|
ان تهت في الهوجة.... علي رتم المسحراتي ان تهت في الهوجة اركب الموجة وان مرة شفت الدم سايح يملا صفايح قول وانا مالي اهم حاجة نفسي وحالي انا بحافظ علي قوت عيالي واديني عايش طب ليه نهابش د احنا غلابة والدنيا فيها كتيرديابة انا عمري معرف اعيش في غابة انا نفسي اعيش ****** فيه ناس قالولي يا حضرت الاستاذ اذا كنت عاوز تكون جبهه للانقاذ ابدأ بأزمة عيش او ازمة البتوجاز كنت حتلقي الخلق ماشين وراك طوابير ابعد عن السياسة الخير حيجي كتير واذا كنت غاوي اللسع روح هيج الدبابير ******* خزعبلات مشوهات وفيديوهات مفبركات الليل طويييييييييل بيقتل خوفه بالحكايات وحكايتي صبحت يا ناس حكاية اللي يقول رأيه بيحط لعمره نهاية وانا اخويا بص لفوق في لحظة مات و انا بقيت بخاف انزل لفرن العيش |
ومهما تهت فى الهوجة ولا لقيتها محتاجة كام الف موجه لأجل ماتبقا الحياة ليها حوجة ونفوسها رايقة وناسها فايقة ارجع لدينك وقول أنا تبت عن المعاصي رح اصبر مهما فيها لقيت مآسي وان يوم شربت كاس المهانة ولا إرتضيت بمر الخيانة مستاهلش أكون نقطة في موجه دي الكرامة عمرها ماكانت هوجة كلمات قيمة ونقد لحال أرهق أرواحنا كثيراً الأستاذ الراقي تحيتي وتقديري لقلمك النابض بحالنا والمتمكن بأدوات النقد البناء راقتني معزوفتك الراقية هنا |
الله الله الله والله ما لاقى رد مناسب خايف اشوه جمال كلماتك تسلم ايدك يارب عبرت بجد عن حالنا بلدنا دلوقتى بقت غابه رينا يستر عليها |
حروف مكتوبه بحبر الأنين لوطن ينزف جرح دفين وحال يرثى له الجبين ربنا يصلح الاحوال ابدعت اخى فائق احترامى |
تثبيت وتقييم 25\11\2013 |
| الساعة الآن 06:01 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب