منتديات بنات مصر - بصراحة مع كبرياء رجل

الإخوة والصداقة رسالة سامية مغلفة
بالإخلاص والوفاء لا تموت حتى لو فرق
الموت ما بين الأصدقاء ...تحيا بحبهم
تنتقل على سفوح ِ ذكرياتهم لتنثر عبير
الياسمين بصدق لتظهر جمال ونقاء
تلك القطعة الثمينة من الجسد
وهي القلب التي ستبقى تنبض
بحبهم والاخلاص والصدق لهم مدى الحياة
أحببت ُ أن أستضيف صديق وأخ يعلم الله
مدى حبي له تعجز المشاعر عن وصف
أخلاقه وكرم عطاءه الدافق بالخير للجميع
إنسان صاحب صاحبه صادق شجاع
أسأل الله له التوفيق والنجاح مدى الحياة
اللهم آمين ...إنه الأخ الغالي :_

( كبرياء رجل )

نورتني يا سامي ...
نص الحوار بقى ...

ــــــــــ

ازيك يا عم سامي
طمني عنك وعن اخبارك

الحمد لله يا خالد كويس الحمد لله

على فكرة انتا نورت المنتدى

ربنا يخليك المنتدى منور بيك
وبكل الاعضاء الطيبين الخلوقين

ــــــــــ
1_ تعرفت على المنتدى منذ فترة
بعيدة برأيك ما الذي تغّير على المنتدى
من يومها لهذا
اليوم إن وجد ؟

والله انا غبت الفتره اللي حوالي ما يقارب 6 شهور او اكتر
اكيد في تغيير اعضاء جديده اشراف جديد ناس متعرفهاش كتير
وربنا يديم بين الجميع المحبه يارب امين

ــــــــــ
2_ما هو سبب غيابك المتكرر عن المنتدى
وكيف تقبّلت عزلك عن الأشراف لذلك؟

ظروفي الخاصه يمكن فعلا انا جت
عليا فتره وادمنت المنتدى وبكده يكون دخل
على المرحله الخطره في حياتي زي الشاي
كده لما حسيت
اني لو مشربتش شاي بتصدع على الفور
يعني الموضوع اثر عليا شويه وعلى حياتي العمليه
وحياتي الشخصيه
لان وقت فراغي قليل ومن يوم غيابي كنت ناوي
ادخل على ذكرى رحيل محمد الله يرحمه
موضوع الاشراف انا كنت على
علم لاني مش متواجد ويمكن كلمني ساحر اخويا وحبيبي
قولت له ظروفي والحمد لله على كل شئ

ربنا يبارك في أصلك الطيّب

ــــــــــ

3_عودتكـ المشرفة بموضوع يتحدث
عن الأخ محمد الله يرحمه صف لنا علاقتك به لمن
لا يعلمها منذ تعرفت عليه لوفاته ؟

يمكن قولت قبل كده
محمد م الناس بجد ومن غير مجامله اللي
بتحسها انها قريبه ليك حتى من قبل ما اتعامل معاه
الله يرحمه كنت لما اضيف حاجه ويرد عليا كانت
بتبقى عجباه وبتحس انه حاسك قريب ليه برضو
وكان تعليقه بحبه واسلوبه رائع
بجد لو حد اختلف معاه هنا فهو لم يرى محمد من الداخل
شخصيه طيبه جدا وصاحب صاحبه
وبيحزن قوي لما يحس ان حد زعلان منه
اختلفنا انا وهو منكرش بسبب نقده او اختلافه مع انشاء القسم المسيحي
ولما حس اني زعلت اعتذر وكرر اعتذاره
وقلت له يا محمد خلاص مش زعلان بجد كتير عليا انك تعتزر
قالي جمله هتفضل معلمه فيا بجد اني فقدت حد زي كده
قالي ولو هفضل اعتذرلك العمر كله عشان متزعلش هعتذر
ياااااااااااااااه مكنتش اعرف انه فعلا اعتذر عمره كله ليا
الحمد لله وربنا يرحمه اول حد احزن عليه في حياتي كده
بعد الخبر غبت عن المنتدى حوالي 17 يوم او 20 مش فاكر
والله رجعت لقيت رساله خاصه من حد قريب لقلبي فعلا عن وفاة محمد
واني مزعلش والله بكيت بكل ما فيا

الله يرحمه ويغفرله يا رب وهذة أقل رسالة
على مدى حجم هذة الدنيا الفانية .

ــــــــــ

4_لو عُرض عليك أن تضيف شيء
وتحذف شيء آخر في هذا المنتدى
ماذا يكون في كلا الحالتين ؟

في الفتره الحاليه حاسس فشي زي الكتاب الابيض الحمد لله
حابب اضفيه لكن مفيش حاجه فيه تتمسح

ــــــــــ

5_متى سنبارك لك في عرسك

بإذن الله أم أن الحديث عن هذا الأمر سابق لأوانه حاليا ً ؟
ربنا يكرمك يا خالد لو ربنا سهل واداني وقت ان اعيش ممكن
سنه او سنه ونص ان شاء الله
بس انتا ادعيلي ان ربنا ييسر طريقي

ربنا يديك طولة العمر يا رب ونفرح بيك وبأولاد أولاد أولادك هههه

ــــــــــ

6_أنت تعيش في ****************** صف لنا
شعورك بالغربة ومتى ستزور مصر
وما الفرق بين مصر و******************
من حيث نمط العيش والمعاملة
في مختلف نواحي الحياة ؟

االغربه في بدايتها بتحس انها صعبه خاصة انك اتنقلت
بجسدك من مكان وروحك في مكان تاني
مع الوقت الروح بتلزم والحياه بتمشى غصب عننا
الفرق في كل حاجه يا خالد هنا دوله تعداد سكانها قليل جدا
البلد بتتمد على مورد واحد هو اللي مخليها اقتصاديا كويسه
ومعيشة ابناء البلد مرتاحين وربنا يزيدهم
حكومتها حابه البلد وبتطر فيها واسعارها كمان جيده وكل شئ فيها متوفر
اما بنتعامل مع كل شخص بحسب طبعه والحمد لله

ــــــــــ
7_كيف تصف ما حصل في مصر في
30يونيو ثورة أم نقلاب ولماذا برأيك ؟

مكنتش حابب اتكلم في السياسه
بقالي قربت اكمل 3 سنين في المنتدى عمري
ما فتحت اي سياسه مع اي شخص
بالذات لاني دلوقتي يعتبر مش موجود يا خالد فمكنتش حابب اختلف مع حد
بس هحاول اختصر وياريت مهما اختلفنا في الراي محدش يزعل مني
وياريت محدش قدام الشاشه وهو بيقرأ كلامي يغلط فيا
انا شايفه انقلاب يا عم خالد

ــــــــــ

8_ما هي رؤويتك كشاب مصري قبطي لجماعة الإخوان المسلمين ؟

انا قولت اني اختلف مع الاسم للجماعه لان الدين
لا يدخل في السياسه
بل السياسه تدخل في الدين من تصحيح المسار
ويمكن العباره دي مرت عليكم بنفس المعنى

ــــــــــ
9_نود منك وجهة نظر أو موقف أو رسالة ما لكل من هؤلاء :_
1_ الرئيس محمد مرسي

شخصيه محترمه لم نرى منها اي تقصير او اي اساءه
للبلد بل كان شجاع على ان يعمل بضمير وبحق وعدل
ولكن لم يعلم جيدا ان روساء هذه البلد الحقيقون من ملاكها
كان صاحب حق ورساله لا انكر انه هناك سلبيات ولكن
لما لا تدعوه يعمل
http://im40.gulfup.com/ho7iw.jpg

ــــــــــ
2_ الفريق عبدالفتاح السيسي

كيف اثبت ان الاخوان على باطل وانهم
فاسدون بان افعل ما لم يستطيعوا فعله
ولكن اين النتيجه والى اين

ــــــــــ
3_ الأنبا تواضرس

الانبا تواضرس شايفه حد نشيط وحابب يعمل كتير
يمكن الكرسي البابوي صعب جدا وهو قال كذلك
لان المسئوليه ستكون سهله عليه ان شاء الله
لكن ندع الساسيه قليلا خلفنا

ــــــــــ
10_برأيك ما هي الحلول الأأساسية والجذرية للخروج من
الأزمة الحالية التي تتعرض لها مصر الآن؟

القضاء على الفساد
جميعنا نكون يد واحد من اجل بناء مصر ويكفى هدم فيها
الضمير الاعلامي ودي مش عارف اقول فيها ايه
واي ناس اعتقلت من غير تهمه ياريت تخرج

ــــــــــ
11_كمصري مغترب كيف تقبلت ما حصل بعد
30 يونيو من أحداث مؤسفة ومستمرة ليومنا هذا ؟

كانت ايام صعبه وكنت خايف لحسن تكون اخدتلك عيار طايش
او مقصود وسط الاحداث
وكانوا تاني يوم هيقولوا عليك ارهابي متقلقش
كل الناس كانت فرحانه وانا بجد مكنت مبسوط لكده لاني
كنت متاكد ان البلد مش هتهدأ
وبصراحه كنت من مؤيدي مرسي

لا يا عم أنا كنت مسافر وقتها ههه

ــــــــــ
12_ما رأيك كشاب مصري بالرئيس عدلي منصور وهل
تعتقد أن الوضع السياسي والإقتصادي
تغير للأفضل أم للأسوأ ولماذا ؟

للاسف الرئيس عدلي منصور لم يقدم اي جديد للبلاد
وفي تصريح لشخص مسوؤل كويتي وهو بيقول على الفضائيات
وهذا عدلي منصور بس هو مقلش منصور على فكره قال حاجه تانيه
المهم قال انه جاي عاوز
2 مليار ما بنعطى فلوس لناس قتلت ودمرت البلاد
انا عندي اني اموت ولا ان بلدي تشحت يا الله
كان قبلها بكام يوم شركة زين دي شركة اتصالات كويتيه اشهر شركه هنا
وصلتني منهم رساله وطبعا وصلت لكل اللي في ******************
نص الرساله ادفع 1 دينار لاعانة الاسر المصريه المتضررة
ــــــــــ

13_ هل أنت َ مع ترشح السيسي للإنتخابات الرئاسية القادمة أم لا ولماذا ؟

لا يا خالد كان اثبت لينا مقدرته الفتره اللي عدت على المنصب

ــــــــــ

14_تجمعنا صداقة أعتز بها مدى عمري
.سؤالي إنتا ازاي بتصاحب إرهابي يا عم هههه؟

حظي بقى اعمل ايه بحب المغامره
شوف يا خالد انتا عارف غلاوتك عندي اه ويكفى
انك حد بجد فهم سامي واقرب ليه من ناس قريبه في حياته
عمري ما بحكم على شخص الا لما اعرفه او بعد ما اعرفه استحاله اقول عليك ارهابي
انتا انسان ملتزم ونعم الاخلاق ونعم التربيه بجد ويكفي صمتك
هنا وعدم ردك اثناء الهجوم على الاخوان دي اجمل رساله كنت
بتوصلها انك حد كويس

الله يرضى عنك يا صديقي شهادة أعتز وأفخر بها مدى حياتي

ــــــــــ
15_بعيدا ً عن المشاعر والشوق للوطن
.ماذا تعلمت في الغربة من حيث التـأقلم مع الواقع
والقيام بمسؤوليات أخرى تضاف لعملك أنا تعلمت كتير بصراحة هههه؟

تصدق مش عارف اردلك على السوال ده
شكلي متعلمتش حاجه

حرام عليك يا عم دا انتا ليك فترة في الغربة
ههههه
ــــــــــ
16_نعم أو لا مع التوضيح لو أحببت :-

1_ حققت ُ كثير من أحلامي
ومع ذلك أشعر أن هناك ما ينقصني تحقيقه بقوة؟

نعم والحمد لله حققت ولكن
ما ينقصي لا يهم ما دامت امور دينويه

ــــــــــ
2_ المصالحة في مصر هي
السبيل الوحيد للإستقرار الداخلي ؟

نعم اتمنى والله

ــــــــــ
3_أنا عصبي جدا ً ولكن
أتماسك نفسي كثيرا ً وقت الغضب ؟

عصبي لكن مش جدا
وبتماسك نفسي لكن برضو مش كتير

ــــــــــ
4_علاقتي بالمنتدى هي علاقة الروح بالجسد ؟

كانت والحمد لله وهذا لا يمنع محبتي لكل من هنا

ــــــــــ
5_أنا رومانسي (مش تقول نعم ههه)جدا ً ؟

خلاص لا عشان متزعلش ههههههههههههه

ــــــــــ
18_ نصيحة لأخوك خالد ؟

كن كما انت فانت منبع الاخلاق
وانت خير وجهه للاخوان المسلمين
وكفى ان راءك احد هكذا يقولون ونعم التربيه

الله يبارك فيك أخجلت تواضعنا والله
وما نحن سوى تلاميذكم في كل شيء يا غالي
اشكرك

ــــــــــ
19_رأيك الشخصي بهذة العبارات :-
1_ المرأة ليست نصف المجتمع بل هي أساس المجتمع

نخليها نص المجتمع والرجل النص التاني من المجتمع
كده في موازنه في الموضوع لكن اساس المجتمع مش حابب
لازم الراجل يبقى في الاولويه ولا انت شايف ايه

شايف انه لكل واحد مسؤولياته وحقوقه ودوره
في تطور وازدهار المجتمع ...

ــــــــــ
2_ أخشى من الصديق الجاهل أكثر من العدو الذكي

اذا كان هناك صديق جاهل فهو ليس صديق
وان كان عدو ذكي فسيكون لي رفيق

ــــــــــ
3_لا يهمني رأي الناس المهم رأيي أنا بنفسي ماذا

يا راجل ده الواحد و كل اللي حواليه سعداء
منه وفي شخص واحد مختلف معاه
الواحد بيبقى مش طايق نفسه بصراحه
ودائما بشعر اني سيئ

ــــــــــ
4_أنظر للجوهر ولا أحكم على إنسان من مظهره أبدا ً

اكيد طبعا لكن كتير بتنخدع في داية تعاملي مع اي حد

ــــــــــ
5_أقصر رحلة تعلمتها في الحياة هي الحياة نفسها

نعم وياريت نعلم انها مرحله وتمر وتبقى الاعمال
فالليل مهما طال لابد من طلوع الفجر
والعمر مهما طال لابد من دخول القبر
( اكيد عدت عليك قبل كده )

ــــــــــ
20_ كيف ترى حال الواقع العربي بشكل عام إلى أين يذهب ؟

اولا انا رافض كلمة العربي لان معناها في
ترابط وانا مش شايف اي وحده عربيه او اي ترابط
لو في وحده عربيه وترابط مكنش يبقى في صمت
على ما يحدث في فلسطين
ثممن بعدها سوريا الان وغير ذلك اذاً
فهو قد ذهب يا عم خالد

ــــــــــ
21_ كلمة أخيرة من سامي للأعضاء ؟

كلمة اخيره
يعلم الله كماحبت هذا المكان واكثر ما احببني فيه هو تواجدكم فيه
لذا تذكروني بالخير وان مضى الوقت ولم تروني
ارجو من الجميع ان لا يكون هناك شخص على
خلاف معي
وان لم يكن فانا اعلم جيذا انه بعد هذا الموضوع سيكون هناك خلاف ربنا يستر
المهم
حاولت اختصر لسبب واحد لان رقبتي لا عارف
احركها يمين ولا شمال حاسس ان فيها حاجه ربنا يستر

ــــــــــ
شرفتنا والله يا غالي
ربنا يسعدك يا رب ويبارك في عمرك
للتنويه . في الزاوية السياسية لكل إنسان وجهة نظره
التي تخصه وتعبر عنه وعن قناعته فالواجب أن تحترم أيا ً كانت
ومهما كان إختلافها مع رأيك وقناعتك ...
ونزولا ً لرغبة ضيفنا الغالي سامي ..فإنه يتمنى إحترام
وجهة نظره وعدم الدخول في نقاشها سياسيا ًوكلنا أمل وثقة
الإلتزام بما يريده الضيف وفق رغبته الشخصية مع الشكر ...
حفظ الله مصر
والله المستعان ...
ــــــــــ