منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   اهدااء لروح الطفله زينه .♥. الله يرحمها (https://forums.banatmasr.net/msryat444214/)

K A S E M 11-22-2013 04:41 PM

اهدااء لروح الطفله زينه .♥. الله يرحمها
 



ذنبك يا ورده اتفتحت وقت الخريف

ان انتى طفله فــ وسط ناس

اخلاقها ارخص مــ الرغيف

انك لمحتى الشمس طاله فى السما

حاضنه البيوت والامكنه

قمتى ابتسمتيلها بشوق

يا ام ابتسامه صغننه

ان انتى مركب من ورق ..!

فوق بحر موج عاتى وضباب

ذنبك عشان جيتى ف وطن

الدم فيه رخص التراب !!


روحى لربك وافتحى

ايدك لقربه و رحمته


فى الجنه فوق هتفتحى

ياورده زاينه جنته

ويا الملايكه العبى

صيد اليمام او حتى اوله

ماهو فيها مين راح يخطفك

او يغتصب فيكى الطفوله !!


http://www8.0zz0.com/2013/11/22/15/208029515.jpg

هلا تركتمونى حتى اكبر واصطدم بواقعكم المرير
هلا تركتم لى عروستى وارجوحتى
انظروا مازالت قدماى فيها لا تطولان الارض بعد ..!!


Aya 7ekaya 11-22-2013 05:04 PM

يااااا
كل اما اشوف ضحكتها بتوجع
وبقول ماهو لو ممكن كىنت ترجع
تمسح دموع امها وتفرح
علشان الورد اللى دبل يجى يفتح

ربنا يرحمها ويرحمنا برحمته

ابتسامة الزهر 11-22-2013 05:21 PM

http://2.bp.blogspot.com/-N7NmrLG-uH...9%86%D8%A9.jpg



ياخسارة على وطن
الدم فيه رخيص
الأخلاق والمبادىء
ضاعت فى الجحيم
زينه يابنت عمرى
يابنت الخمس سنين
خطفوك من حضنى
ورموكى فى غمضة عين
أمبارح كان عيد ميلادك
والنهارده هو يوم مماتك
دفنوكى ملاك ابيض برىء
أنت دلوقتى عند رب كريم
عصفورة فى الجنة
وادينى أهه مستنيىة
يجيب حقك المصريين
......................

قاسم

كلمات حزينة عبرت عنها لهذه الطفلة
البريئة التى تئن وتصرخ وتطلب حقها
الله يرحمها ويصبر اهلها
فى انتظار جديدك

ساحر الأحزان 11-22-2013 05:42 PM

رحمة الله عليها

ما ذنب تلك الطفولة

ان تذهق روحها

أشخاص ماتت فيهم روح الرجولة

ربنا يرحمها ويصبر اهلها

والمعتدى ينال اشد العقاب

Nàdøỡsha 11-22-2013 06:49 PM

ربنـآ يرحممها
ف الجنـه إن شـآء آلله :( ..

الرحــاال المٌتَمرد 11-22-2013 06:50 PM

لا أٌخفيك سراً
مررتٌ مِن هٌنا زائر ..
و أنا أعلم جيداً إني سأجد هٌنا ما يروق لى قرآته
أجبرتني تلك اللوحه الأدبيه على تسجيل دخول
كي أبدي أعجابى بما صنعت ..
أحسنت صنعاً صديقى .. فأبدعت
رحم الله شهدائنا جميعاً ..
و تمنياتى لك بدوام التوفيق

رووكه 11-22-2013 06:58 PM

الله يكون ف عون مامتها

أحنا مجرد ما شوفنها أتوجع قلبنا

وانهمرت دموع الحزن على طفله

كأنت ضحيه ناس معدومه الضمير والرحمه

رحمها الله وجعلها سبب ف أخذ مامتها وبابها

لدخول الجنه آآمين

تسلم ايديك وربنا يصلح حال البلد

آآمين

دعواتى لك بالخير

اميره الشعر الشجين 11-22-2013 07:13 PM

يا الله بجد مش عرفه اقول ايه انا مش قدره اتخيل بسمه بريئه زى دى ويا الله على جمالها تروح ضحيه بالشكل دا ربنا ينتقم منهم بجد

اخى كلماتك روعه ومؤثره جدا دام التميز اخى

Lamees 11-22-2013 08:00 PM

الله يرحمها وحقها عند ربنا مش هيروح
زينة وهي زينة والله

فتحى عيسى 11-22-2013 08:08 PM

حسبي الله ونعم الوكيل
في هؤلاء الفجرة الملعونين في الأرض والسماء
قتل البراءة وحشية ربنا يرحمها بواسع رحمتة
أحييك أخي المبدع علي هذا الإحساس الكريم
وهذا التجلي الوارف بجمال الروح والقلب والقلم
سلمت والنبض
مودتي وإحترامي


الساعة الآن 08:53 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w