg
ويكون راجع من الشغل يا حرام وعايز ياكل حته جبنه او شويه بسطرمه
وفشكول ياكل كل الاكل
http://im35.gulfup.com/IIS0p.jpg
ولا بيهمه حد وبابا زعلان اووى ومدايق من فرفور الى علطول مشغول باللعب والكمبيوتر وكمان افلام كارتون ولا بياكل ولا بيشرب ياحرام وبفشكول المفجوع الى علطول مشغول بالاكل
ماما وبابا اعدوا يفكروا ويخططوا احنا هنتصرف ازاى مع اولادنا
فرفور الى ميعرفش قيمه الاكل ولازم يتعلم ياكل علشان يكبر ويكون قوى ويبعد بقى عن التلفزيون والكمبيوتر
http://im35.gulfup.com/JF53C.jpg
ونظرة ضاع خالص ولبس يا حرام نظارة
واخوة فشكول الى بياكل عمال على بطال جبنه ولحمه وخيار وشيبسى وحلويات وايس كريم ومصاصه وبقة كدة شغال عمال على بطال ووزنه زاد يا حرام
http://im33.gulfup.com/7rF1Q.jpg
بابا قال لماما هنعمل ايه فى اولادنا وهنعلمهم ازاى يا فاره ؟
ماما قالت ايه رايك اننا نسبهم فى البيت اسبوع لوحدهم ونسافر ونسيب معاهم اخوك مرجان
دا مدرس جبنه ممتاز وهيقدر يعلمهم 0000؟
http://im33.gulfup.com/PwvYb.jpg
بابا وافق وقال على بركه الله وكمان اخوى مرجان اخد جائزة الجبنه الذهبيه فى العلوم الفيرانيه
http://im32.gulfup.com/3NEQR.jpg
اتصل بابا باخوة مرجان مدرس الجبنه فى عالم الفيران
وطلب منه انه يحضر اووووووام لانهم مسافرين هو وزجته ويعد مع فرفور وفشكول ويعلمهم
وسافر ماما وبابا وسابوا اولادهم مع عمهم مرجان
واول مرجان موصل البيت جمع فرفور وفشكول وقلهم تعالوا هنا يا حلوين عايز احكلكم حكايه الفيل فلفل واخوة فلفول
وقال مرجان كان يامكان كان فى زمان فيل رفيع كدة وضعيف ومبيحبش ياكل حاجه بالتلفزيون
http://im32.gulfup.com/vieiH.jpg
علطول مشغول وكان اسمه الفيل فلفول وكان ضعيف كدة وعيان ونظرة ضعف من كتر الفرجه على التلفزيون واصحابه بيتريقوا عليه لانه علول كدة نايم ومش فايق ووقت الفسحه مش فايق والميس زعلانه اوووى منه لان الضعف الى هو فيه مبيركزش ولا بيفهم دروسه يا حرام
http://im39.gulfup.com/2kDIS.jpg
وكان اخوة الفيل فلفل بقة كدة علطول مشغول وبالاكل دايما مهتم وياكل كل حاجه ولا يلعب رياضه ولا حاجه وجسمه بقى كدة قلبوظ وتخن ومبقاش يقدر يتحرك
http://im39.gulfup.com/RvG5b.jpg
وبقى عندة كرش كبير واصحابه بيتريقوا عليه وميقدرش يلعب زى اصحابه لان وزنه تقيل من كتر الشيبسى والقلبظ والشكولاته والبسكويت والميس منه بقيت زعلانه لان كتر الاكل مبيركزش ومبيتحركش ومن مكانه مبيقمش
وزعلت اووووى ميس فلفوله
http://im37.gulfup.com/sfu62.jpg
من فلفول واخوة فلفل وبعتت لمامتهم وهددت هتفصلهم من المدرسه وتحرمهم لو مركزوش معاها فى الفصل وماما زعلت من فلفل وفلفول وطلبت منهم انهم يتعدلوا
وفهمتهم ان الواحد لازم ياكل علشان يقدر يعيش ويركز ويشرب اللبن ويفطر الصبح ويدغدى وكمان يتعشى
رد فلفل وقال انا يامامى باكل كله وكله تمام
ماما بصت لفلفل وهى زعلانه وقالت لا يافلفل لا لا لا
مش كل حاجه الاكل لازم ناكل لغايه منشبع ومنملاش بطننا جامد علشان نقدر نتحرك ومش كل شويه اكل غير صحى شيبسى وقلبظ ومصاصه وويندوز
لالا لازم ناكل خضار وفاكهه والاكل مش عمال على بطال كدة لا
وزعلت اووى ماما وقالتلهم انا خلاص همشى وهسبكم لوحدكم وهبنى بيت تانى بعيد عنكم
لانى خلاص زهقت وتعبت منك يا فلفول انت وفلفل وانا همشى وهسبكم خلاص
فلفول وفلفل عرفم غلطهم واعتزروا لماما وقالوا خلاص مش هيكرروا غلطهم تانى وقال فلفول انا ياماما خلاص مش هتفرج على الكمبيوتر والتلفزيون كتير وكمان هكل علشان اكون قوى وشاطر فى المدرسه
وقال فلفل وانا ياماما اسف ولا هكل تانى كتير وهلعب رياضه وهشيل حديد
وفرحت ماما باولادها لما بقيوا متفوقين وجابت لكل واحد منهم هديه جميله
http://im37.gulfup.com/jpS6f.jpg
وقال مرجان عم الفران وتوته توته خلصت يا فران الحدوته
فرفور وفشكول اعدوا يفكروا فى كلام عمهم وخافوا اووووووووووى لحسن ماما وبابا يكونو سبوهم ومشيوا وزعلانين كمان منهم
وقرروا انهم يبطلوا الحجات والعادات الوحشه دى وهيكلوا الى يكفيهم وبس وكمان قرر فرفور انه هيبل الفرجه الكتير على الكمبيوتر والبلاستيشن وهيعد يقرا كتاب او مجله
http://im35.gulfup.com/hsPBV.jpg
اما بقى فشكول فقرر خلاص مش هياكل نايب بابا تانى ولا هيخلص كل الاكل لان الدنيا مش كلها اكل فى اكل وفى حجات تانيه كتير لازم نتعلمها نلعب رياضه ونجرى ونقرا ونتعلم
وفرح اووووووووووى مرجان بعيال اخوة
ولما ماما وبابا رجعوا كانوا سعداء اوووووووى بعيلهم وكمان ماما وبابا جابوا هديه لاولادهم
http://im33.gulfup.com/UaJxA.jpg
ومنسيوش الفار الاستاذ مرجان بهديه حلوة كمان لانه قدر يعلم اولادهم ويفهمهم
وانتوا يا صغننين اووووووووووووووووعووووووووووا تكونوا زى فرفور وفشكول
عايزين نتفرج على الكرتون او التلفزيون يبقى حبه صغننين علشان عننا الحلوين
واعوا تنسوا الاكل يا شطار
فطار وغدا وعشا
واوعووووووا تعملوووووا زى فشكول وتاكلوا كدة
عمال على بطال قلبظ وشبسى وشكولاته
وسلامى لكل الشطار :04: